މުޅިދައުލަތާ ވާދަކުރަން ޖެހުނު، ޕީޕީއެމަށް ވެސް މިއީ ކާމިޔާބީއެއް: ޝިޔާމް

ޕީޕީއެމްގެ ނައިބު ރައީސް އަދި ރައްޔިތުންގެ މަޖިލީހުގެ ނައިފަރު ދާއިރާގެ މެމްބަރު އަހުމަދު ޝިޔާމް. އޭނާ ވިދާޅުވީ ޕީޕީއެމަށް ވެސް މިއީ ކާމިޔާބީއެއް ކަމަށް.

ޕީޕީއެމްގެ ނައިބު ރައީސް އަދި ރައްޔިތުންގެ މަޖިލީހުގެ ނައިފަރު ދާއިރާގެ މެމްބަރު އަހުމަދު ޝިޔާމް. އޭނާ ވިދާޅުވީ ޕީޕީއެމަށް ވެސް މިއީ ކާމިޔާބީއެއް ކަމަށް.

ރައްޔިތުންގެ މަޖިލީހުގެ ކޮމަންޑޫ ދާއިރާގެ ބައި އިލެކްޝަން ކާމިޔާބު ނުކުރެވުނަސް، މި އިންތިހާބުގައި ނެރެވުނު ނަތީޖާއަކީ އިދިކޮޅު ޕީޕީއެމަށް ވެސް ބޮޑު ކާމިޔާބީއެއް ކަމަށް އެ ޕާޓީގެ ނައިބު ރައީސް އަދި ރައްޔިތުންގެ މަޖިލީހުގެ ނައިފަރު ދާއިރާގެ މެމްބަރު އަހުމަދު ޝިޔާމް މިއަދު ވިދާޅުވެއްޖެ އެވެ.

ކޮމަންޑޫ ދާއިރާގެ ކުރީގެ މެމްބަރު ހުސައިން ވަަހީދު އަވަހާރަވުމުން ހުސްވެފައިވާ އެ ދާއިރާގެ ގޮނޑިއަށް މެމްބަރަކު ހޮވަން މިއަދު ބޭއްވި އިންތިހާބު ކާމިޔާބުކުރެއްވީ ވެރިކަން ކުރާ ކޯލިޝަނުގެ މައިޕާޓީ އެމްޑީޕީ އެވެ. މިއަދުގެ އިންތިހާބަށް ފަހު ޝިޔާމް "އަދަދު"އަށް ވިދާޅުވީ ވަރަށް މަދު ވަސީލަތްތަކަކާއެކު ޕީޕީއެމުން ވެސް ކުރީ ތައުރީފު ހައްގު މަސައްކަތެއް ކަމަށެވެ. މި އިންތިހާބަށް ޕީޕީއެމުން ކެމްޕޭން ކުރީ ވަރަށް ގިނަ ފިއްތުންތަކާ އެެކީގައި ކަމަށް ވެސް އޭނާ ވިދާޅުވި އެވެ.

ގޮނޑި ކާމިޔާބު ކުރެއްވި އެމްޑީޕީގެ މުހައްމަދު ރާޝިދަށް އެހެން ނަމަވެސް ޝިޔާމް މަރުހަބާ ވިދާޅުވި އެވެ.

"އަޅުގަނޑު ދަންނަވާނީ ހަމަ ވަރަށް ފުރިހަމަ ކާމިޔާބީއެއް، މުޅި ދައުލަތާ ދެކޮޅަށް ހޯއްދެވި ޕީޕީއެމްގެ ކެންޑިޑޭޓް މޫސާ ފަތުހީއަށް ވެސް އަަޅުގަނޑު ހަމަ މަރުހަބާ ދަންނަވަން. އެމަނިކުފާނާ އެކީގައި މަސައްކަތް ކުރެއްވި ޓީމްތަކުން އެކުރެއްވީ ހަމަ ވަރަށް ކޮމެންޑަބުލް މަސައްކަތްތަކެއް. ވަރަށް ފުރިހަމަ މަސައްކަތްތަކެއް ފެނިގެން ދިޔައީ،" ޝިޔާމް ވިދާޅުވި އެވެ.

އޭނާ ވިދާޅުވީ މި އިންތިހާބުގައި ޕީޕީއެމުން ވާދަކުރަން ޖެހުނީ މުޅި ދައުލަތާ ކަމަށެވެ.

"އެހެންވީމާ ޕީޕީއެމަށް ލިބުނު ކާމިޔާބީއެއް މިއީ އެއްގޮތަކުން އިނގޭތޯ،" ޝިޔާމް ވިދާޅުވި އެވެ.

"ގިނަ ޝަކުވާތަކެއް އެބަހުރި"

ޝިޔާމް ވިދާޅުވީ އިންތިހާބުގައި ހިނގައިދިޔަ ގިނަ ކަންތައްތަކެއްގެ ޝަކުވާ ޕީޕީއެމުން އިލެކްޝަންސް ކޮމިޝަނަށް ހުށަހަޅާފައިވާ ކަމަށެވެ. އޭގެ އެއް ކަމަކީ ފޯކައިދޫގައި އިލެކްޝަންސް ކޮމިޝަނުގެ އޮފިޝަލް ހުންނަވަން ހަމަޖެއްސި ތަނުގެ މައްސަލަ އެވެ. ފޯކައިދުއަކީ އެމްޑީޕީގެ ކެންޑިޑޭޓް ރާޝީދުގެ ރަށެވެ. ޝިޔާމް ވިދާޅުވި ގޮތުގައި އެ ރަށުގައި އިސީގެ އޮފިޝަލް ހުންނެވީ "އެމްޑީޕީގެ އައްޑާއެއް" ފަދަ ތަނެއްގައި ކަމަށް ވާތީ ޕީޕީއެމުން ޝަކުވާއެެއްގެ ގޮތުގައި އެ މައްސަލަ ހުށަހަޅާފައިވާ ކަމަށެވެ.

އެ މައްސަލައިގައި އިލެކްޝަން ކޮމިޝަންގެ ރައީސް ފުއާދު ތައުފީގު މީޑިއާގައި ރޭ ވިދާޅުވީ އެއީ އޮޅިގެން ހިނގި ކަމެއް ކަމަށާއި އެކަމަށް މައާފަށް އެދޭ ކަމަށެވެ.

"މިކަހަލަ ޒަމާނެއްގައި އެހާ ފާޅުކަން ބޮޑު ގޮތެއްގައި އެކަންތައް ކުރައްވާފައި ދެން ހެޔޮ ނުވާނެ ނޫންތޯ މިގޮތަށް ވިދާޅުވާން،" ފުއާދުގެ އެ ވާހަކައަށް އިޝާރާތްކުރައްވައި ޝިޔާމް ވިދާޅުވި އެވެ.

ޕީޕީއެމްގެ މެމްބަރުންގެ ނުރުހުން އަމާޒުވި ކަމެއް މިއަދު ހެނދުނު މާލޭގައި ވެސް ހިނގި އެވެ. އެއީ ވޯޓްލާ މަރުކަޒު، އިސްކަންދަރު ސްކޫލްގެ ކުރިމަތީގައި ހުރި ތަނެއްގައި އެމްޑީޕީގެ އިސް ބޭފުޅުންތަކެއް މަރުކަޒުވެގެން ތިއްބެވި ތިއްބެވުމެވެ. އެތަނަކީ "ޖަގަހައެއް" ކަމަށް ތުހުމަތުކޮށް ޕީޕީއެމްގެ އާއްމު މެމްބަރުން އެތަނުގައި ނުރުހުން ފާޅުކުރި އެވެ. އެ ސަރަހައްދުގައި ކޮންމެވެސް ވަރެއްގެ ހަމަނުޖެހުންތަކެއް ވެސް އޭރު ހިނގި އެވެ.

ޝިޔާމް ވިދާޅުވީ އެކަން ވެސް ޝަކުވާއެއްގެ ގޮތުގައި އީސީއަށް ހުށަޅާފައިވާ ކަމަށެވެ.

ފޯކައިދުއަށް ފެނަކަ ކޯޕަރޭޝަނުގެ އިސް ބޭފުޅަކު ވަޑައިގެން މުވައްޒަަފުންނަށް ވަޒީފާގެ ބިރު ދައްކައި އެމްޑީޕީއަށް ވޯޓްދޭން މަޖުބޫރުކުރި ކަމަށް ކުރެވޭ ތުހުމަތެއް ވެސް ޕީޕީއެމުން ވަނީ އީސީއަށް ހުށަހަޅައިފަ އެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox