ސަރުކާރު ކުންފުނިތަކުގެ ކުއާޓަލީ ސާފު ފައިދާ 955 ޕަސެންޓު މައްޗަށް

ވެލާނާ އިންޓަނޭޝަނަލް އެއާޕޯޓުގެ އާ ޓަމިނަލް އަޅަމުންދާ ސަރަހައްދު: މިދިޔަ ކުއާޓަރުގައި އެންމެ ބޮޑު އާމްދަނީއެއް ލިބުނީ މި އެއާޕޯޓު ހިންގާ އެމްއޭސީއެލްއަށް. -- ފޮޓޯ: އަބްދުﷲ އިޔާން/އަދަދު

ވެލާނާ އިންޓަނޭޝަނަލް އެއާޕޯޓުގެ އާ ޓަމިނަލް އަޅަމުންދާ ސަރަހައްދު: މިދިޔަ ކުއާޓަރުގައި އެންމެ ބޮޑު އާމްދަނީއެއް ލިބުނީ މި އެއާޕޯޓު ހިންގާ އެމްއޭސީއެލްއަށް. -- ފޮޓޯ: އަބްދުﷲ އިޔާން/އަދަދު

ސަރުކާރު ހިއްސާވާ ކުންފުނިތަކަށް މިދިޔަ އަހަރުގެ ފަހު ކުއާޓަރުގައި ލިބުނު ސާފު ފައިދާ އޭގެ ކުރީ އަހަރުގެ ފަހު ކުއާޓަރަށް ވުރެ 955 ޕަސެންޓު އިތުރުވެއްޖެ އެވެ.

ފިނޭންސް މިނިސްޓްރީން އާންމުކޮށްފައިވާ އެސްއޯއީތަކުގެ ކުއާޓަލީ ރިޕޯޓުން ދައްކާ ގޮތުގައި ފައިދާ އިތުރުވީ ކޮވިޑު ބަލިމަޑުކަން ލައިގަތް އަހަރު ގެއްލުންވި ބައެއް ކުންފުނިތަކާއި ނިސްބަތުން ކުޑަ ފައިދާއެއް ލިބުނު ކުންފުނިތަކުގެ ވިޔަފާރި ރަނގަޅުވެ، ފައިދާ އިތުރުވުމާ ގުޅިގެންނެވެ.

އެގޮތުން ސަރުކާރު ހިއްސާވާ ކުންފުނިތަކަށް ލިބުނު 10 ބިލިއަން ރުފިޔާގެ އާމްދަނީއިން މިދިޔަ އަހަރުގެ ފަހު ކުއާޓަރުގައި ޖުމްލަ 2.2 ބިލިއަން ރުފިޔާ ސާފު ފައިދާވި އެވެ. އޭގެ ކުރީ އަހަރުގެ އެ ކުއާޓަރުގައި ފައިދާވީ 210 މިލިއަން ރުފިޔާ އެވެ.

Advertisement

ހުރިހާ ކުންފުންޏެއް އެއްކޮށްލުމުން ފައިދާ މިވަރަށް އިތުރުވި ނަމަވެސް ވަކިވަކި ކުންފުނިތަކަށް ބަލާ އިރު ރިޕޯޓުގައި ހިމަނާފައިވާ 31 ކުންފުނީގެ ތެރެއިން ފައިދާވީ 16 ކުންފުންޏަކަށެވެ. ފައިދާވި ކުންފުނިތަކުގެ ތެރެއިން ވެސް ޖުމްލަ ސާފު ފައިދާގެ 88 ޕަސެންޓު ހިއްސާކުރަނީ ފަސް ކުންފުންޏަކުންނެވެ.

ފައިދާ އެންމެ ބޮޑު ކުންފުނިތައް

ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) - 721.8 މިލިއަން ރުފިޔާ

  • މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) - 428.1 މިލިއަން ރުފިޔާ
  • ބޭންކް އޮފް މޯލްޑިވްސް (ބީއެމްއެލް) - 354.2 މިލިއަން ރުފިޔާ
  • މޯލްޑިވްސް ޓޫރިޒަމް ޑިވެލޮޕްމަންޓް ކޯޕަރޭޝަން (އެމްޓީޑީސީ) - 248.9 މިލިއަން ރުފިޔާ
  • ދިރާގު - 206.2 މިލިއަން ރުފިޔާ

އެންމެ ބޮޑު ފައިދާއެއް ލިބުނު އެޗްޑީސީއަށް މިވަރުގެ ބޮޑު ފައިދާއެއް ލިބުނު މައިގަނޑު ގޮތަކީ ފަހި ދިރިއުޅުން ކޯޕަރޭޝަން (އެފްޑީސީ)އިން އިންޑިއާގެ ދެ ކުންފުންޏަކާ ހަވާލުކޮށްގެން ހުޅުމާލޭ ދެވަނަ ފިޔަވަހީގައި އިމާރާތްކުރާ ޓަވަރުތަކަށް ބޭނުންވާ ބިން ވިއްކައިގެން ލިބުނު އާމްދަނީ އެވެ.

ދެވަނައަށް އެންމެ ބޮޑު ފައިދާއެއް ލިބުނު އެމްއޭސީއެލްއަށް ފަހު ކުއާޓަރުގައި އެކަނި ދޮޅު ބިލިއަނަށް ވުރެ ގިނަ ރުފިޔާގެ އާމްދަނީއެއް ލިބުނެވެ. މިއީ އަހަރުގެ ފަހުކޮޅު ޓޫރިޒަމަށް ލިބުނު ކުރިއެރުމާއެކީ އެ ކުންފުނީގެ އާމްދަނީ އާއި ފައިދާއަށް އައި އިތުރުވުމެކެވެ.

ފަހު ކުއާޓަރުގައި އެންމެ ބޮޑު ގެއްލުމަކާ ކުރިމަތިލާން ޖެހުނީ ވޭސްޓް މެނޭޖްމަންޓު ކޯޕަރޭޝަން (ވެމްކޯ) އާއި އައިލެންޑް އޭވިއޭޝަން (އައިއޭއެސް) އާއި އައްޑޫ އިންޓަނޭޝަނަލް އެއާޕޯޓު (އޭއައިއޭ)ގެ އިތުރުން ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އާއި ރީޖަނަލް އެއާޕޯޓްސް އެވެ.

ގެއްލުންވި ކުންފުނިތަކުގެ ތެރެއިން ވެސް އެންމެ ހާލަތު ގޯހީ ކުނި މެނޭޖުކުރަން އުފައްދާފައިވާ ވެމްކޯގެ އެވެ. އެ ކުންފުނީގެ މާލީ ހާލަތު ކޮވިޑު އަހަރުގެ ފަހު ކުއާޓަރަށް ވުރެން ވެސް ގޯހެވެ. އެ އަހަރުގެ ފަހު ކުއާޓާގައި އެ ކުންފުންޏަށް ތިން މިލިއަން ރުފިޔާ ފައިދާ ވެސް ވި އެވެ. މިދިޔަ އަހަރު ލިބުނީ 31.1 މިލިއަން ރުފިޔާގެ ގެއްލުމެކެވެ.

މިއީ އެ ކުންފުންޏަށް ކުނި އުކައިގެން ލިބެން ޖެހޭ އާމްދަނީ ނުލިބޭތީ ދިމާވާ މައްސަލައެއް ކަމަށް ބުނެ އެ ކުންފުނީގެ މެނޭޖުމަންޓުން އަބަދުވެސް ކަންބޮޑުވުން ފާޅުކުރެ އެވެ. މިދިޔަ މަހު އެ ކުންފުނިން ހާމަކުރި މިގޮތަށް 42 މިލިއަން ރުފިޔާ ނުލިބިވެ އެެވެ.

ގެއްލުން ވަމުންދާ ކުންފުނިތަކުގެ މައްސަލައިގައި ރިޕޯޓުގައި ފާހަގަކޮށްފައިވާ ގޮތުގައި މިދިޔަ އަހަރުގެ ފަހު ކުއާޓަރުގައި މި ކުންފުނިތަކަށް 77 މިލިއަން ރުފިޔާ ގެއްލުންވި އެވެ. މިއީ އޭގެ ކުރީ އަހަރަށް ވުރެ 233 ޕަސެންޓު އިތުރު އަދަދެކެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox