ސާންތީއާ އެކު ޔޫވީގެ ފުޓްބޯޅަ ބަދަލުވާނެ ކަމުގެ އިތުބާރު އީސަ އަށް އޮތް

ލީގުގެ މެޗެއްގެ ތެރެއިން އީސަ (މ) ޓީސީގެ ދެ ކުޅުންތެރިން ކައިިރިން ބޯޅަ ފޮނުވާލަނީ.-- ފޮޓޯ: އިބްރާހިމް ފާއިދު/ އެފްއޭއެމް

ލީގުގެ މެޗެއްގެ ތެރެއިން އީސަ (މ) ޓީސީގެ ދެ ކުޅުންތެރިން ކައިިރިން ބޯޅަ ފޮނުވާލަނީ.-- ފޮޓޯ: އިބްރާހިމް ފާއިދު/ އެފްއޭއެމް

ޔުނައިޓެޑް ވިކްޓްރީ (ޔޫވީ)ގެ ހެޑް ކޯޗުކަމާ އިހުސާން އަބްދުލް ގަނީ (ސާންތީ) ހަވާލުވުމާ އެކު އެ ޓީމުގެ ފުޓްބޯޅަ ބަދަލުވާނެ ކަމުގެ އިތުބާރު އޮތް ކަމަށް އެ ޓީމުގެ ތަޖުރިބާކާރު މިޑްފީލްޑަރު އިސްމާއިލް އީސާ (މެސީ) ބުނެފި އެވެ.

މިދިޔަ ހުކުރު ދުވަހު ދަ ގްރާންޑޭ ސްޕޯޓްސް ކްލަބް އަތުން 4-1 އިން ޔުނައިޓެޑް ވިކްޓްރީ މޮޅުވިއިރު، މިއީ މިދިޔަ އެއް އަހަރާއި ތިން މަސް ދުވަހުގެ ތެރޭގައި ޔުނައިޓެޑް ވިކްޓްރީ މޮޅުވި ފުރަތަމަ މެޗެވެ. އެ މެޗުގެ މޮޅު ކުޅުންތެރިޔާގެ މަގާމު ހޯދީ ދެ ގޯލު ޖަހައި އެއް ގޯލު ޖަހަން ފުރުސަތު ތަނަވަސްކޮށްދިން އީސަ އެވެ.

އީސަ އާއި ސާންތީ މީގެ ކުރިން ވަނީ ކްލަބް ލެވަލްގައި އީގަލްސްގައި މަސައްކަތްކޮށްފަ އެވެ. އީސަ ބުނީ ސާންތީއާ އެކު މަސައްކަތްކުރި ދެ އަހަރެއްވަރު ތެރޭގައި ކޯޗު ކުޅުވަން ބޭނުންވާ ފުޓްބޯޅަ ދަސްވި ކަމަށާއި އެހެންވެ ޔުނައިޓެޑް ވިކްޓްރީގައި ވެސް އެ މަސައްކަތް ކުރެވޭނެ ކަމުގެ އުއްމީދު އެބައޮތް ކަމަށެވެ.

"ކޯޗު (ސާންތީ) އައީމަ އެނގޭ އެ ބޯޅަކަން އަންނާނީ. ބޭނުންވަނީ އެ ބޯޅަ ކުޅެން. އަޅުގަނޑަށް ވެސް ހީވަނީ ދިވެހި ގިނަ ކުޅުންތެރިން ވެސް ބޭނުންވަނީ ތިރިކޮށްގެން ޕާސްކޮށްގެން (މާ ގިނައިން) ނުދުވެ ވީހާ ވެސް ބޯޅަ ބާއްވައިގެން ކުޅެން. އެ ބަދަލު ކަންނޭނގެ އަސްލު އައީ. ފުރަތަމަ ވެސް އިން ޔަގީންކަން ކޯޗު އައި ހިސާބުން ބޯޅަ ބަދަލުވާނެ ކަމުގެ،" ދަ ގްރާންޑޭ މެޗަށް ފަހު އޮތް ނޫސްވެރިންގެ ބައްދަލުވުމުގައި އީސަ ބުންޏެވެ.

"ހަމަ ގައިމުވެސް އަޅުގަނޑު ވަރަށް ޓްރަސްޓް (އިތުބާރު) އިނދޭ އެ ބޯޅަ ބަދަލުވާނެ ކަމުގެ. ދެ އަހަރުގެ ތެރޭގައި ނޫނީ ކުރިއަށް އޮތްތާގަ.އި މިހާރު ވެސް ޕާސަނަލީ އަޅުގަނޑު ވަރަށް ހިތްހަމަޖެހޭ ޓީމުގެ ކުޅުމާ މެދު. ގޭމް ރަނގަޅު. ޔޫވީގެ ބޯޅަ ސިސްޓަމް ވެސް ރަނގަޅަށް އިނީ،"

ވެލެންސިއާގެ ސެންޓޭ (ކ) ކައިރިން އީސަ ބޯޅަ ހިފައިގެންދާން މަސައްކަތްކުރަނީ.-- ފޮޓޯ: އިބްރާހިމް ފާއިދު./ އެފްއޭއެމް
ވެލެންސިއާގެ ސެންޓޭ (ކ) ކައިރިން އީސަ ބޯޅަ ހިފައިގެންދާން މަސައްކަތްކުރަނީ.-- ފޮޓޯ: އިބްރާހިމް ފާއިދު./ އެފްއޭއެމް

ވެލެންސިއާގެ ސެންޓޭ (ކ) ކައިރިން އީސަ ބޯޅަ ހިފައިގެންދާން މަސައްކަތްކުރަނީ.-- ފޮޓޯ: އިބްރާހިމް ފާއިދު./ އެފްއޭއެމް

ގްރާންޑޭ މެޗުގެ ކުރިން ސާންތީ ވަނީ އީސަ އެންމެ ކުރިއަށް ބޭނުންކުރަނީ މި ވަގުތު ޓީމަށް އޭނާގެ ބޭނުން އެންމެ ރަނގަޅަށް ހިފެން އޮތީ އެ ގޮތަށް ކަމަށް ބުނެފަ އެވެ. މެޗުގައި އީސަ ވަނީ އެކަން ސާބިތުކޮށްދީފަ އެވެ.

ޔުނައިޓެޑް ވިކްޓްރީ މި ސީޒަނަށް ނުކުތީ މުހައްމަދު އާދަމްގެ ކޯޗުކަމުގަ އެވެ. އޭނާ ކޯޗުކޮށްދިން ހަ މެޗުގެ ތެރެއިން ތިން މެޗުން ޔުނައިޓެޑް ވިކްޓްރީ ވީ އެއްވަރެވެ. އަނެއް ތިން މެޗުން ވީ ބައްޔެވެ. ސާންތީ ހަވާލުވި ފަހުން ފުރަތަމަ ފަސް މެޗުުގައި ބަލިވި ނަމަވެސް އެ ޓީމުން ނަތީޖާ ނެރެން ވަރަށް މަސައްކަތްކޮށް ގިނަ މެޗުތަކުގައި ރަނގަޅަށް ކުޅުނެވެ. ސާންތީ ކޮންމެ މެޗަކަށް ފަހު ވެސް ބުނަމުން އައީ ބަލިވަމުން މި އަންނަ "މި ދުވަސް ނިމޭނެ" ކަމަށެވެ. އެކަން ކުރެވުނީ ދަ ގްރާންޑޭ މެޗުގަ އެވެ.

"ކޮންމެ ދުވަހަކު ވެސް ދަނޑަށް އަންނަނީ ސީދާ މޮޅުވަން. އެ މާޒިޔާ އާއި ކުޅުނަސް ވެލެންސިއާއާ ކުޅުނަސް. އަންނަނީ ސީދާ ތިން ޕޮއިންޓް ނަގަންވެގެން. އެކަމަކު ކޯޗު އެންމެ ފުރަތަމަ ދުވަހު ވެސް ބުނާހެން ބައިވަރު ކަންތައްތައް ދިމާވަނީ ސިލެކްޝަންގެ މައްސަލަ އިންޖަރީގެ މައްސަލަ ބޭރު މީހުންގެ މައްސަލަ އެކަމަކު އެގޮތަށް ބައިވަރު ރަނގަޅު މެޗުތަކެއް ކުޅެފި. ބައިވަރު ރަނގަޅު ޗާންސްތަކެއް ލިބިއްޖެ. ހަމަ ގޯލެއް ނުޖެހި އަބަދުވެސް ގޯލެއްގެ ފަހަތުން އަހަރެމެން ފަށަނީ ވެސް އެ އުނދަގޫ އަސްލު އަންނަނީ،" ދިމާވާ މައްސަލަތަކަށް އިޝާރާތްކޮށް އީސަ ބުންޏެވެ.

ކުރިން ފުރަތަމަ ޑިވިޝަނުގެ ގިނަ ކްލަބްތަކަށް ކުޅުނު އީސަ ބުނީ މި ލިބުނު މޮޅާ އެކު ޓީމުގެ ރޫހު ރަނގަޅުވާނެ ކަމަށާއި މިއީ ކުޅުންތެރިންނާއި ކޯޗުން އަދި ކްލަބްގެ މެނޭޖްމަންޓުން ގުޅިގެން ކުރި މަސައްކަތުން ލިބުނު މޮޅެއް ކަމަށެވެ.

ޔުނައިޓެޑް ވިކްޓްރީ މި ވަގުތު ލީގުގެ އެންމެ ފުލުގައި އޮތީ 12 މެޗުން ހަ ޕޮއިންޓް ހޯދައިގެންނެވެ. ޔުނައިޓެޑް ވިކްޓްރީއާ އެންމެ ގާތުގައި ލީގުގެ ހަތް ވަނައިގައި އޮތް ސުޕަ ޔުނައިޓެޑް ސްޕޯޓްސް (ސަސް) އަށް ވަނީ 12 މެޗުން 12 ޕޮއިންޓާ އެކު އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox