އަސާސީ ހައްގުތަކާ ގުޅޭ އިންކުއަރީއެއް އެޗްއާރުސީއެމްއިން އަންނަ އަހަރު ހަދަނީ

އެޗްއާރުސީއެމްގެ ރައީސް އައިޝަތު ރަމީލާ ބަޖެޓު ކޮމިޓިގައި ވާހަކަ ދައްކަވަނީ

އެޗްއާރުސީއެމްގެ ރައީސް އައިޝަތު ރަމީލާ ބަޖެޓު ކޮމިޓިގައި ވާހަކަ ދައްކަވަނީ

ރައްޔިތުންނަށް ފުރިހަމަކޮށް ނުދެވި ހުރި އަސާސީ ހައްގުތަކާއި، ނިގުޅައިގަނެވޭ ހައްގުތަކުގެ މައްސަލަތައް ބެލުމަށް އަންނަ އަހަރު ނެޝަނަލް އިންކުއަރީއެއް ހިންގަން ކަނޑައަޅާފައިވާ ކަމަށް ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރްސީއެމް) ގެ ރައީސް އައިޝަތު ރަމީލާ ވިދާޅުވެއްޖެ އެވެ.

ރައްޔިތުންގެ މަޖިލީހުގެ ބަޖެޓް ދިރާސާކުރާ ކޮމިޓީގެ ބައްދަލުވުމުގައި މާވަށު ދާއިރާގެ މެންބަރު އަހުމަދު ޝާކިރު ވަނީ، އެ މެންބަރުގެ ދާއިރާގައި ފެނާއި ނަރުދަމާގެ ހިދުމަތް ނުލިބޭ ރަށްތަކުގެ ރައްޔިތުން ދަތި ހާލުގައި އުޅޭއިރު، އެ ފަދަ އިންސާނީ ހައްގުތަކާ ގުޅޭ މައްސަލަތައް ކޮމިޝަނުން އަމިއްލައަށް އިސްނަގައިގެން ބަލާތޯ ސާފުކުރުމަށް ސުވާލު ކުރައްވާފަ އެވެ.

އެ ސުވާލަށް ޖަވާބު ދެއްވަމުން ރަމީލާ ވިދާޅުވީ އާންމު ގޮތެއްގައި އިސްނަގައިގެން ބަލަނީ މީޑިއާގައި ބޮޑަށް ފާހަގަވެފައިވާ ރައްޔިތުންގެ ބޮޑެތި ކަންބޮޑުވުންތައް ކަމަށެވެ.

"މެންބަރު ޝާކިރު ތިޔަ އަލިއަޅުވާލާފައިވާ ކަންތައްތަކަކީ ގާނޫނު އަސާސީ ކަނޑައަޅާފައި މި ހުންނަ ހައްގުތަކުގެ ތެރެއިން ރައްޔިތުންނަށް މިވަގުތު ފުރިހަމަކޮށް ނުދެވި ހުރި ހައްގުތައް، ނޫނީ ރައްޔިތުންގެ ހައްގުތަކުގެ ތެރެއިން ނިގުޅައި ގަނެވިގެންދާ ހައްގުތަކެއްކަމުގައި ވަންޏާ އާންމުކޮށް ކޮމިޝަނުން އަމަލުކުރާ ގޮތަކީ ނެޝަނަލް އިންކުއަރީ އެއް ހިންގުން،" ރަމީލާ ވިދާޅުވި އެވެ.

މިގޮތުން މުޅި ރާއްޖެ ކަވަރުކޮށްގެން މިފަދަ ނެޝަނަލް އިންކުއަރީއެއް ހިންގުމަށްޓަކައި ކޮމިޝަނަށް ފުދޭވަރެއްގެ ބަޖެޓެއް ބޭނުންވާނެ ކަމަށާއި ކޮމިޝަނުގެ ސްޓްރެޓެޖިކް އެކްޝަން ޕްލޭނުގައި މިހާރު ވެސް ކޮންމެ ދެ އަހަރަކުން އެއް އަހަރު ނެޝަނަލް އިންކުއަރީއެއް ހިންގަން ހިމަނާފައި އޮންނާނެ ކަމަށް ވެސް އޭނާ ވިދާޅުވި އެވެ.

"އެހެންވީމާ ޕްރައޮރަޓައިޒްކޮށްގެން މި ވަގުތު ރައްޔިތުންނަށް ދިމާވެފައިވާ ދަތިތަކަށް ޕްރައޮރަޓައިޒްކޮށްގެން 2027 ފެށިގެން ނެޝަނަލް އިންކުއަރީ ފަށާގޮތަށް އެކްޝަން ޕްލޭންގައި ކަނޑައެޅިފައި އިންނާނެ،" ރަމީލާ ވިދާޅުވި އެވެ.

މީގެ އިތުރުން މި އިންކުއަރީ އާއި ގުޅޭގޮތުން ރައީސް މުއިއްޒުގެ ލަފަ އާއި އިރުޝާދު ވެސް ހޯއްދަވައި, ރައީސް އާއި ބައްދަލުކުރައްވާނެކަމަށް މިއަދުގެ ބައްދަލުވުމުގައި ރަމީލާ ވިދާޅުވެފައިވެ އެވެ.

ކޮމެންޓް

ފަހުގެ ޚަބަރު

އިހަވަންދިއްޕޮޅުގައި ވިޔަފާރި ބަނދަރު ހަދަން ސޮއިކޮށްފި

އިހަވަންދިއްޕޮޅުގައި ބައިނަލްއަގުވާމީ ވިޔަފާރި ބަނދަރަކާއި މެރިޓައިމް އަދި ސިނާއީ މަސައްކަތްތަކަށް ބޭނުންވާ ވަސީލަތްތައް ގާއިމުކުރުމަށް ޔޫއޭއީގެ ސަހު ގްރޫޕާއެކު ސަރުކާރުން މިއަދު ސޮއިކޮށްފިއެވެ. މި މަޝްރޫއުގެ ދަށުން އެ ސަރަހައްދުގައި ޓޫރިޒަމް ތަރައްގީކުރުން ވެސް ހިމެނޭއިރު، މިއީ ރާއްޖޭގެ އެންމެ އުތުރުގައި އިގްތިސާދީ ހަރަކާތްތައް ފުޅާކުރުމަށް ކުރިއަށްގެންދާ މުހިންމު މަސައްކަތެކެވެ.

މާދަމާރޭގެ ޖަލްސާއަށް ދާން ސަރުކާރު މުވައްޒަފުންނަށް އަންގައިފި

މާދަމާރޭ ބާއްވާ ޖަލްސާއަށް، ސަރުކާރުގެ ހުރިހާ މުވައްޒަފުން އެމީހުންގެ އަނބިން ނުވަތަ ފިރިންނާއެކު ބައިވެރިވުމަށް ރައީސުލްޖުމްހޫރިއްޔާ ވަނީ ދައުވަތު އަރުވާފައެވެ. މި ޖަލްސާއަށް ދާ މުވައްޒަފުންނާއި އެމީހުންގެ އަނބިފިރިންގެ މައުލޫމާތު މިއަދު މެންދުރުގެ ކުރިން ރައީސް އޮފީހަށް އެންގުމަށް ވުޒާރާތަކަށް ވަނީ އަންގާފައެވެ.

އަދާލަތުން ސަރުކާރަށް ތާއީދުކުރުމުން އަލީ ޒާހިރު ފާޑުވިދާޅުވެއްޖެ

އޭނާ ވިދާޅުވީ މިއީ ގިނަ ބައެއްގެ އުއްމީދުތަކާއި ބުރަ މަސައްކަތް ފޮހެވިގެންދާނެ ހިތާމަވެރި ނިންމުމެއް ކަމަށެވެ. އަދާލަތުން މި ނިންމުން ނިންމާފައިވަނީ 2028 ވަނަ އަހަރުގެ ރިޔާސީ އިންތިޚާބުގައި ރައީސް މުޢިއްޒަށް ތާއީދުކުރުމުގެ ގޮތުންނެވެ.

ބަޖެޓު ރާވާފައި ވަނީ މުވައްޒަފުން ނުނަގާ ހިންގޭ ގޮތަށް: ފިނޭންސް

މަޖިލީހަށް މައުލޫމާތު ދެމުން ފިނޭންސުން ބުނީ އަންނަ އަހަރުގެ ބަޖެޓު ރާވާފައި ވަނީ އާ މުވައްޒަފުން ނުނަގާ ދައުލަތް ހިންގޭ ގޮތަށް ކަމަށް. އަދި މުސާރަ ކަނޑައެޅުމުގައި ބަލަނީ ދައުލަތުގެ ފޯރުންތެރިކަން ހުރި މިންވަރަށް ކަމަށް.

ޕެންޝަން އޮފީހުގެ ސީއޯއޯގެ މަގާމުން ޝިއުނާ ވަކިކޮށްފި

ޕެންޝަން އޮފީހުގެ ސީއޯއޯގެ މަގާމުން މަރިޔަމް ޝިއުނާ ވަކިކޮށްފައިވަނީ، އެ އޮފީހުގެ ޗެއާޕާސަނާ ގުޅޭ މައްސަލަތަކެއް ކަމާބެހޭ އިދާރާތަކަށް ހުށަހެޅުމާއި ސަރުކާރުން ފައިސާ ޗާޕުކުރި މުއާމަލާތާ ދެކޮޅު ހެދުމުންނެވެ. މިދިޔަ ސެޕްޓެމްބަރު މަހުން ފެށިގެން ސަސްޕެންޝަނުގައި ހުރި ޝިއުނާ އެ މަގާމުން ވަކިކުރިއިރު، އޭނާއަކީ މީގެ ކުރިން އޭސީސީގެ ރައީސްކަންވެސް ކުރައްވާފައިވާ ބޭފުޅެކެވެ.

ރަސްމާލެ ވިއްކާލުމާ ދެކޮޅަށް އިހުތިޖާޖަށް ނުކުންނަން ގޮވާލައިފި

ބޭރުގެ ބަޔަކަށް 99 އަހަރަށް ރަސްމާލެ ވިއްކާލުމާ ދެކޮޅަށް އެމްޑީޕީން އެކަތިގަނޑެއްގެ ގޮތުގައި އިހުތިޖާޖަށް ނުކުތުމަށް މެންބަރު މީކާއިލް ގޮވާލައްވައިފިއެވެ. މި މަޝްރޫއާ މެދު ރައްޔިތުންގެ ފެންނަނުފެންނަ ވޯޓެއް ނެގުމަށް އެމްޑީޕީން ގަރާރެއް ހުށަހަޅާފައިވާއިރު، އެކަމުގައި ޕާޓީގެ ޒިންމާ ބޮޑުކަމަށް މީކާއިލް ފާހަގަކުރެއްވިއެވެ.

ޕީއެންސީއާއެކު އަދާލަތުން ކޯލިޝަން ހަދައިފި

މި އެއްބަސްވުމުގެ ދަށުން ސަރުކާރުގެ އިސް މަގާމުތައް އަދާލަތު ޕާޓީގެ މެންބަރުންނަށް ދިނުމަށް ވަނީ ހަމަޖެހިފައެވެ. އަދާލަތު ޕާޓީއަކީ މީގެ ކުރިން އެމްޑީޕީ އަދި ޕީޕީއެމްގެ ސަރުކާރުތަކުގައިވެސް ކޯލިޝަން ބައިވެރިއެކެވެ.

Newsletter

Get the latest news delivered straight to your inbox