ވެލެންސިއާއާ އެއްވަރުވެ ޔުނައިޓެޑް ވިކްޓަރީ ރެލިގޭޓްވެއްޖެ

Jan 30, 2026, 2:19 PM
ޔުނައިޓެޑް ވިކްޓަރީގެ ފުރުގާން (ކ) އަތުން ބޯޅަ ހޯދަން ވެލެންސިއާގެ އީތަން މަސައްކަތް ކުރަނީ.---- ފޮޓޯ: އިމޭޖަސް.އެމްވީ

ޔުނައިޓެޑް ވިކްޓަރީގެ ފުރުގާން (ކ) އަތުން ބޯޅަ ހޯދަން ވެލެންސިއާގެ އީތަން މަސައްކަތް ކުރަނީ.---- ފޮޓޯ: އިމޭޖަސް.އެމްވީ

ދިރާގު ދިވެހި ޕްރިމިއާ ލީގުގައި މިއަދު ހަވީރު ކުޅުނު މެޗުގައި ކްލަބް ވެލެންސިއާއާ ލަނޑެއް ނުޖެހި 0-0 އިން އެއްވަރުވެ، ޔުނައިޓެޑް ވިކްޓަރީ (ޔޫވީ) ރެލިގޭޓްވެއްޖެ އެވެ.

ލީގުގެ ފޯމެޓް ރޭވިފައި އޮތްގޮތުން، 10 ޓީމު ވާދަކުރާ މި ފަހަރުގެ މުބާރާތުގެ ދެ ބުރުގެ ކުޅުން ނިމޭއިރު ފުލަށް ދާ ދެ ޓީމެއް އޮޓޮމެޓިކުން ރެލިގޭޓްވާނެ އެވެ. އަދި، ހަތް ވަނަ އަށް ދާ ޓީމާއި އަށް ވަނައިގައި ނިންމާ ޓީމުން ރެލިގޭޝަން ޕްލޭއޮފްގައި ކުޅެން ޖެހޭނެ އެވެ.

މިއަދުގެ މެޗަށް ނުކުތްއިރު، އޮޓޮމެޓިކުން ރެލިގޭޓްވާ ދެ މަގާމުގައި، ލީގުގެ އެންމެ ފުލުގައި އޮތް ދެ ޓީމަކީ ވެލެންސިއާ އާއި ޔުނައިޓެޑް ވިކްޓަރީ އެވެ. ލީގުގެ އަށް ވަނައިގައި އޮތް ކްލަބް ގްރީން ސްޓްރީޓްސް އިން އިއްޔެ، ކްލަބް އީގަލްސް އަތުން ޕޮއިންޓެއް ހޯދިއިރު، މިއަދު ޔުނައިޓެޑް ވިކްޓަރީ އަށް ކިރިޔާ ވެސް ސަލާމަތްވުމުގެ ފުރުސަތެއް އޮތީ ވެލެންސިއާ ބަލިކޮށްގެންނެވެ. އެކަމަކު، އެ ޓީމަށް ނަތީޖާ ނުނެރެވި، 10 ވަރަކަށް އަހަރަށް ފަހު، ފުރަތަމަ ޑިވިޝަނުން ވެއްޓުނީ އެވެ. ޔުނައިޓެޑް ވިކްޓަރީން 2016 ވަނަ އަހަރުން ފެށިގެން އަންނަނީ ފުރަތަމަ ޑިވިޝަނުގައި ވާދަކުރަމުންނެވެ.

ލީގުގެ ފުލުގައި އޮތް ޔުނައިޓެޑް ވިކްޓަރީ އަށް 17 މެޗުން ލިބިފައިވަނީ އަށް ޕޮއިންޓެވެ. ވެލެންސިއާ، ނުވަ ވަނައިގައި އޮތީ 17 މެޗުން ނުވަ ޕޮއިންޓާ އެކު އެވެ. އަދި، އަށް ވަނައިގައި އޮތް ގްރީން ސްޓްރީޓްސް އަށް 17 މެޗުން 12 ޕޮއިންޓް ލިބިފައިވެ އެވެ.

ވެލެންސިއާ އިން ފަހު މެޗުގައި ބައްދަލުކުރަނީ އީގަލްސްއާ އެވެ. ފުރަތަމަ ޑިވިޝަނުގެ ޖާގަ ދަމަހައްޓަން، އެ މެޗުން ވެލެންސިއާ އިން ރަނގަޅު ނަތީޖާ އަކުން މޮޅުވާން މަޖުބޫރެވެ. އަދި، އަނެއްކޮޅުން، ކްލަބް ގްރީން ސްޓްރީޓްސް އަތުން ނިއު ރޭޑިއަންޓް މޮޅުވާން ވެސް ޖެހެ އެވެ.

ގަލޮޅު ދަނޑުގައި މިއަދު ކުޅުނު މެޗުގައި ވެލެންސިއާ އަށް ލަނޑެއް ޖަހައިދޭން އެ ޓީމުގެ ޒުވާން ކެޕްޓަން، އީތަން އިބްރާހިމް ޒަކީ ގިނަ ހަމަލާތަކެއް އުފެއްދި ނަމަވެސް ޔުނައިޓެޑް ވިކްޓަރީގެ ކީޕަރު، އަލީ އާދެލް މުސްތަފާ އަލީ ވަނީ އެ ހަމަލާތައް ހުއްޓުވައިފަ އެވެ. އަދި، ޔުަނައިޓެޑް ވިކްްޓަރީގެ މިސްރު ފޯވާޑް މުހައްމަދު ސާމިރު ފޮނުވާލި ބޯޅަ ދިޔައީ ހުރަސްދަނޑިމަތިންނެވެ. އަދި، ޔުނައިޓެޑް ވިކްޓަރީގެ ހުސެއިން ޝުހާދު ޝުހާން ފޮނުވާލި ބޯޅައެއް ވެލެންސިއާގެ މޮލްޑޯވާ ކީޕަރު، ވިއޮރެލް ބޮއިއާން ވަނީ މަތަކޮށްފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox