ރައީސްގެ ނުފޫޒު ނެތް ކަން އެނގޭނީ ޕީޖީ ގްރޫޕްގައި ބައިވެރިވާ މެންބަރުންނަށް: އަސްލަމް

އެމްޑީޕީގެ ޕާލިމެންޓްރީ ގްރޫޕްގެ ލީޑަރު މުހައްމަދު އަސްލަމް؛ ރައީސްގެ ނުފޫޒު ޕީޖީ ގްރޫޕްގައި ނެތް ކަމަށް ވިދާޅުވި - ފޮޓޯ: އަދަދު ފައިލް

އެމްޑީޕީގެ ޕާލިމެންޓްރީ ގްރޫޕްގެ ލީޑަރު މުހައްމަދު އަސްލަމް؛ ރައީސްގެ ނުފޫޒު ޕީޖީ ގްރޫޕްގައި ނެތް ކަމަށް ވިދާޅުވި - ފޮޓޯ: އަދަދު ފައިލް

ރައީސް އިބްރާހީމް މުހައްމަދު ސޯލިހާއި އެމަނިކުފާނުގެ ވަޒީރުން އެމްޑީޕީގެ ޕާލިމެންޓްރީ ގްރޫޕަށް ނުފޫޒު ފޯރުވާ ކަމަށް ބައެއް މެންބަރުން ވިދާޅުވި ނަމަވެސް ޕާލިމެންޓްރީ ގްރޫޕްގައި ބައިވެރިވާ މެންބަރުންނަށް އެފަދަ ކަމެއް ނެތް ކަން އެނގޭނެ ކަމަށް އެ ގްރޫޕްގެ ލީޑަރު މުހައްމަދު އަސްލަމް މިއަދު ވިދާޅުވެއްޖެ އެވެ.

ރައްޔިތުންގެ މަޖިލީހުގެ އިއްޔެގެ ޖަލްސާގައި ވާހަކަ ދައްކަވަމުން ގައްދޫ ދާއިރާގެ މެންބަރު އަހުމަދު ޒާހިރު ވަނީ އެމްޑީޕީއަށް މަޖިލީހުގެ ސުޕަ މެޖޯރިޓީ އޮތަސް މެންބަރުންގެ މާ ބޮޑު ބާރެއް ނެތް ކަމަށް ވިދާޅުވެ ކަންބޮޑުވުން ފާޅުކުރައްވައިފަ އެވެ.

ރައީސް ސޯލިހްގެ ނަން އަދި ވަޒީރެއްގެ ނަން ވެސް ނުގެންނަވައި ޒާހިރު ވިދާޅުވީ އެމްޑީޕީގެ ޕީޖީ ބައްދަލުވުންތަކެއް ނުހިނގާ ކަމަށާއި އެއްވެސް މައްސަލައެއްގައި ބަހުސް ވެސް ނުކުރާ ކަމަށެވެ. މަޖިލީހުގައި ކުރެވޭ ހަމައެކަނި ކަމަކީ ސަރުކާރުން ފޮނުވާ ބިލުތައް ފާސްކޮށްލުން ކަމަށެވެ.

"އެއްކޮޅު މި އޮންނަނީ އެކަކުގެ އަތަށް ދީގެން، އެ ބޭފުޅާ ބުނާހާ ގޮތަކަށް މި ތާނގައި ވޯޓު މި ލަނީ، ވަކާލާތު ކުރަނީ ވެސް، ރަނގަޅު ޕީޖީ ބައްދަލުވުމެއް ހިންގާ ނުލެވޭ އަޅުގަނޑުމެންނަށް، ބަހުސެއް ކޮށްނުލެވޭ އަޅުގަނޑުމެންނަށް،" ޒާހިރު ވިދާޅުވި އެވެ.

ޒާހިރުގެ މި ތުހުމަތުތަކާ ގުޅިގެން "އަދަދު"އިން ކުރި ސުވާލަކަށް ޖަވާބު ދެއްވަމުން އަސްލަމް ވިދާޅުވީ އެފަދަ އެއްވެސް ނުފޫޒެއް ޕީޖީ ގްރޫޕަށް ފޯރުވާފައި ނެތް ކަމަށެވެ. އަދި ޕީޖީ ގްރޫޕްގެ ބައްދަލުވުންތައް ގަވައިދުން ބާއްވައި، މައްސަލަތަކުގެ ބަހުސްތައް ހިންގަމުންދާ ކަމަށް އޭނާ ވިދާޅުވި އެވެ.

"ޕީޖީ ގްރޫޕްގެ ބައްދަލުވުންތަކުގައި ބައިވެރިވާ މެންބަރުންނަށް އެނގޭނެ، ބައިވެރިނުވާ މީހަކަށް، މިތަނަށް ނާންނަ މީހަކަށް، މީގަ ނޫޅޭ މީހަކަށް ނޭނގޭނެ މި ތަނުގެ ވާނުވާއެއް،" ހިތަދޫ އުތުރު ދާއިރާ ތަމްސީލް ކުރައްވާ މެންބަރު އަސްލަމް ވިދާޅުވި އެވެ.

ބެލެވޭ ގޮތުގައި ޒާހިރު އިޝާރާތް ކުރެއްވި "އެންމެ މީހަކީ" ރައީސް ސޯލިހެވެ. އެމްޑީޕީ ތެރޭގައި އުފެދިފައި އޮތް ހިޔާލު ތަފާތުވުންތަކުގައި މެންބަރު ޒާހިރު ހުންނަވަނީ ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ ފަޅިއަށެވެ.

ނަޝީދު ގަބޫލުފުޅު ކުރައްވާ ގޮތުގައި މި މައްސަލަތަކުގެ ހައްލަކީ ބަރުލަމާނީ ނިޒާމެވެ. އިއްޔެގެ ޖަލްސާގައި ޒާހިރު ވިދާޅުވީ ވެސް "ރިޔާސީ ނިޒާމެއް" ގައި އިންތިހާބުވާ ރައީސް އުޅުއްވާނީ ވެސް ރައްޔިތުންގެ ކަންކަމަށްވުރެ ދެވަނަ ދައުރަކާ މެދު ވިސްނެވުމަށް ކަމަށެވެ.

އެމްޑީޕީން އެންމެ ފަހުން ބޭއްވި ކޮންގްރެސްއަށް ވެސް އޭގެ ބަހުސް ކުުރުމުގެ ގަރާރެއް ހުށަހަޅުއްވަން ނަޝީދު މަސައްކަތް ކުރެއްވި އެވެ. އެކަމަކު ރައީސްއާއެކު އިތުރަށް އެކަމުގައި މަޝްވަރާކުރައްވަން ކަމަށް ވިދާޅުވެ ގަރާރު އަނބުރާ ގެންދެވި އެވެ.

އޭގެ ފަހުން އައްޑޫ ސިޓީއަށް ކުރެއްވި ދަތުރުފުޅެއްގައި، ރައްޔިތުންނާ ބައްދަލުކުރައްވައި ނަޝީދު ވަނީ ނިޒާމު ބަދަލުކުރުމަށް ފަހު ނޫނީ އެމަނިކުފާނު އެ ކުރައްވާ މަސައްކަތްޕުޅު ހުއްޓުވާ ނުލައްވާނެ ކަމަށް ވިދާޅުވެފަ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox