ސްޕޮންސާ ކޮށްގެން ގެނެސްދޭ ކޮންޓެންޓާއި މިނިވަން ނޫސްވެރިކަމުގެ ހަބަރުތައް ވަކިވާނެހެން ގެނެސްދޭން އެމްޖޭއޭއިން ގޮވާލައިފި

Oct 28, 2026, 8:42 PM
އެމްޖޭއޭގެ މެންބަރުން ބައިވެރިވި ބައްދަލުވުމެއްގެ ތެރެއިން -- ފޮޓޯ: އެމްޖެއޭ

އެމްޖޭއޭގެ މެންބަރުން ބައިވެރިވި ބައްދަލުވުމެއްގެ ތެރެއިން -- ފޮޓޯ: އެމްޖެއޭ

ސްޕޮންސާ ކޮށްގެން ޝާއިއުކުރާ ހަބަރުތަކާއި މިނިވަން ނޫސްވެރިކަމުގެ ތެރެއިން އުފައްދާ ހަބަރުތައް ވަކިވާނެހެން ރިޕޯޓުކުރުމަށް ނޫސްވެރިންގެ ހައްގުގައި ވަކާލާތުކުރާ މޯލްޑިވްސް ޖާނަލިސްޓް އެސޯސިއޭޝަނުން ނޫސް އިދާރާތަކުގެ އެޑިޓަރުންނަށް ގޮވާލައިފި އެވެ.

އެމްޖޭއޭގެ ވެބްސައިޓުގައި މިރޭ އާންމުކުރި ބަޔާނެއްގައި ވަނީ ނޫސްތަކުގެ ވިޔަފާރި މުއާމަލާތްތަކުގެ ސަބަބުން ނޫސްވެރިން ނުރައްކަލަށް ހުށަހެޅޭ ފަދަ ކަންކަން ނުކުރުމަށް އެޑިޓަރުންނަށް އިލްތިމާސްކޮށްފަ އެވެ. އަދި، ސްޕޮންސާކޮށްގެން މީޑިއާތަކުން ގެނެސްދޭ ކޮންޓެންޓު، އެއީ ޕްރޮމޯޝަނަލް ކޮންޓެންޓުކަން ކިޔުންތެރިންނަށް އެނގޭނެ ގޮތަށް ލޭބަލް ކުރުމަށް ވެސް އެމްޖޭއޭއިން ގޮވާލައިފައިވެ އެވެ.

ނޫސްވެރިކަމުގެ އަހުލާގީ މިންގަނޑަށް ރިއާޔަތްކޮށް، މީޑިއާތަކުގެ އެޑިޓޯރިއަލް މިނިވަންކަން ކަށަވަރުކުރުމަކީ މީޑިއާތަކުގެ އަސާސީ މަސްއޫލިއްތެއް އަދި ޒިންމާއެއްކަމަށް އެ ޖަމިއްޔާއިން ބުންޏެވެ.

އެމްޖޭއޭއިން މިފަދަ ބަޔާނެއް ނެރެފައި މިވަނީ، އީގަލް ހިލްސް ކުންފުނީގެ ސްޕޮންސަރުގައި ޔޫއޭއީއަށް ގޮސް އެ ކުންފުނިން ކުރިއަށް ގެންދާ އެކި މަޝްރޫއުތަކާ ގުޅޭ ހަބަރުތައް ގެނެސްދޭ ނޫސްވެރިންނަށާއި އެ މީހުންގެ އާއިލާތަކަށް ސީރިއަސް އިންޒާރުތަކެއް ސޯޝަލްމީޑިއާގައި ދެމުންދާ ދަނޑިވަޅެއްގަ އެވެ.

އެމްޖޭއޭއިން ވަނީ ނޫސްވެރިންނަށް އިންޒާރުދޭ މައްސަލަ ސީރިއަސް މައްސަލައެއްގެ ގޮތުގައި ތަހުގީގުކޮށްދިނުމަށް އެދި ފުލުހަށް މައްސަލަ ހުށަހަޅައިފަ އެވެ. އަދި، އެ ނޫސްވެރިންނަށް ބޭނުންވާ ސަލާމަތާއި ރައްކާތެރިކަން ކަށަވަރުކޮށްދިނުމަށް ވެސް ފުލުހުންގެ ކިބައިން އެ ޖަމިއްޔާއިން އެދިފައިވެ އެވެ.

އެމްޖޭއޭއިން ބުނީ ނޫސްވެރިން މަސައްކަތް ކުރަނީ އެ ނޫސްވެރިއަކު ނިސްބަތްވާ މީޑިއާ އިދާރާއެއްގެ އެޑިޓޯރިއަލް އުސޫލުތަކާއި ސިޔާސަތުތަކާ އެއްގޮތަށް ކަމަށެވެ. އެހެން އެކަން އޮތްއިރު، ވަޒީފާގެ ޒިންމާ އަދާކުރާ ވަކިވަކި ނޫސްވެރިންނާމެދު ނަފުރަތު އުފައްދައި އިންޒާރު ދިނުމަކީ ބަލައިގަނެވޭނެ ކަމެއް ނޫން ކަމަށް އެ ޖަމިއްޔާއިން ބުންޏެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox