ރާއްޖޭގައި ސައިބާ ސެކިއުރިޓީ އިތުރަށް ހަރުދަނާކުރުމުގެ ގޮތުން ތަޖުރިބާކާރުންގެ އެހީތެރިކަން ފޯރުކޮށްދިނުމުގެ މެމޮރަންޑަމް އޮފް އަންޑަސްޓެންޑިން (އެމްއޯޔޫ) އެއްގައި ދިރާގާއި ބަހުރައިންގެ ޓެލެކޮމް ކުންފުނި ބަޓެލްކޯ އާދި ދިރާސާގާ އެކު ސަރުކާރުން މިއަދު ސޮއިކޮށްފި އެވެ.
ބަޓެލްކޯ އަކީ ދިރާގުގެ މެޖޯރިޓީ ހިއްސާ ވެސް އޮންނަ ކުންފުންޏެވެ.
ރައީސް އިބްރާހީމް މުހައްމަދު ސޯލިހު ގަތަރަށް މިހާރު ކުރައްވާ ދަތުރުފުޅުގެ ތެރެއިން މިއަދު ސޮއިކުރި އެ އެމްއޯޔޫގެ ދަށުން، ރާއްޖޭގެ ޑިޖިޓަލް ތަރައްގީގައި އެންމެ އިސްކޮށް މަސައްކަތް ކުރާ އޭޖެންސީ، ނޭޝަނަލް ސެންޓާ ފޯ އިންފޮމޭޝަން ޓެކްނޮލޮޖީ (އެންސީއައިޓީ) އިން ދިވެހިންނަށް ރައްކާތެރި ސައިބާ ސްޕޭސްއެއް ކަށަވަރުކޮށްދިނުމުގެ ގޮތުން، ދިރާގާއި ބަޓެލްކޯގެ ބިޔޯން ސައިބާގެ ތަޖުރިބާކާރު ވަސީލަތްތައް މެދުވެރިކޮށް ހިދުމަތް ލިބިގެންދާނެ ކަމަށް އެންސީއައިޓީ އާއި ދިރާގުން މިއަދު ނެރުނު ގުޅިފައިވާ ބަޔާނެއްގައި ބުންޏެވެ.
ލިބޭނެ ހިދުމަތްތައް
- އެޑްވައިޒަރީ އަދި ކޮންސަލްޓެންސީ
- އެޑްވައިޒަރީ އަދި ކޮންސަލްޓެންސީ
- ސައިބަރ ޑިފެންސް
- ސެކިއުރިޓީ އެޝިއުރެންސް
- ސެކިއުރިޓީ އެޝިއުރެންސް
- ންސިޑެންޓް ރެސްޕޮންސް
"ސައިބާ ސެކިއުރިޓީއަށް ބޭނުންވާ ސްޕެޝަލައިޒްޑް ޕްރޮފެޝަނަލުންނަކީ ގައުމީ އަދި ބައިނަލްއަގުވާމީ ފެންވަރެއްގައި ޕްރައިވެޓް އަދި ޕަބްލިކް ސެކްޓަރގެ ގިނަ ސްޓޭކް ހޯލްޑަރުންނާއެކު މަސައްކަތްކުރާ ބަޔަކަށް ވާންޖެހޭ. ބަޓެލްކޯ އަދި ދިރާގާއެކު މި ވެވުނު އެއްބަސްވުމުގެ ސަބަބުން، ރާއްޖޭގައި ސައިބާ ސްޕޭސް އަކީ ރާއްޖޭގެ ހުރިހާ ރައްޔިތުންނަށްވެސް ރައްކާތެރި ތަނަކަށް ހެދުމަށާއި، ސަރުކާރުގެ ޤާބިލުކަން އިތުރުކުރުމަށް ކުރަމުންދާ މަސައްކަތްތަކަށް އެއްބާރުލުން ލިބިގެންދާނެކަމަށް އުންމީދުކުރަން،" އެންވަޔަރްމެންޓް އެންޑް ޓެކްނޮލޮޖީ މިނިސްޓަރު އާމިނަތު ޝައުނާ ވިދާޅުވިއެވެ.
ބަޓެލްކޯގެ ޗެއާމަން ޝެއިހް އަބްދުالله ބިން ހަލީފާ އަލް ހަލީފާ ވިދާޅުވި ގޮތުގައި ރާއްޖޭގައި ސައިބާ ސެކިއުރިޓީ އިންފްރާސްޓްރަކްޗާ ވަރުގަދަކުރުމަށް ބަޓެލްކޯގެ ބިޔޯން ސައިބާ އާއި ގުޅިގެން ދިވެހި ސަރުކާރަށް އެއްބާރުލުން ދިނުމަކީ އެކުންފުންޏަށް ލިބޭ ފަހުރެކެވެ.
