ދެވަނަ ބޮޑު ހަނގުރާމައަށް ފަހު އިޓަލީވިލާތް އާ އުންމީދުތަކަކާއެކު މުސްތަގުބަލާ ކުރިމަތިލަމުންދިޔަ ދުވަސްވަރެވެ. 1946 ވަނަ އަހަރު، ޓަސްކަނީއަށް ނިސްބަތްވާ ރެސްޓޯރަންޓް ވެރިއަކު އޭނާގެ އާއިލާއާއެކު މިލާނަށް ހިޖުރަކޮށް، ފޮނިކާތަކެތި ތައްޔާރުކުރާ ކުޑަ ފިހާރައެއް ހުޅުވި އެވެ. އެއީ އެޓީލިއޯ ބިންޑީ އެވެ. އޭނާގެ ބޮލުގައި އޮތީ ސާފު، ސަރީހަ ވިސްނުމެކެވެ: ރެސްޓޯރަންޓްތަކަށް ބޭނުންވާނެ އެންމެ މަތީ ފަންތީގެ ފޮނިކާތަކެތި ތައްޔާރުކޮށް ފޯރުކޮށްދިނުމެވެ.
މި ކުޑަ ފިހާރަ މަޑުމަޑުން ފުޅާވެ، ބޮޑު ފެކްޓްރީއަކަށް ބަދަލުވިއެވެ. ބިންޑީ މަޝްހޫރުވެގެންދިޔައީ އޭގެ ކުރިން އިޓަލީއަށްވެސް ނުފެންނަ ފަދަ މީރު، ކޮލިޓީ ކޭކުތަކާއި ފޮނިކާތަކެތި އުފެއްދުމަށެވެ. އެދުވަސްތަކުން ފެށިގެން މިއަދާ ހަމައަށް ބިންޑީގެ ބްރޭންޑް ވަނީ ދުނިޔޭގެ ފެންވަރުގައި ބޮޑު ކުރިއެރުމެއް ހޯދާފައެވެ.
މި މޮޅި، މީރު އުފެއްދުން، ރާއްޖޭގައި މަތީ ފަންތީގެ ކާބޯތަކެތީގެ ބްރޭންޑްތައް ފުޅާދާއިރާއެއްގައި ފޯރުކޮށްދޭ ޔޫރޯ މާކެޓިން އިން ވަނީ ރާއްޖެއަށް ތައާރަފުކޮށްފަ އެވެ.
ވޭތުވެދިޔަ އަށްޑިހަ ވަރަކަށް އަހަރު ދުވަހު އިޓަލީގެ ފޮނިކާތަކެތި ތައްޔާރުކުރުމުގެ ފަންނުވެރިކަން އެންމެ މަތީ ފަންތިއަށް ތަރައްގީކޮށް، ރެސްޓޯރަންޓް ފެންވަރުގެ މީރު ފޮނިކާތަކެތި ކޮންމެ ސުފުރާއަކަށްވެސް ގެނެސްދިނުމަށް މަސައްކަތްކުރާ ބިންޑީގެ ކޮންމެ އުފެއްދުމަކީވެސް އިޓަލީގެ ސަގާފީ ފޮނިކާތަކެތި ތައްޔާރުކުރުމުގެ މުއްސަނދި އުސޫލުތަކުގެ މައްޗަށް ބިނާކޮށް، އެންމެ ފުރިހަމަ ފެންވަރުގައި ތައްޔާރުކޮށްފައިވާ އުފެއްދުންތަކެކެވެ.
ޔޫރޯ ސްޓޯރުން މިހާރު ލިބެން ހުރި ބިންޑީގެ އުފެއްދުންތަކުގެ ތެރޭގައި ތަފާތު އެކި ބާވަތްތަކުގެ ކޭކު، ސޫފްލޭ، ކްރީމް ޕަފް އަދި ވަކިވަކި ތަށީގައި ހުންނަ ޑެސާޓް ކަޕްތައް ހިމެނެއެވެ. އޭގެ ތެރޭގައި ހިމެނެނީ:
- ތިރާމިސޫ ލޭޔާ ކޭކް: ކޮފީގެ ރަހަ ލައްވާފައިވާ މަޑު ސްޕޮންޖް ކޭކެއްގެ މަތީގައި މަސްކަޕޯން ކްރީމާއި ކްރަންޗީ މިލްކް ޗޮކްލެޓް ޗިޕްސް ހިމެނޭ ތަފާތު ރަހައެއް.
- ޗޮކްލެޓް ޓެމްޕްޓޭޝަން: އިކުއެޑޯގެ އެންމެ މަތީ ފަންތީގެ ކޮކޯ ބޭނުންކޮށްގެން ތައްޔާރުކޮށްފައިވާ، ޗޮކްލެޓަށް ލޯބިކުރާ ފަރާތްތަކަށް ހާއްސަ ކޭކެއް.
- މީރު ސޫފްލޭތައް: އެތެރޭގައި ދިޔާ ޗޮކްލެޓް ހުންނަ ޗޮކްލެޓް ސޫފްލޭ، ދިޔާ ޕިސްޓާޗިއޯ އާއެކު ތައްޔާރުކޮށްފައިވާ ޕިސްޓާޗިއޯ ސޫފްލޭ އަދި އިކުއެޑޯގެ ކޮކޯ ބޭނުންކޮށްގެން ތައްޔާރުކޮށްފައިވާ ޑާކް އެންޑް ވައިޓް ޗޮކްލެޓް ސޫފްލޭ.
- ޑެޒާޓް ކަޕް: ސިސިލީގެ ޕިސްޓާޗިއޯ ބޭނުންކޮށްގެން ތައްޔާރުކޮށްފައިވާ ސިސިލިއަން ޕިސްޓާޗިއޯ ޑެޒާޓް ކަޕް އަދި މަސްކަޕޯން އެންޑް ސްޓްރޯބެރީ ކަޕް.
މި އުފެއްދުންތަކަކީ އާންމު ކަސްޓަމަރުންގެ އިތުރުން، އެ ބޭފުޅުންގެ މެނޫތަކަށް އިޓަލީގެ އަސްލު ރަހަތައް ގެންނަން ބޭނުންވާ ފަތުރުވެރިކަމުގެ ދާއިރާގެ ރިސޯޓް އަދި ރެސްޓޯރަންޓްތަކުގެ ފަންނީ ބޭފުޅުންނަށްވެސް ވަރަށް އެކަށީގެންވާ ފުރިހަމަ އުފެއްދުންތަކެކެވެ.
ޔޫރޯ ސްޓޯރަށް ޒިޔާރަތްކުރައްވައި، ބިންޑީގެ މި ފުރިހަމަ ބާވަތްތައް ބައްލަވާލައްވައި، އިޓަލީގެ މުއްސަނދި ފޮނި ރަހަ ތަޖުރިބާކޮށްލެއްވުމަށް ޔޫރޯ މާކެޓިންގްއިން ދައުވަތު އަރުވައެވެ.
