އައްޑޫ ސިޓީ ކައުންސިލުން އިންތިޒާމު ކުރި ހަވާ އެރުވުން އެމްއެންޑީއެފް އިން ފަހު ވަގުތު ކެންސަލްކޮށްފި

އައްޑޫ ސިޓީ ކައުންސިލުން އިންތިޒާމު ކުރި ހަވާ އެރުވުން އެމްއެންޑީއެފް އިން ފަހު ވަގުތު ކެންސަލްކޮށްފި

އައްޑޫ ސިޓީގެ ހިތަދޫ ސެންޓްރަލް ޕާކް ހުޅުވުމުގެ ރަސްމިއްޔާތުގައި ހަވާ އަރުވަން ކައުންސިލުން އިންތިޒާމްކޮށްފައި އޮއްވައި، އެމްއެންޑީއެފް އިން ފަހު ވަގުތު އެކަން ކެންސަލްކޮށްފި އެވެ.

އައްޑޫގެ މޭޔަރު އަލީ ނިޒާރު އަދަދު އާ ވާހަކަ ދައްކަވަމުން ވިދާޅުވީ ހަވާ އެރުވުމުގެ ހުރިހާ ކަމެއް އެމްއެންޑީއެފްއާ ހަވާލުކޮށްގެން އެކަމުގެ އިންތިޒާމްތައް ވެސް ރާވާފައި އޮއްވައި، ކެންސަލް ކުރިކަން އެންގީ މިއަދު ހަވީރު 5:30 ގައި ކަމަށެވެ.

"ކައުންސިލުން އިންތިޒާމުކުރި ކަމެއް މިއީ ޕާކު ހުޅުވުމަށް. ހުރިހާ ސެޓަޕެއް ވެސް އެމީހުން އޮތީ ހަދާފައި. ކުއްލިއަކަށް ގާތްގަނޑައަކަށް 5:30 ހާއިރު ސެޓަޕް އެމީހުން ނެގީ. ދެން މެއިލްއަކުން އަންގާފައިވަނީ ޓެކްނިކަލް މައްސަލައެއް ދިމާވެގެން އެކަން ކުރެވެން ނެތް ކަމަށް،" އޭނާ ވިދާޅުވި އެވެ.

ނިޒާރު ތުހުމަތުކުރައްވާ ގޮތުގައި އައްޑޫ ސިޓީގައި ހަވާ އެރުވުމަށް ހުރަސްއެޅީ ސަރުކާރުން ނުފޫޒު ފޯރުވައިގެންނެވެ. އޭނާ ވިދާޅުވީ މިއީ ސަރުކާރުން ނުފޫޒު ފޯރުވަންޖެހޭ ވަރުގެ ކަމެއް ވެސް ނޫން ކަމަށާއި މިއީ ކައުންސިލުން ރައްޔިތުންނަށް ކޮށްދޭން އުޅުނު ކަމެއް ކަމަށެވެ.

ނިޒާރު ވިދާޅުވީ ގިނަ އަދަދެއްގެ ބަޔަކު މިރޭ އެތަނުގައި ހަވާއަރުވާތީ ދާންވެގެން އިންތިޒާރު ކުރަމުންދިޔަ ކަމަށާއި މިއީ ވަރަށް ދެރަކޮށް ހިނގި ކަމެއް ކަމަށެވެ.

އައްޑޫ ސިޓީގައި ހަވާއެރުވުން ކުއްލި ގޮތަކަށް އެމްއެންޑީއެފް އިން ކެންސަލް ކުރުމާއެކު ގިނަ ބައެއްގެ ފާޑުކިޔުން ސަރުކާރަށް ވަނީ އަމާޒުވެފަ އެވެ.

ހިތަދޫގައި ގާއިމުކުރި ސެންޓްރަލް ޕާކަކީ 2024 ވަނަ އަހަރު އައްޑޫ ސިޓީ ކައުންސިލުން ބަޔަކާ ހަވާލުކޮށްގެން ތަރައްގީކުރި ތަނެކެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox