ނަޝީދު ހަމަލާއަށް އަހަރެއް: ޝަރީއަތް ނުހިނގާތީ މަޖިލިހުން ކަންބޮޑުވުން

ރައީސް ނަޝީދު އަވަހާރަކޮށްލަން ހަމަލާދިން ދުވަހު އެ ސަރަހައްދުގައި ސަލާމާތި ބާރުތަކުން ހަރަކާތެރިވަނީ. -- ފޮޓޯ: އަދަދު ފައިލް

ރައީސް ނަޝީދު އަވަހާރަކޮށްލަން ހަމަލާދިން ދުވަހު އެ ސަރަހައްދުގައި ސަލާމާތި ބާރުތަކުން ހަރަކާތެރިވަނީ. -- ފޮޓޯ: އަދަދު ފައިލް

މީގެ ބަރާބަރު އަހަރު ދުވަސް ކުރިން މޭ 6، 2021 ގައި ކުރީގެ ރައީސް މުހައްމަދު ނަޝީދަށް ދިން ޓެރަރިސްޓު ހަމަލާއަށް މިހާ ދުވަސްވީއިރު އެންމެ ކަންބޮޑުވަނީ އޭގެ ތެރެއިން ގިނަ މީހުންގެ ޝަރީއަތް ހުއްޓިފައިވާ މައްސަލައިގައި ކަމަށް ރައްޔިތުންގެ މަޖިލިހުން ބުނެފި އެވެ.

ނަޝީދަށް ހަމަލާދިނީ ގެކޮޅުން ނުކުމެވަޑައިގެން ކާރުކޮޅަށް އަރާވަޑައިގަންނަވަން އުޅުއްވަނިކޮށެވެ. އެ ހަމަލާގެ ގެއްލުން ބޮޑު ކުރުމަށް ބޮމުގެ ތެރެއަށް ހުރީ ބެއަރިން ބޯލްސް ނުވަތަ ރޭޒަރު ފުށް އަޅައިފަ އެވެ. އޭގެ 11 ދަގަނޑު ބޯޅަ ނަޝީދުގެ ހަށިކޮޅުން ޑޮކްޓަރުން ނެންގެވި އެވެ.

ނަޝީދުގެ އިތުރުން އެ ހަމަލާގައި އެމަނިކުފާނުގެ ތިން ބޮޑީގާޑުންނާއި މަގުމަތިން ދިޔަ ދިވެއްސަކާއި އިނގިރޭސިވިލާތުގެ މީހަކަށް އަނިޔާވި އެވެ.

Advertisement

ދީނީ ގޮތުން ހައްދުފަހަަނައަޅާފައިވާ ފިކުރުގެ ބަޔަކު ރައީސް ނަޝީދު އަވަހާރަކޮށްލަން ދިން ހަމަލާއަށް އަހަރު ދުވަސް ފުރުމާ ގުޅިގެން މަޖިލިހުން ނެރުނު ބަޔާނުގައި ބުނި ގޮތުގައި، މިއީ ފަހުގެ ތާރީހެއްގައި ރާއްޖޭގައި ދެވުނު އެންމެ ނުރައްކާތެރި ޓެރަރިސްޓު ހަމަލާ އެވެ. އެއީ ނަޝީދަށް އަމާޒުކޮށް ދިން ހަމަލާއެއް ކަމުގައިވީ ނަމަވެސް، އެ ހަމަލާ އަމާޒުވީ މުޅި މުޖުތަމައުއަށް ކަމަށް ވެސް އެ ބަޔާނުގައިވެ އެވެ.

"އެ ހަމަލާއަކީ ދިވެހި ދައުލަތާއި މުޅި ދިވެހި މުޖްތަމައާ ދެކޮޅަށް ދިން ހަމަލާއެކެވެ. ގާނޫނުގެ ބާރާއި ދީމިގްރާތީ މުއައްސަސާތަކަށް ދިން ހަމަލާއެއް ވެސްމެ އެވެ. ދިވެހިން ނަގާކޮޅަށް ޖަހާފައިވާ މުޅި އިގުތިސޯދަށް ވެސް ލޮޅުން އައިސް، ދިވެހި ދައުލަތުގެ ރީތި ނަމާއި ދުނިޔޭގެ ކަންކޮޅުތަކުން ރާއްޖެއާމެދު ދެކޭ ރީތި ގޮތާއި ތަސައްވުރު އެކީއެކަށް ބަދަލުވެދާނެފަދަ ނުރައްކާތެރި ހަމަލާއެއް،" ރައްޔިތުންގެ މަޖިލިހުގެ ބަޔާނުގައި ބުންޏެވެ.

