ފްލައިން ސްކޫލެއް ގާއިމުކުރަން އައިލެންޑް އޭވިއޭޝަނުން އިސް ނަގައިފި

އައިލެންޑް އޭވިއޭޝަނުން އޮޕަރޭޓުކުރާ ގައުމީ އެއާލައިންގެ ފްލައިޓް ކްރޫއެއް: އައިލެންޑް އޭވިއޭޝަނުން ފްލައިން ސްކޫލެއް ގާއިމުކުރަން ނިންމައި، ހިންގާނެ ބަޔަކު ހޯދަން ވަނީ އިއުލާނުކޮށްފަ. -ފޮޓޯ: މޯލްޑިވިއަން

އައިލެންޑް އޭވިއޭޝަނުން އޮޕަރޭޓުކުރާ ގައުމީ އެއާލައިންގެ ފްލައިޓް ކްރޫއެއް: އައިލެންޑް އޭވިއޭޝަނުން ފްލައިން ސްކޫލެއް ގާއިމުކުރަން ނިންމައި، ހިންގާނެ ބަޔަކު ހޯދަން ވަނީ އިއުލާނުކޮށްފަ. -ފޮޓޯ: މޯލްޑިވިއަން

އޭޝިއަން އެކަޑަމީ އޮފް އެރޮނޮޓިކްސް (އޭއޭއޭ) އައްޑޫގައި ހިންގާ ފްލައިން ސްކޫލްގައި ކޯސް ނުނިންމި ގިނަ ދަރިވަރުންތަކެއް ތާށިވެފައިވާ މައްސަލަ ބޮޑުވެފައިވަނިކޮށް، އެފަދަ ސްކޫލެއް ރާއްޖޭގައި ގާއިމުކުރަން ގައުމީ އެއާލައިން އޮޕަރޭޓުކުރާ އައިލެންޑް އޭވިއޭޝަނުން އިސްނަގައި، އެތަން ހިންގާނެ ބަޔަކު ހޯދަން އިއުލާނުކޮށްފި އެވެ.

އެ ކުންފުނި މިއަދު ކުރި އިއުލާނެއްގައި ބުނީ، އެކަމަށް އުފައްދައި ސަބްސިޑިއަރީ ކުންފުންޏެއްގެ ދަށުން ރާއްޖޭގެ ކޮންމެވެސް އެއް އެއާޕޯޓެއްގައި ފްލައިޓް ޓްރެއިނިން ސްކޫލެއް ގާއިމުކުރަން ނިންމާފައިވާ ކަމަށެވެ.

ކޮމާޝަލް ޕައިލެޓް ލައިސަންސަކާ ހަމައަށް ކިޔަވައިދޭ އެ ސްކޫލް ވަކިން މެނޭޖު ކުރި ނަމަވެސް، އެއާކްރާފްޓް މެއިންޓެނަންސް އާއި ސޭފްޓީ ބައެއް ރެގިއުލޭޝަންތަކުގެ ކަންކަން ބަލަހައްޓާނީ އައިލެންޑް އޭވިއޭޝަނުން ކަމަށް ބުނެފައިވެ އެވެ.

އެ ސްކޫލް ހިންގުމާ ހަވާލުވާ ފަރާތަކުން އެއާކްރާފްޓް ހޭންގަރަކާއި، ޓްރެއިނިން ބިލްޑިންއެއްގެ އިތުރުން، ދެ މަލްޓި އެންޖިން އަދި ހަތަރު ސިންގަލް އިންޖިން އެއާކްރާފްޓް ބަލަހައްޓަންޖެހޭނެކަމަށް އެ އިއުލާނުގައިވެ އެވެ.

އެ އިއުލާނުގައި އިތުރަށް ބުނެފައިވަނީ، ސްކޫލް ހިންގަން ކުރިމަތިލާ ފަރާތަކީ ކަމާގުޅޭ ހުއްދަތައް ލިބިފައިވާ އަދި އެފަދަ ޓްރޭނިންތައް ހިންގުމުގެ 10 އަހަރުގެ ތަޖުރިބާ ލިބިފައިވާ ފަރާތަކަށް ވާންޖެހޭނެ ކަމަށެވެ.

އޭގެ އިތުރުން، އަމިއްލަ ގައުމު ފިޔަވައި، އެހެން ގައުމެއްގައި މަދުވެގެން ދެ ފްލައިން ސްކޫލް ގާއިމުކޮށްފައިވާ ފަރާތަކަށް ވާންޖެހޭނެ ކަމަށް ޝަރުތުތަކުގެ ތެރޭގައި ހިމެނެ އެވެ.

އެ ޝަރުތުތައް ހަމަވާ ފަރާތްތަކުން އަންނަ މަހުގެ 10 ވަނަ ދުވަހުގެ ކުރިން ހުރިހާ ލިޔެކިޔުންތަކާއެކު ހުށަހެޅުމަށް ދިވެހި އަދި ބޭރުގެ ފަރާތްތަކަށް ހުޅުވާލައިފާއިރު، ޝޯޓްލިސްޓު ކުރުމުގައި އެ މަޝްރޫއުއަށް އަމިއްލަ ފައިނޭންސް ހުށަހަޅާ ފަރާތްތަކަށް އިސްކަންދެވޭނެ ކަމަށް ބުނެފައިވެ އެވެ.

އެކަމާ ގުޅޭގޮތުން އެ ކުންފުނީގެ ޕީއާރު އެންޑް ކޮމިޔުނިކޭޝަންސް މެނޭޖަރު މޫސާ ވަސީމް މިރޭ "އަދަދު"އަށް ވިދާޅުވީ ފްލައިން ސްކޫލެއް ގާއިމުކުރަން މީގެ ކުރިން ވެސް ޝައުގުވެރިކަން ފާޅުކޮށްފައިވާނެ ކަމަށެވެ.

އެ މަސައްކަތުގެ ދަށުން ކުންފުނީގެ އަމާޒުހުރީ މިފަދަ ކަމެއް ކުރެވޭނެ އެންމެ ތަޖުރިބާހުރި އަދި ގާބިލު ފަރާތެއް ހޯދުން ކަމަށް މޫސަ ވިދާޅުވި އެވެ.

"އަޅުގަނޑުމެން މަސައްކަތްކުރަނީ ވީއެންމެ އަވަހަކަށް މި ސްކޫލް ގާއިމުކުރެވޭތޯ،" ތާރީހަކާ ގުޅޭގޮތުން ކުރި ސުވާލަށް ޖަވާބު ދެއްވަމުން މޫސަ ވިދާޅުވި އެވެ.

ފްލައިން ސްކޫލެއް ގާއިމުކުރަން އައިލެންޑް އޭވިއޭޝަނުން އިސް ނަގާފައިމިވަނީ، އައްޑޫ ފްލައިން ސްކޫލްގެ 178 ދަރިވަރުން މާޔޫސްވެފައި ތިބި ދަނޑިވަޅެއްގަ އެވެ.

ގާތްގަނޑަކަށް 45،000 އެމެރިކާ ޑޮލަރު ދައްކައިގެން 18 މަސް ދުވަހުން ކޯސް ނިންމަން އެ ސްކޫލާ ގުޅުނު ދަރިވަރުން އެބަތިއްބެވެ.

ނަމަވެސް، އެ ސްކޫލްގެ މެނޭޖްމަންޓުގެ ބޮޑެތި އިހުމާތުތަކާއެކު ކޯސް ނުނިންމި ހަތަރު އަހަރެއްހާ ދުވަސް ވެފައިވާ ދަރިވަރުން ތިބިއިރު، ބޮޑެތި ލޯނުތައް ނަގައިގެން އެހެން ރަށްރަށުން ފޭދޫއަށް އައިސް ހުރުމާއި ކެއުމަށް އިތުރު ހަރަދު ކުރަންޖެހޭ ކަމުގެ ޝަކުވާ ބޮޑެވެ.

އަދި 2009 ވަނަ އަހަރުން ފެށިގެން އޮޕަރޭޓު ކުރަމުން އަންނަ ސްކޫލުގައި ގެންގުޅޭ 14 ބޯޓު ވެސް މިހާރު ހަލާކުވެފައިވާއިރު، އެ ބޯޓުތައް މަރާމާތުކުރަން ތިބި ހުރިހާ އިންޖިއަނަރުންނަށް މުސާރާ ނުދޭތީ ވަނީ އިސްތިއުފާ ދީފަ އެވެ.

އެއާއެކު، ފްލައިން އަވާސް ހަމަކޮށް، ކޯސް ފުރިހަމަ ކުރެވޭނެ ދުވަހެއް ވެސް މިހާރު ނޭނގޭކަމަށް އެ ކުދިން ބުނެ އެވެ.

އެ މައްސަލަ ހައްލުކޮށްދޭން ސަރުކާރުގެ އިތުރުން ރައްޔިތުންގެ މަޖިލީހުން ވެސް ގިނަ މަސައްކަތްތަކެއް ކޮށްފައިވާއިރު، ދަރިވަރުންނަށް ކުރިއަށްދެވޭނެ މަގެއް ހޯދައިދެވޭނެ ގޮތެއް އަދި ނުވެ އެވެ.

އައްޑޫ ފްލައިން ސްކޫލުން އޭއޭއޭ ބޭރުކޮށް، އެހެން ބަޔަކާ ހިންގުން ހަވާލުކުރަން ދަރިވަރުން ގޮވާލަމުންދާއިރު، ދަރިވަރުންގެ މަސްލަހަތު އިސްކޮށް ކަމަށް ބުނެ އެތަނުގެ ހިންގުން ރާއްޖޭގެ ސްކޫލަކާ ހަވާލުކުރަން އެ ކުންފުނިން ދަނީ މަޝްވަރާ ކުރަމުންނެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox