ރާއްޖޭގައި ފުޅާ ދާއިރާއެއްގައި ކާބޯތަކެތީގެ ވިޔަފާރިކުރަމުން އަންނަ ޔޫރޯ މާކެޓިންގއިން، ފަރަންސޭސިވިލާތުގެ މަޝްހޫރު ފްލޭވާ އެކްސްޕާޓް ކަމަށްވާ "1883 މެއިޒަން ރޫޓިން" ގެ އައު ދެ ރޭންޖެއް ރާއްޖޭގެ ބާޒާރަށް ނެރެފި އެވެ.
މީގެ ތެރޭގައި ހިމެނެނީ މީރު ފޮނިކާތަކެތީގެ ރަހަތައް އެކުލެވޭ "ފްރެންޗް ޕެޓިސަރީ" ސިރަޕް ކަލެކްޝަނާއި، ތާޒާ މޭވާގެ ރަހަތައް ހިމެނޭ "ރިފްރެޝަރ މިކްސް" އެވެ. މި އުފެއްދުންތައް މިހާރު ޔޫރޯ ސްޓޯރުން ލިބެން ހުންނާނެއެވެ.
މިއީ ރާއްޖޭގެ ކެފޭތަކާއި، ހޮޓާތަކާއި، ރެސްޓޯރެންޓުތަކުގެ އިތުރުން ގޭބިސީތަކަށްވެސް ލިބިގެންދިޔަ ވަރަށް ފުރިހަމަ އިޚްތިޔާރެކެވެ.
ފްރެންޗް ޕެޓިސަރީ: ފަރަންސޭސި ޕޭސްޓްރީގެ މީރު ރަހަތައް ބުއިންތަކަށް
ފަރަންސޭސިވިލާތުގެ ކްލެސިކް ޕޭސްޓްރީތަކުން އިންސްޕިރޭޝަން ހޯދައިގެން ތައްޔާރުކޮށްފައިވާ މި ސިރަޕްތައް އުފައްދާފައިވަނީ ބަރިސްތާއިންނާއި، ބާމެއިޑުން އަދި ޕޭސްޓްރީ ޝެފުން ގުޅިގެންނެވެ. 100 ޕަސެންޓު ފަރަންސޭސި ބީޓް ޝުގަރ އާއި ގުދުރަތީ ރަހަތަކާއި ކުލަތައް ބޭނުންކޮށްގެން ފްރެންޗް އަލްޕްސްގެ މެދުތެރޭގައި ތައްޔާރުކޮށްފައިވާ މި ކަލެކްޝަނުގެ 6 ރަހައެއް މިހާރު ލިބެން ހުންނާނެއެވެ.އެއް ލީޓަރުގެ ފުޅީގައި ލިބެން ހުންނަ ރަހަތަކަކީ:
- ކްރޮއިސަންޓް
- ޕެއިން އޮ ޗޮކޮލެޓް
- މެކަރޫން ރާސްބެރީ
- އެކްލެއަރ ޗޮކޮލެޓް
- ކްރީމް ބްރޫލޭ
- މެޑެލީން
މި ސިރަޕްތައް ލާޓޭ، ކަޕަޗީނޯ، އައިސްޑް ކޮފީ، މިލްކްޝޭކް، އަދި ތަފާތު މޮކްޓެއިލްތަކާއި ކޮކްޓެއިލްތައް ތައްޔާރުކުރުމަށް ވަރަށް ކަމުދާނެ އެވެ. މީގެ ތެރެއިންވެސް "ކްރޮއިސަންޓް" ސިރަޕަކީ ބަޓަރު އަދި ފިހެފައި ހުންނަ ޕޭސްޓްރީގެ މީރު ރަހަ ގެނެސްދޭނެ ތަފާތު އުފެއްދުމެކެވެ. މެއިޒަން ރޫޓިންއިން ލަފާދޭ ގޮތުގައި، ކޯލްޑް ބްރޫ ކޮފީއާއި، ހޫނު ކިރާއި، ކެރަމަލް ސޯސް އަދި ކްރޮއިސަންޓް ސިރަޕް އެއްކޮށްގެން ތައްޔާރުކުރާ "ކެރަމަލް ޓްވިސްޓް ކްރޮއިސަންޓް" އަކީ ކޮންމެހެންވެސް ރަހަބަލާލަންޖެހޭ މީރު ބުއިމެކެވެ.
ރިފްރެޝަރ މިކްސް: ފަސޭހަކަމާއެކު ތައްޔާރުކޮށްލެވޭ ތާޒާ މޭވާގެ ބުއިންތައް
މިއީ އެއްވެސް ހާއްސަ މެޝިނަކާ ނުލައި، އެންމެ ފިޔަވަޅަކުން ފިނި ބުއިންތައް ތައްޔާރުކޮށްލުމަށް ޚާއްސަ އުފެއްދުމެކެވެ. އައިސް ނުވަތަ ސްޕާކްލިންގ ވޯޓަރއާ އެއްކޮށްލައިގެން، ނުވަތަ ތާޒާ މޭވާއާއި ފަތްޕިލާވެލި އަޅައިގެން ބޭނުންކުރެވޭ މި މިކްސްގެ ހަތަރު ރަހައެއް ލިބެން ހުރެއެވެ.
- ޑްރެގަން ފްރުޓް އެންޑް ލައިމް
- ސްޓްރޯބެރީ އެންޑް އަކާއީ
- މެންގޯ އެންޑް ޕެޝަން ފްރުޓް
- ވޯޓަރމެލަން، ކިއުކަމްބަރ އެންޑް މިންޓް
މިއިން ކޮންމެ ބާވަތެއްގައިވެސް 20 ޕަސެންޓު މޭވާގެ ދިޔަ (ޖޫސް) ހިމެނެ އެވެ. އާޓިފިޝަލް ޕްރިޒަވޭޓިވްސް ނުހިމެނޭ މި އުފެއްދުމުގައި ހަކުރުގެ ގޮތުގައި ކޭން ޝުގަރ އަދި ސްޓީވިއާ ބޭނުންކޮށްފައިވާއިރު، ގުދުރަތީ ކެފެއިންގެ ގޮތުގައި ގްރީން ކޮފީ ބީން އެކްސްޓްރެކްޓް ހިމަނާފައިވެއެވެ. މީގެ އިތުރުން، މިއީ ތިމާވެއްޓާ ރައްޓެހި އުފެއްދުމެކެވެ؛ މީގެ ފުޅިތައް ތައްޔާރުކޮށްފައިވަނީ 78 ޕަސެންޓު ރީސައިކަލް މެޓީރިއަލް ބޭނުންކޮށްގެންނެވެ.
މެނޫތައް މުއްސަނދިކޮށްލުމަށް ރަނގަޅު ފުރުސަތެއް
މި އައު ދެ އުފެއްދުމަކީ ކެފޭތަކާއި، ރެސްޓޯރެންޓުތަކުގެ އިތުރުން ފަތުރުވެރިކަމުގެ ދާއިރާގައި ހަރަކާތްތެރިވާ ފަރާތްތަކަށް، އެތަންތަނުގެ މެނޫތައް އިތުރަށް މުއްސަނދިކޮށްލުމަށް ލިބޭނެ ވަރަށް ފުރިހަމަ ފުރުސަތެކެވެ. ފްރެންޗް ޕެޓިސަރީއާއި ރިފްރެޝަރ މިކްސްގެ ހުރިހާ ރަހަތަކެއްވެސް މިހާރު ޔޫރޯ ސްޓޯރުތަކުން ގަންނަން ލިބެން ހުންނާނެއެވެ.
