މަޖިލީހުގެ މެޖޯރިޓީ ލިބުމުން ބާރުތައް ޖަމާކުރުން ނޫން ކަމެއް މުއިއްޒު ނުކުރައްވާ: ސޯލިހު

Mar 26, 2026, 7:15 PM
ރައީސް ސޯލިހު މިރޭ އައްޑޫގައި: ވިދާޅުވީ ސަރުކާރުން އިތުރު ކުރި ވަޒީފާތަކަށް އެކަނި ވެސް މަހެއްގެ މައްޗަށް 400 މިލިއަން ރުފިޔާ ހަރަދުވާ ކަމަށް -- ފޮޓޯ: އެމްޑީޕީ

ރައީސް ސޯލިހު މިރޭ އައްޑޫގައި: ވިދާޅުވީ ސަރުކާރުން އިތުރު ކުރި ވަޒީފާތަކަށް އެކަނި ވެސް މަހެއްގެ މައްޗަށް 400 މިލިއަން ރުފިޔާ ހަރަދުވާ ކަމަށް -- ފޮޓޯ: އެމްޑީޕީ

ރައްޔިތުންގެ މަޖިލީހުގެ މެޖޯރިޓީ ވެރިކަން ހިންގާ ޕީޕަލްސް ނެޝަނަލް ކޮންގްރެސްއަށް ލިބުމުން ބާރުތައް ޖަމާ ކުރުން ނޫން ކަމަށް ރައީސް މުހައްމަދު މުއިއްޒު ނުކުރައްވާ ކަމަށް ކުރީގެ ރައީސް އިބްރާހިމް މުހައްމަދު ސޯލިހު މިރޭ ވިދާޅުވެއްޖެ އެވެ.

އައްޑޫގައި އިދިކޮޅު މޯލްޑިވިއަން ޑިމޮކްރެޓިކް ޕާޓީ އިން ބޭއްވި ޖަލްސާއެއްގައި ވާހަކަ ދައްކަވަމުން ސޯލިހު ވިދާޅުވީ، ޕްރޮޖެކްޓުތައް ކުރިއަށްގެންގޮސް މެނިފެސްޓޯ ތަންފީޒު ކުރަން ރައްޔިތުން ވޯޓު ދިނުމުން ސަރުކާރުގެ ފަރާތުން ފެނުނީ މުޅިން އެހެން މަސައްކަތެއް ކަމަށެވެ.

"ރައްޔިތުންގެ މަޖިލީހުގެ ސުޕަމެޖޯރިޓީ ރައްޔިތުން ދީފި. އައްޑޫ ސިޓީ އިން ވެސް ދިން. ބޭނުމަކީ އެއިރު ފެށިފައި ހުރި މަސައްކަތްތައް ކުރިއަށް ގެންދިޔުމާއި ތިބޭފުޅުން އެ ހުށަހެޅުއްވި މެނިފެސްޓޯއާ އެއްގޮތަށް މި އައްޑޫ ސިޓީ ތަރައްގީ ކުރުން. އެހެން ނަމަވެސް މަޖިލީހުގެ އެ މެޖޯރިޓީ ބޭނުން ކުރައްވައިގެން ކުރައްވަމުންދާ ކަންކަމަކީ ގާނޫނުގެ ވެރިކަން ނެތިކޮށްލުމާއި ބާރުތައް ޖަމާކުރުން،" ސޯލިހު ވިދާޅުވި އެވެ.

ރިޔާސީ އިންތިހާބާއި ރައްޔިތުންގެ މަޖިލީހުގެ އިންތިހާބު އެއްކޮށްލަން ސަރުކާރުން މަސައްކަތް ކުރާތީ އެކަމުގެ ކަންބޮޑުވުން ވެސް ސޯލިހު މިރޭ ފާޅުކުރެއްވި އެވެ.

"ސަރުކާރުގެ މުސާރަތަކަށް އެއިރު ހަރަދުކުރިވަރާއި މިހާރު ހަރަދުކުރާވަރު، ހަމައެކަނި އެއަށް ތިބޭފުޅުން ބައްލަވާ. އަޅުގަނޑުމެންގެ ސަރުކާރުގެ އެންމެ ފަހު އަހަރު ނިމިގެންދިޔައިރު ހަރަދު ކުރަނީ 900 މިލިއަން ރުފިޔާވަރު. އެއަށްވުރެ ބޮޑެއް ނުވާނެ. އެހެންނަމަވެސް މިއަދު އެ ބިލު އަރައިފި 1.2 ބިލިއަން ރުފިޔާއަށް ވުރެ މައްޗަށް،" އެމަނިކުފާނު ވިދާޅުވި އެވެ.

މުއިއްޒުގެ ސަރުކާރުން ވެރިކަމަށް އައުމަށްފަހު އިތުރު ކުރި ވަޒީފާތަކަށް އެކަނި ވެސް މަހެއްގެ މައްޗަށް 400 މިލިއަން ރުފިޔާ ހަރަދުވާ ކަމަށް ސޯލިހު ވިދާޅުވި އެވެ.

"މަހެއްގެ މައްޗަށް 400 މިލިއަން ރުފިޔާ ހަމައެކަނި އިތުރު ކުރި މުވައްޒަފުންނަށް. މި ދައްކަނީ އަހަރެއްްގެ މައްޗަށް 4.8 ބިލިއަން ރުފިޔާ ހަރަދު ކުރާ ވާހަކަ މުސާރަތަކަށް އެކަނި. ހަރަދު ކުޑަ ކުރާ ކަމަށްވަންޏާ މިކަމަށް ނޫންތޯ ބަދަލެއް ގެންނަންވީ،" ސޯލިހު ވިދާޅުވި އެވެ.

ކޮމެންޓް

ފަހުގެ ޚަބަރު

އެފްޕީއޭ މުވައްޒަފުންނަށް ލޯންޗިން ޖަލްސާއަށް ދާން އަންގައިފި

ފެމިލީ ޕްރޮޓެކްޝަން އޮތޯރިޓީ (އެފްޕީއޭ) ގެ މުވައްޒަފުންގެ މުސާރަ ބޮޑުކުރުމުގެ މަޝްވަރާތައް ކުރިއަށްދާ ދަނޑިވަޅެއްގައި، ސަރުކާރުން ބާއްވާ "އިހުތިރާމް އަދާކުރުމުގެ ކެމްޕެއިން" ލޯންޗުކުރުމުގެ ރަސްމިއްޔާތަށް ހުރިހާ މުވައްޒަފުން ދިއުމަށް އެ އޮތޯރިޓީން ވަނީ އަންގާފައި.

އެއްވުމުގައި ބައިވެރިވާން އެމްޑީޕީން ގޮވާލައިފި

ރަސްމާލެއިން ބޮޑު ބައެއް ބޭރު ކުންފުންޏަކަށް ދޫކޮށްލުމާ ދެކޮޅަށް، އާންމުންގެ ފެންނަ ނުފެންނަ ވޯޓަކަށް ގޮވާލައި މާދަމާ ރޭ އާޓިފިޝަލް ބީޗުގައި ބާއްވާ އެއްވުމުގައި ބައިވެރިވުމަށް އެމްޑީޕީން ވަނީ ގޮވާލާފައި. "ދިވެހިންގެ ބިން ދިވެހިންނަށް" ހަރަކާތުން އިންތިޒާމުކުރާ މި އެއްވުމުގައި އެމްޑީޕީގެ އިތުރުން ޕީއެންއެފް އިން ވެސް ބައިވެރިވޭ.

ރަސްމާލެ ޑީލު މަޑު ޖައްސާލަން ގޮވާލައި އަލައްބާރަށް ސިޓީއެއް

ރަސްމާލެ މަޝްރޫއުގެ ދަށުން ބޭރުގެ ކުންފުންޏަކަށް ބިން ދިނުމާ ދެކޮޅަށް "ދިވެހިންގެ ބިން ދިވެހިންނަށް" ހަރަކާތުން އީގަލް ހިލްސްގެ ވެރިޔާއަށް ހުޅުވާލެވިފައިވާ ސިޓީއެއް ފޮނުވައި، އެ މަޝްރޫއު މަޑުޖައްސާލުމަށް ވަނީ ގޮވާލާފައި. މި ސިޓީގައި ބިން ދިނުމުގެ ކުރިން ރައްޔިތުންގެ ފެންނަ ނުފެންނަ ވޯޓެއް ނެގުމަށް ބާރުއަޅާފައިވޭ.

ކެފޭއެއް ތެރޭގައި ބަޔަކު ހިފެހެއްޓި މީހަކު ހައްޔަރުކޮށްފި

ކެފޭއެއްގެ ތެރޭގައި ބަޔަކަށް ބިރުދައްކައި، ތިން ގަޑިއިރު ވަންދެން ހިފެހެއްޓި މައްސަލައެއްގައި 19 އަހަރުގެ ފިރިހެނަކު ހައްޔަރުކޮށް، އޭނާގެ ބަންދަށް ކޯޓުން 20 ދުވަސް ވަނީ ޖަހާފައި. އެ މީހާގެ މައްޗަށް މާރާމާރީ ހިންގުމާއި، ބިރުދެއްކުމާއި، ހުއްދަ ނޫން ގޮތުގައި މީހުން ހިފެހެއްޓުމުގެ ތުހުމަތު ކުރޭ.

ބަނގުރާގެ މައްސަލައެއްގައި ސިފައިންގެ މީހަކު ހައްޔަރުކޮށްފި

ބަނގުރާ ގެންގުޅެ ބޭނުންކުރި މައްސަލައެއްގައި 19 އަހަރުގެ ސިފައިންގެ މީހަކު ހައްޔަރުކޮށް، އޭނާގެ ބަންދަށް ކޯޓުން ވަނީ ފަސް ދުވަސް ޖަހާފައި. މި މައްސަލައާ ގުޅިގެން އެމްއެންޑީއެފް އިން އަދި ވަކި އެއްޗެއް ބުނެފައިނުވާއިރު، ދައުލަތުގެ މުއައްސަސާތަކުގެ މުވައްޒަފުން ކުށްތަކަށް އަރައިގަންނަ މައްސަލަ ވަނީ އިތުރުވެފައި.

މިސްކިތެއްގައި ބަދުއަހުލާގީ އަމަލު ހިންގި މައްސަލައެއް

މީގެ ކުރިންވެސް މިސްކިތްތަކުގެ ހުރުމަތް ކެނޑުމުގެ ގިނަ މައްސަލަތަކެއްގައި ހައްޔަރުކޮށްފައިވާ ނައުޝާދު މިފަހަރު ހައްޔަރުކުރީ، ޖަލު ހުކުމެއް ތަންފީޒުކޮށް ނިމިގެން މިމަހުގެ 4 ވަނަ ދުވަހު މިނިވަންވެފައި ވަނިކޮށެވެ.

އިހުތިރާމު ޖަލްސާއަށް ދާން ވެމްކޯ މުވައްޒަފުންނަށް މަޖުބޫރުކޮށްފި

ވެމްކޯގެ ބައެއް މުވައްޒަފުންނަށް މިދިޔަ މަހުގެ މުސާރަ ނުދީ، "އިހުތިރާމު" ކެމްޕޭން ލޯންޗުކުރުމުގެ ޖަލްސާއަށް ދާން އެ ކުންފުނީގެ މެނޭޖުމަންޓުން މަޖުބޫރު ކުރަމުންދާ ކަމުގެ ޝަކުވާ ވަނީ ބޮޑުވެފައެވެ. މި ޖަލްސާގައި ބައިވެރިވުމަށް ވެމްކޯގެ އިތުރުން އެހެން ސަރުކާރު ކުންފުނިތަކާއި ސިވިލް ސާވިސް މުވައްޒަފުންނަށް ވެސް ސަރުކާރުން ދަނީ އަންގަމުންނެވެ.

Newsletter

Get the latest news delivered straight to your inbox