ބަޔާނުގައި އިތުރަށް ފާހަގަކުރި ގޮތުގައި އެ ހަމަލާގެ ސަބަބުން މުޅި ދިވެހިރާއްޖޭގެ އަދި އަންނަން އޮތް ޖީލުތަކުގެ ސަލާމަތާއި ރައްކާތެރިކަމާ މެދު ސުވާލު އުފެދި ބިރުވެރިކަން ވަނީ އުފެދިފަ އެވެ. ހަމައެހެންމެ މި ހަމަލާއާ ގުޅިގެން ރައީސް ނަޝީދުގެ މިނިވަންކަމުގެ ހައްގު ހިފެހެއްޓިފައިވާ ކަމުގެ ކަންބޮޑުވުން ފާޅުކުރަމުން މަޖިލިހުން ބުނީ އިންސާފު ނުލިބޭހާ ހިނދަކު، އެ ހައްގުވަނީ ހަނިކުރެވިފައި ކަމަށެވެ.

"އެ ހަމަލާއަށް އިންސާފު ލިބިވަޑައި ނުގަންނަވާހާ ހިނދަކު، އެ މަނިކުފާނުގެ ރަސްމީ މަސައްކަތްޕުޅުގައި ވާޖިބާއި މަސްއޫލިއްޔަތު އަދާކުރެއްވުން އަދި މިނިވަންކަމާ އެކު ދިރިއުޅުއްވުމުގެ ހައްގުވަނީ ވަރަށް ބޮޑަށް ހަނިކުރެވިފަ އެވެ." ރައްޔިތުންގެ މަޖިލިހުގެ ބަޔާނުގައި ބުންޏެވެ.

މަޖިލިހުގެ ބަޔާނާ ދާދި އެއް މޭރުމަކުން މަޖިލިހުގެ ނައިބު ރައީސް އީވާ އަބްދުﷲ ވަކިން ނެރުއްވި ބަޔާނެއްގައި ތަހުގީގުގެ ދުވެލި ކުރީކޮޅު ބާރަށް ދިޔަ ނަމަވެސް، އެފަހުުން ޝަރީއަތްތައް ހުއްޓިފައިވާ ކަމަށެވެ. އިނގިރޭސި ބަހުން ނެރުއްވި ބަޔާނުގައި އީވާ އިތުރަށް ވިދާޅުވީ ޝަރީއަތް ނުނިމުނު ތަނުގައި، އަހަރެއް ވީއިރުވެސް އެ ހަމަލާއަށް ފައިނޭންސް ކުރި މީހުން ދެނެގެނެފައި ނުވަތީ ނުހަނު ކަންބޮޑުވާ ކަމަށެވެ.

އޭގެ އިތުރުން އެ ހަމަލާއާ ގުޅިގެން ހިންގި ޕާލިމެންޓްރީ އިންކުއަރީގައި ސަރުކާރަށް ލަފާދިން އެއްވެސް ކަމެއް މިހާތަނަށް ފުރިހަމައަށް ތަންފީޒުކޮށްފައި ނުވާ މައްސަލަ އީވާ ފާހަގަކުރެއްވި އެވެ. އަދި އިންސާފު ނުލިބޭ ކޮންމެ ވަގުތަކީ ހަމަލާދޭން ފައިނޭންސް ކުރި މީހުންނާއި އެކަމުގައި ބައިވެރި އެހެން މީހުންނަށް ފިލެން ލިބޭ އިތުރު ވަގުތު ކަމަށް އޭނާ ވިދާޅުވި އެވެ.

ރައީސް ނަޝީދަށް ދިން ހަމަލާއާ ގުޅިގެން ދައުވާކުރެވުނު 9 މީހުންގެ ތެރެއިން މިހާތަނަށް ޝަރީއަތް ނިމުނީ އެކަކުގެ އެވެ. އެއީ ބޮން ގޮއްވާލަން ރިމޯޓަށް ފިއްތާލި ކަމަށް އިއުތިރާފުވީ އަހުމަދު އަދުހަމް ރަޝީދެވެ. ބާކީ މީހުންގެ ޝަރީއަތްތައް އެކި ސަބަބުތަކާ ހެދި އަދި ކުރިޔަށް ދަނީ ލަސްކޮށެވެ.

މިކަމާއި ގުޅިގެން މީގެ ކުރިން ވެސް ރައީސް ނަޝީދަށް ތާއިދުކުރައްވާ މެމްބަރުން ވަނީ ތަކުރާރުކޮށް ޝަރީއަތްތައް ލަސްވުމާއި، ފައިނޭންސް ކުރި ބަޔަކު ނުހޯދުމުގެ ކަންބޮޑުވުން މީގެ ކުރިން ވެސް ހިއްސާކޮށްފަ އެވެ. އެކަމަކު ފުލުހުން ވަނީ ފަންޑު ކުރި ބަޔަކު ތިބި ކަމަށް ތަހުގީގަށް ހޯދިފައި ނުވާ ކަމަށެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox