ރައީސް އޮފީހުގެ މިނިސްޓަރެއްގެ މަގާމުގައި ހުންނެވި އަލީ އާރިފް އެ މަގާމުން އިސްތިއުފާ ދީފި އެވެ.
ރައީސް އޮފީހުން ވަނީ އޭނާ އިސްތިއުފާ ދިން ކަން އަދަދު ނޫހަށް ކަށަވަރު ކޮށްދީފަ އެވެ. އާރިފް ހުންނެވީ އެ އޮފީހުގެ ޕްރެޒިޑެންޝަލް އެފެއާޒް މިނިސްޓަރުގެ މަގާމުގަ އެވެ.
އޭނާއަކީ ކެލާ ދާއިރާގެ ކުރީގެ މެންބަރެވެ. ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) ގެ ތަރުޖަމާނުކަން ވެސް އޭނާ އަދާކުރެއްވި އެވެ.
އޭނާ އެއަށްފަހު ގުޅިވަޑައިގަތީ ޖުމްހޫރީ ޕާޓީއާ އެވެ. އެ ޕާޓީގެ ސެކްރެޓަރީ ޖެނެރަލްގެ މަގާމު ވެސް އޭނާ އަދާކުރެއްވި އެވެ.
އެއަށްފަހު ރައީސް މުހައްމަދު މުއިއްޒު މަގާމާ ހަވާލުވެވަޑައިގަތުމާ އެކު އެންމެ ފުރަތަމަ ސިޔާސީ މަގާމަކަށް އައްޔަނުކުރި މީހުންގެ ތެރޭގައި އޭނާ ހިމެނެ އެވެ.
އަލީ އާރިފް އިސްތިއުފާ ދީފައި މިވަނީ ސަރުކާރަށް ރައްޔިތުންގެ ތެރެއިން 70 ޕަސެންޓެއްހާ ރައްޔިތުން ނޫނެކޭ ބުނެފައިވާ ދަނޑިވަޅެއްގަ އެވެ.
