ރާއްޖޭގައި އޭއެފްސީ ކަޕް މެޗުތައް ކުޅެން އެޗްޕީއޭ އިން ހާއްސަ ހުއްދައެއް ދީފި

އޭއެފްސީ ކަޕްގެ ކޮލިފައިންގައި ލަނޑު ޖެހުމަށް ފަހު އީގަލްސްގެ ނާއިމް އުފާފާޅުކުރަނީ.-- ފޮޓޯ: ހުސެއިން ވަހީދު/ އަދަދު

އޭއެފްސީ ކަޕްގެ ކޮލިފައިންގައި ލަނޑު ޖެހުމަށް ފަހު އީގަލްސްގެ ނާއިމް އުފާފާޅުކުރަނީ.-- ފޮޓޯ: ހުސެއިން ވަހީދު/ އަދަދު

މި މަހު ރާއްޖޭގައި އޭއެެފްސީ ކަޕްގެ މެޗުތައް ކުޅެން ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ހާއްސަ ހުއްދައެއް ދޭން ނިންމާފައިވާ ކަމަށް ރައީސް އޮފީހުގެ ތަރުޖަމާނު މަބްރޫކް އަޒީޒް މިރޭ ވިދާޅުވެއްޖެ އެވެ.

ހެލްތު އިމަޖަންސީ އޮޕަރޭޝަން ސެންޓަރު (އެޗްއީއޯސީ)ގައި ރޭ ބޭއްވި ނޫސްވެރިންގެ ބައްދަލުވުމުގައި ނޫސްވެރިއަކު ކުރި ސުވާލަކަށް ޖަވާބު ދެއްވަމުން މަބްރޫކް ވިދާޅުވި އޭއެފްސީ ކަޕްގެ މެޗުތައް ރާއްޖޭގައި ކުރިއަށް ގެންދިއުމާ މެދު ހެލްތު މިނިސްޓްރީ އާއި ޔޫތު މިނިސްޓްރީން މަޝްވަރާކުރަމުން އަންނަ ކަމަށާއި އެހެންވެ އޭރު އެކަމާ ބެހޭގޮތުން ސީދާ ޖަވާބެއް ދެވެން ނެތް ކަމަށެެވެ.

އެޗްއީއޯސީގައި މިރޭ ބޭއްވި ނޫސްވެރިންގެ ބައްދަލުވުމުގައި މަބްރޫކް ވިދާޅުވީ އެޗްޕީއޭ އާއި ޔޫތު މިނިސްޓްރީން ބޭއްވި މަޝްވަރާތަކަށް ފަހު މިހާރު ނިންމާފައިވަނީ އެޗްޕީއޭ އާއި އޭއެފްސީން ހަދާފައިވާ ގައިޑްލައިންތަކެއްގެ ތެރެއިން އޭއެފްސީ ކަޕްގެ މެޗުތައް ބާއްވަން ހާއްސަ ހުއްދައެއް ދޭން ނިންމާފައިވާ ކަމަށެވެ.

"މިހާތަނަށް އެޗްޕީއޭ އާއި ޔޫތު މިނިސްޓްރީއާ ދެކެވުނު ވާހަކަތަކުގައި އެއްބަސްވެވިފައިވަނީ ހާއްސަ ހުއްދައެއްގެ ދަށުން މިއީ ބައިނަލްއަގުވާމީ މުބާރާތަކަށްވާތީ އެ މެޗުތައް ކުޅުމަށް ޖާގަ ދޭން. ދެން އެކަން ކުރުމުގައި އެޗްޕީއޭ އިން ކަނޑައަޅާ ގައިޑްލައިނަކާ އޭއެފްސީގެ ކޮވިޑް ސިޓުއޭޝަނާ ގުޅިގެން ހަދާފައިވާ ގައިޑްލައިނާ އެއްގޮތަށް މަސައްކަތްތައް ކުރިއަށްދާން ޖެހޭނެ ކަމަށް،" މަބްރޫކް ވިދާޅުވި އެވެ.

މިހާރު އޮތްގޮތުން އޭއެފްސީ ކަޕްގެ ކޮލިފައިންގައި މި މަހު 11 ވަނަ ދުވަހު ރާއްޖޭގެ އީގަލްސް އާއި އިންޑިއާގެ ބެންގަލޫރު މާލޭގައި ކުޅޭނެ އެވެ. އެ މެޗުން މޮޅުވާ ޓީމަކަށް އޭއެފްސީ ކަޕްގެ ދެކުނު އޭޝިއާ އަށް ހާއްސަ ގްރޫޕްގެ ފަހު ޖާގަ ލިބޭނެ އެވެ. އެ ގްރޫޕްގައި މި ވަގުތު އޮތީ ރާއްޖޭގެ ޗެމްޕިއަން މާޒިޔާ، އިންޑިއާގެ ޗެމްޕިއަން އޭޓީކޭ މޯހަން ބަގާން އަދި ބަންގްލަދޭޝްގެ ޗެމްޕިއަން ބަޝުންދުރާ ކިންގްސް އެވެ. އެ ގްރޫޕްގެ މެޗުތައް ބާއްވާނީ މި މަހު 14 އިން 21 އަށް މާލޭގަ އެވެ. ރާއްޖޭން އެ ގްރޫޕްގެ މެޗުތައް ހޯސްޓްކުރުމުގެ ބިޑް ކާމިޔާބުކުރީ އިންޑިއާއާ ވާދަކޮށެވެ.

އޭއެފްސީން ވަނީ އެ ފެޑެރޭޝަނުން ބާއްވާ މުބާރާތްތަކަށް ހަރުކަށި ގައިޑްލައިންތަކެއް ހަދައިފަ އެވެ. އެ ގޮތުން އެ ގައިޑްލައިންތަކަށް އޭއެފްސީ ކަޕްގައި ވެސް އަމަލުކުރާނެ އެވެ. އެ ގައިޑްލައިންގައި ހުރި ބައެއް ކަންތައްތަކަށް ބަލާއިރު، ޓީމުތަކަށް ދަތުރުކުރެވޭނީ ނެގެޓިވް ޕީސީއާރް ޓެސްޓަކަށް ފަހު އެވެ.

އަދި ހޯސްޓް ކުރާ ގައުމެއްގައި ތިބެން ޖެހޭނީ ބަބްލް އެއްގެ ތެރެއިން ހާއްސަ ކުރެވިފައިވާ ވަކި އެކޮމަޑޭޝަނެއްގަ އެވެ. ހަމައެކަނި ނުކުމެވޭނީ މެޗު ކުޅުމުގެ އިތުރުން ޕްރެކްޓިހަށް އެކަންޏެވެ. އަދި ބޭނުންވެއްޖެ ހިނދެއްގައި ރޭންޑަމް ސާމްޕަލް ނެގުން ފަދަ ކަންކަމާއި ކޮންމެ ދުވަހަކު އެއް ފަހަރު ހޫނުމިން ޗެކް ކުރުން ފަދަ ކަންކަން ގަވާއިދުން ކުރަން ޖެހެ އެވެ. އޭއެފްސީ ކަޕްގައި ވާދަކުރަން އަންނަ އިންޑިއާގެ ބެންގަލޫރާއި މޯހަން ބަގާން ބަބްލް އެއްގެ ތެރޭގައި އުޅެމުން އަންނަތާ އަށް މަސް ވެއްޖެ އެވެ.

"އަޅުގަނޑުމެންނަށް އެނގޭ ރާއްޖެ އަންނަ ޓީމެއް ވެއްޖިއްޔާ މާލެ އަންނަން ޖެހެނީ އެންމެންގެ ނެގެޓިވް ޕީސީއާރް ޓެސްޓެއް އޮވެގެން. އަދި އައިސްފައި ތިބޭނީ ވަކިން ހާއްސަކޮށް ތިބޭ އެކޮމަޑޭޝަން ފެސިލިޓީއެއްގައި. އެތަނުން އެހެން ތަނަކަށް ދިއުމުގެ ހުއްދައެއް ނޯންނާނެ. ހަމައެކަނި އެތަނުން ދަނޑަށް. ދަނޑުން އެކޮމަޑޭޝަން ފެސިލިޓީ އަށް. މި ގޮތަށް ދަތުރުކުރުމުގެ ފުރުސަތު އެ ޓީމުތަކަށް އޮންނާނީ،" މަބްރޫކް ވިދާޅުވި އެވެ.

އޭއެފްސީ ގައިޑްލައިންގައިވާ ގޮތުން ހޯސްޓްކުރާ ގައުމުގެ ޓީމުތަކަށް ވެސް ވަކި ތަފާތެއް ނެތެވެ. އެ ޓީމުތަކުން ވެސް ހަމަ ވަކިން ކޭމްޕް ކުރަން ޖެހޭނެ އެވެ. އެ ގޮތުން ކުރިއަށް އޮތް ދެ ތިން ދުވަސް ތެރޭގައި ގްރޫޕް ސްޓޭޖުގައި ވާދަކުރާ މާޒިޔާ ކޭމްޕް ކުރާ ގޮތަށް ވަނީ ހަމަޖެހިފަ އެވެ.

އީގަލްސް އިން މިދިޔަ މަހު މާލޭގައި ބޫޓާންގެ ތިމްޕޫ ސިޓީއާ ކުޅުނު މެޗުގެ ކުރިން ވަނީ ހޮޓެލް ޖެންގައި ކޭމްޕް ކޮށްފަ އެވެ. ޖެން އަށް އީގަލްސް ޓީމު ޗެކިން ކުރީ ހުރިހާ ކުޅުންތެރިންނާއި އޮފިޝަލުން ޓެސްޓް ކޮށްފަ އެވެ. އަދި އެ ޓީމުން ޕްލޭއޮފްގައި ބެންގަލޫރު މެޗަށް ވެސް ވަރަށް އަވަހަށް ކޭމްޕްކުރާނެ އެވެ.

"އިންޑިއާ ޓީމުތައް ފުރާއިރުގައި އެ ބޭފުޅުން ޑިޕާޗާ ސާމްޕަލް ހައްދަވަން ޖެހޭ ކަމަށް އަދި ރާއްޖޭގައި މި މެޗުތައް ކުޅޭ ދިވެހި ޓީމުތައް އިންޑިއާ ޓީމާ އެކު މެޗުތައް ކުޅުމަށް ފަހުގައި ވަކިން އައިސޮލޭޓްވެ 14 ދުވަހުގެ ކަރަންޓީނެއް އެކޮމަޑޭޝަން ފެސިލިޓީއެއްގައި ޓީމު އެކީގައި ކަރަންޓީނު ވާން ޖެހޭ،" މެޗުތަކަށް ފަހު މަޝްވަރާކުރެވިފައިވާ ގޮތްތައް މަބްރޫކް ހިއްސާކުރެއްވި އެވެ.

އޭނާ ވިދާޅުވީ ގައިޑްލައިންތަކާ ބެހޭގޮތުން އިތުރު ކަންތައްތައް ވެސް މަޝްވަރާ ކުރަމުން އަންނަ ކަމަށާއި ގައިޑްލައިންތައް ކަރުދާހާ ހަަމައަށް އަންނައިރު އިތުރު ބަދަލުތަކެއް ހުރެއްޖެނަމަ އެކަމާ ބެހޭ މައުލޫމާތު ހިއްސާކުރާނެ ކަމަށެވެ.

އެޗްޕީއޭ އިން ކުރިއަށް އޮތް 10 ދުވަހަށް އަމާޒުކޮށް ރޭ އިއުލާނުކުރި ފިޔަވަޅުތަކާ އެއްގޮތަށް އަމަލުކުރުމުގެ ގޮތުން އެފްއޭއެމުން މިއަދު ވަނީ މިހާރު ކުރިއަށްގެންދާ ތިން ވަނަ ޑިވިޝަން ފުޓްބޯޅަ މުބާރާތް މެދުކަނލަން ނިންމައިފަ އެވެ. އަދި ފުރަތަމަ ޑިވިޝަނުގައި ވާދަކުރާ ޓީމުތަކުގެ ތެރެއިން މި ވަގުތު ފަރިތަކުރުންތައް ކުރިއަށް ގެންދެވޭނީ ހަމައެކަނި އޭއެފްސީ ކަޕްގައި ކުޅޭ ޓީމުތައް ކަމުގައި ވަނީ ކަނޑައަޅައިފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox