ބަޔަކު ރޭޕް ކުރި މައްސަލައިގައި ހައްޔަރު ކުރި ވެމްކޯގެ މުވައްޒަފަށް ފިޔަވަޅެއް ނާޅާނެ ކަމަށް އެ ކުންފުނިން ބުނެފި

ވެމްކޯގެ މެނޭޖަރު އަލީ ހުޒާމް ސައީދު: ރޭޕްގެ މައްސަލައެއްގައި އޭނާ ވަނީ ހައްޔަރުކުރިއިރު، މިހާތަނަށް އެއްވެސް ފިޔަވަޅެއް އަޅާފައެއް ނުވޭ

ވެމްކޯގެ މެނޭޖަރު އަލީ ހުޒާމް ސައީދު: ރޭޕްގެ މައްސަލައެއްގައި އޭނާ ވަނީ ހައްޔަރުކުރިއިރު، މިހާތަނަށް އެއްވެސް ފިޔަވަޅެއް އަޅާފައެއް ނުވޭ

ހުވަދޫ ރޭޕް މައްސަލައިގައި ހައްޔަރުކުރި ތިނަދޫ ސިޓީގެ ވޭސްޓް މެނޭޖްމަންޓް ކޯޕަރޭޝަން (ވެމްކޯ) ގެ މެނޭޖަރެއްގެ މަގާމުގައި ހުރި ހުޒާމް ސައީދަށް ފިޔަވަޅު އަޅާނީ އެ މައްސަލައިގައި އޭނާގެ މައްޗަށް ކުށެއް ސާބިތުވުމުން ކަމަށް އެ ކުންފުނިން ބުނެފި އެވެ. 

ވެމްކޯއިން ނެރުނު ނޫސް ބަޔާނެއްގައި ބުނީ ރޭޕްގެ މައްސަލަ ސާބިތުވާ ކަމަށް ތަހުގީގީ އިދާރާއަކުން ކަނޑައަޅައިފިނަމަ، އެ ކުންފުނީގެ ގަވާއިދާ އެއްގޮތަށް އެޅެން އޮތް އެންމެ ހަރުކަށި ފިޔަވަޅު އަޅާނެ ކަމަށެވެ. 

"ޖިނާއީ ކުށެއް މަދަނީ މިންގަނޑުން ސާބިތުވާ ވަރަށް ހެކި ހުރެ އެ ފަދަ މައްސަލައެއް ތަހުގީގީ އިދާރާއަކުން މި ކޯޕަރޭޝަންގެ އެއްވެސް މުވައްޒަފަކަށް ސާބިތުވާ ކަމަށް ކަނޑައަޅައިފިނަމަ، މި ކޯޕަރޭޝަނުގެ ގަވާއިދާ އެއްގޮތަށް އެ މުވައްޒަފަކާ މެދު އެޅެން އޮތް އެންމެ ހަރުކަށި ފިޔަވަޅު އެޅުމުގައި ފަސްނުޖެހޭނެކަމުގެ ޔަގީންކަން އަރުވަން،" ވެމްކޯއިން ބުންޏެވެ. 

ހުވަދޫ އަތޮޅުގައި 22 އަހަރުގެ އަންހެނަކަށާއި ކުޑަކުދިންތަކަކަށް ޖިންސީ ގޯނާކުރިކަމަށް ތުހުމަތުކުރެވޭ މައްސަލައިގައި ހުޒާމް ހިމެނޭ ގޮތަށް ނުވަ މީހަކު ހައްޔަރުކުރި އެވެ. އޭގެ ތެރެއިން ހުޒާމް އާއި މުހައްމަދު ސާލިހް އަހްމަދުގެ ބަންދަށް 90 ދުވަސް ވަނީ ޖަހާފަ އެވެ. ބާކީ ތިބި މީހުންނަށް ޖެހީ 30 ދުވަހާއި 15 ދުވަހާއި 10 ދުވަސް އަދި ފަސް ދުވަހެވެ. 

ހުޒާމްގެ މައްޗަށް ބޮޑު ތުހުމަތެއް ކުރެވިގެން ހައްޔަރުކޮށް ބަންދުގެ މުއްދަތު ވެސް ޖަހާފައިވާއިރު، އޭނާގެ މައްޗަށް ކުންފުނިން އެއްވެސް ފިޔަވަޅެއް ނާޅާތީ އާންމުން ދަނީ ކަންބޮޑުވުން ފާޅުކުރަމުންނެވެ. 

ވެމްކޯއިން ބުނީ މަސައްކަތުގެ މާހައުލުގައި އާއި، އެ މާހައުލުން ބޭރުގައިވެސް އެ ކުންފުނީގެ މުވައްޒަފުންގެ އަހްލާގީ މިންގަނޑު ރިވެތި ގޮތުގައި ހިފެހެއްޓުމަކީ އެ ކުންފުނީގެ އެޗްއާރް ޕޮލިސީގެ އެންމެ އަސާސީ މަގްސަދު ކަމަށެވެ. 

މީގެއިތުރުން އެ ޕޮލިސީ ފަރުމާ ކުރެވިފައިވަނީ އެފަދަ ރިވެތި އަހްލާގީ މިންގަނޑުން ބޭރުވެ، ނޭއްގާނީ އެކިއެކި ކުށްތައް ކުރާ މީހުންނަށް އެންމެ ހަރުކަށި ފިޔަވަޅުތައް އެޅި އެކަން ތަކުރާރު ނުވާނެފަދަ ގޮތަކަށް ކަމަށް ވެސް ވެމްކޯއިން ބުންޏެވެ.

ކޮމެންޓް

ފަހުގެ ޚަބަރު

އިހަވަންދިއްޕޮޅުގައި ވިޔަފާރި ބަނދަރު ހަދަން ސޮއިކޮށްފި

އިހަވަންދިއްޕޮޅުގައި ބައިނަލްއަގުވާމީ ވިޔަފާރި ބަނދަރަކާއި މެރިޓައިމް އަދި ސިނާއީ މަސައްކަތްތަކަށް ބޭނުންވާ ވަސީލަތްތައް ގާއިމުކުރުމަށް ޔޫއޭއީގެ ސަހު ގްރޫޕާއެކު ސަރުކާރުން މިއަދު ސޮއިކޮށްފިއެވެ. މި މަޝްރޫއުގެ ދަށުން އެ ސަރަހައްދުގައި ޓޫރިޒަމް ތަރައްގީކުރުން ވެސް ހިމެނޭއިރު، މިއީ ރާއްޖޭގެ އެންމެ އުތުރުގައި އިގްތިސާދީ ހަރަކާތްތައް ފުޅާކުރުމަށް ކުރިއަށްގެންދާ މުހިންމު މަސައްކަތެކެވެ.

މާދަމާރޭގެ ޖަލްސާއަށް ދާން ސަރުކާރު މުވައްޒަފުންނަށް އަންގައިފި

މާދަމާރޭ ބާއްވާ ޖަލްސާއަށް، ސަރުކާރުގެ ހުރިހާ މުވައްޒަފުން އެމީހުންގެ އަނބިން ނުވަތަ ފިރިންނާއެކު ބައިވެރިވުމަށް ރައީސުލްޖުމްހޫރިއްޔާ ވަނީ ދައުވަތު އަރުވާފައެވެ. މި ޖަލްސާއަށް ދާ މުވައްޒަފުންނާއި އެމީހުންގެ އަނބިފިރިންގެ މައުލޫމާތު މިއަދު މެންދުރުގެ ކުރިން ރައީސް އޮފީހަށް އެންގުމަށް ވުޒާރާތަކަށް ވަނީ އަންގާފައެވެ.

އަދާލަތުން ސަރުކާރަށް ތާއީދުކުރުމުން އަލީ ޒާހިރު ފާޑުވިދާޅުވެއްޖެ

އޭނާ ވިދާޅުވީ މިއީ ގިނަ ބައެއްގެ އުއްމީދުތަކާއި ބުރަ މަސައްކަތް ފޮހެވިގެންދާނެ ހިތާމަވެރި ނިންމުމެއް ކަމަށެވެ. އަދާލަތުން މި ނިންމުން ނިންމާފައިވަނީ 2028 ވަނަ އަހަރުގެ ރިޔާސީ އިންތިޚާބުގައި ރައީސް މުޢިއްޒަށް ތާއީދުކުރުމުގެ ގޮތުންނެވެ.

ބަޖެޓު ރާވާފައި ވަނީ މުވައްޒަފުން ނުނަގާ ހިންގޭ ގޮތަށް: ފިނޭންސް

މަޖިލީހަށް މައުލޫމާތު ދެމުން ފިނޭންސުން ބުނީ އަންނަ އަހަރުގެ ބަޖެޓު ރާވާފައި ވަނީ އާ މުވައްޒަފުން ނުނަގާ ދައުލަތް ހިންގޭ ގޮތަށް ކަމަށް. އަދި މުސާރަ ކަނޑައެޅުމުގައި ބަލަނީ ދައުލަތުގެ ފޯރުންތެރިކަން ހުރި މިންވަރަށް ކަމަށް.

ޕެންޝަން އޮފީހުގެ ސީއޯއޯގެ މަގާމުން ޝިއުނާ ވަކިކޮށްފި

ޕެންޝަން އޮފީހުގެ ސީއޯއޯގެ މަގާމުން މަރިޔަމް ޝިއުނާ ވަކިކޮށްފައިވަނީ، އެ އޮފީހުގެ ޗެއާޕާސަނާ ގުޅޭ މައްސަލަތަކެއް ކަމާބެހޭ އިދާރާތަކަށް ހުށަހެޅުމާއި ސަރުކާރުން ފައިސާ ޗާޕުކުރި މުއާމަލާތާ ދެކޮޅު ހެދުމުންނެވެ. މިދިޔަ ސެޕްޓެމްބަރު މަހުން ފެށިގެން ސަސްޕެންޝަނުގައި ހުރި ޝިއުނާ އެ މަގާމުން ވަކިކުރިއިރު، އޭނާއަކީ މީގެ ކުރިން އޭސީސީގެ ރައީސްކަންވެސް ކުރައްވާފައިވާ ބޭފުޅެކެވެ.

ރަސްމާލެ ވިއްކާލުމާ ދެކޮޅަށް އިހުތިޖާޖަށް ނުކުންނަން ގޮވާލައިފި

ބޭރުގެ ބަޔަކަށް 99 އަހަރަށް ރަސްމާލެ ވިއްކާލުމާ ދެކޮޅަށް އެމްޑީޕީން އެކަތިގަނޑެއްގެ ގޮތުގައި އިހުތިޖާޖަށް ނުކުތުމަށް މެންބަރު މީކާއިލް ގޮވާލައްވައިފިއެވެ. މި މަޝްރޫއާ މެދު ރައްޔިތުންގެ ފެންނަނުފެންނަ ވޯޓެއް ނެގުމަށް އެމްޑީޕީން ގަރާރެއް ހުށަހަޅާފައިވާއިރު، އެކަމުގައި ޕާޓީގެ ޒިންމާ ބޮޑުކަމަށް މީކާއިލް ފާހަގަކުރެއްވިއެވެ.

ޕީއެންސީއާއެކު އަދާލަތުން ކޯލިޝަން ހަދައިފި

މި އެއްބަސްވުމުގެ ދަށުން ސަރުކާރުގެ އިސް މަގާމުތައް އަދާލަތު ޕާޓީގެ މެންބަރުންނަށް ދިނުމަށް ވަނީ ހަމަޖެހިފައެވެ. އަދާލަތު ޕާޓީއަކީ މީގެ ކުރިން އެމްޑީޕީ އަދި ޕީޕީއެމްގެ ސަރުކާރުތަކުގައިވެސް ކޯލިޝަން ބައިވެރިއެކެވެ.

Newsletter

Get the latest news delivered straight to your inbox