1869 ވަނަ އަހަރު ސުއޭޒް ކެނާލު ހުޅުވައި، ދުނިޔޭގެ ކަނޑުގެ ދަތުރުފަތުރަށް ބޮޑު ބަދަލެއް އައުމުގެ މާ ކުރިން، އިންޑިއާ ކަނޑަކީ އިންސާނިއްޔަތު ދުށް އެންމެ ގަދީމީ އަދި އެންމެ ފުޅާ އެއް ކަނޑުގެ މަގެވެ. ބެންގޯލް އަދި އިންޑިއާ ކަނޑުގެ މޫސުމީ ވަޔާއެކު ދަތުރުކުރި މާލިމީން، އެ ޒަމާނުގެ އަރަބި އަދި ފާރިސީ ޗާޓުކުރުންތެރިން "ބަޙްރު އަލްޒަންޖު" (ކަޅުކުލައިގެ މީހުންގެ ކަނޑު) ގެ ނަމުން ނަންދީފައިވާ މި ކަނޑުގެ ސަރަހައްދުގައި ދަތުރުފަތުރު ކުރިއެވެ. މި މަގުގެ މެދުގައި އޮތީ، އަޑިއަށް ގޮސްފައިވާ އަލިފާންފަރުބަދަތަކެއްގެ މަތީގައި އުފެދިފައިވާ ފަރުތަކުން އެކުލެވޭ ހިމޭން ވެހިރާއްޖެއެވެ. އެކަހެރި ސަރަހައްދެއްގެ ގޮތުގައި އޮތުމުގެ ބަދަލުގައި، ދިވެހިރާއްޖެއަކީ އިރުމަތިން ޖާވާއާއި މެލޭ ރަށްތަކުން ފެށިގެން، ހުޅަނގުން މަޑަގަސްކަރައާއި، އަރަބިބަހުން "އަލްޖަޒީރާ އަލްޚަޟްރާ" (ފެހި ރަށް) ގެ ނަމުން ނަންދެވިފައިވާ ޕެމްބާ އައިލެންޑާ ހަމައަށް ގުޅުވައިދިން މުހިންމު ސަރަހައްދެކެވެ.
މި ކަނޑުގެ މަގުގެ ސަބަބުން އިންޑިއާ ކަނޑުގެ މެދުތެރެއާއި ހުޅަނގުގެ ސަރަހައްދުތަކުގެ މެދުގައި ސަގާފީ އަދި އިޖުތިމާއީ ބޮޑެތި ގުޅުންތަކެއް އުފެދުނެވެ. މިގުޅުމުގެ މެދުގައިވަނީ އިރުމަތީ އެފްރިކާގެ އައްސޭރިފަށުގެ ސަގާފަތްތަކުން ފެންނަން ހުރި ވަދީބާ (ނުވަތަ މަދީބާ) ނަމަކަށް ކިޔާ ކަނޑުދަތުރުވެރި މީހުންނެވެ. 1939 ވަނަ އަހަރު ޗާލްސް ސެކްލޫކްސް ލިޔުއްވި "ސްވާހިލީ-ފްރެންޗް ޑިކްޝަނަރީ" ގައި ބަޔާންކޮށްފައިވާ ގޮތުގައި، "މަދީބާ" މިއީ ދިވެހިރާއްޖޭގެ ވަޒަންވެރިންނަށް ކިޔާ ނަމެކެވެ.
މި ބަސް އުފެދިފައިވަނީ ސަންސްކްރިޓް ބަހުގެ "ދްވީޕާ" (ރަށް) މި ބަހުންނެވެ. ވަދީބާ މީހުން ހުޅަނގަށް ދަތުރުކޮށް އިރުމަތީ އެފްރިކާގެ އައްސޭރިފަށުގައި،ޚާއްޞަކޮށް ޕެމްބާ އައިލެންޑްގައި،ވަޒަންވެރިވިިއިރު، އެމީހުން ވަނީ ދިރިއުޅުމަށް ބޭނުންވާނެ އަދި ރޯދި ހޯދާނެ ގިނަ ވަސީލަތާ އުކުޅުތަކެއް އެރަށަށް ތައާރަފުކޮށްފައެވެ. މި ސަގާފީ ތަރިކަ މިއަދުވެސް ހަތަރު މުހިންމު ކަމަކުން ފެންނަން އެބަހުއްޓެވެ. އެއީ ރުއްއެރުމާއި ކާށީގެ ބޭނުންކުރުން، އުވަދަވައިގެން ގެދޮރު އިމާރާތްކުރުން، ދިވެހި ރާގުތަކަށް ރައިވަރު ކިއުމާއި ޒިކުރުކުރުން، އަދި އޮޑިދޯނިފަހަރު ބަނުމުގެ ހުނަރެވެ.
1. ކާށިރުކާއި "ދިރިއުޅުމުގެ ގަސް"
ޕެމްބާ އައިލެންޑާއި ދިވެހިރާއްޖޭގައިވެސް، ރުކަކީ ދިރިއުޅުމަށް އެންމެ މުހިންމު އެކައްޗެވެ. ދެ ސަރަހައްދުގެ ތިމާވެށީގެ އެއްގޮތްކަމުގެ ސަބަބުން، ރުކުގެ ބޭނުންކުރުމުގައި އެއްގޮތް އުސޫލުތަކެއް ގެންގުޅެއެވެ:
ފަންވިޔުން: ރަށްރަށުގެ ގޭގޭގެ ފުރާޅުތައް އެޅުމަށާއި، ތަކެތި އުފުލުމަށް ބޭނުންކުރާ ވަށި ހެދުމަށް ރުކުފަތި އަދި ފަންވިޔެގެން ބޭނުންކުރިއެވެ.
ރޯނުވެށުން: ބޮނބި ކާށިކުނބުޅި ފެނުލައި، ތަޅައި، އަތުން ރޯނުވެށުމުގެ ހުނަރު ދެ ސަރަހައްދުގެ މީހުންވެސް ހޯދިއެވެ. މިއީ އިމާރާތްކުރުމަށާއި ކަނޑުދަތުރުކުރާ އޮޑިދޯނިފަހަރު ބަނުމަށް އަދި ލޮތާރި އެޅުމަށް ބޭނުންކުރި ލޮނުގެ އަސަރުން ހަލާކުނުވާ ވަރުގަދަ ވާވެލާ ވެލީގެ ވަސީލަތެކެވެ.
އުވަވަޅު ރޯކޮށްގެން އުވަދެވުން : ހިރިޔާއި އަކިރި މުރަކަ އަންދައިގެން އުވަ (Quicklime) އުފައްދައި، ދެން އެއަށް ވެއްޔާއި ފެން އަޅައިގެން ގަށާ ހުނި (Lime Mortar) ތައްޔާރުކުރިއެވެ. މިއީ ހޫނުގަދަ މޫސުމުގައި ގޭގޭގެ އެތެރެއަށް ފިނިކަން ގެނެސްދޭ، މެޓީރިއަލްއެކެވެ.
3. ރައިވަރާއި ޒިކުރުކުރުމުގެ އަޑުތައް
ކަނޑުދަތުރުވެރިން ކަނޑުމަތީގައި ވަގުތު ހޭދަކުރުމަށާއި، ވަލަށް ވަނުމާއި ރައްކާތެރިކަމަށް އެދި ކިޔައިއުޅުނު ސަގާފީ ލަވަތަކާއި އިސްލާމީ ދީނީ ޒިކުރުތަކުގެ މެދުގައި ބޮޑު ގުޅުމެއްވެއެވެ:
ރައިވަރު: ދިވެހިރާއްޖޭގެ ރައިވަރަކީ އަޑަށް ވަކިގޮތްތަކެއް ހަދައިގެން، ވަކި ހަމައަކުން ކިޔާ ގަދީމީ ޅެންވެރިކަމުގެ ބަޔެކެވެ. މަސްވެރިން ކަނޑުމަތީގައި އަދި ރުކާއި ވަލުތެރޭގައި ވަގުތު ހޭދަކުރުމަށާއި ސަލާމަތަށް އެދި ރައިވަރު ކިޔައިއުޅުނެވެ.
ޕެމްބާގެ ސޫފީ ޒިކުރުތައް: ޕެމްބާ އައިލެންޑްގައިވެސް ކަނޑުދަތުރުވެރިންގެ ފަރާތުން އައިސްފައިވާ، ވަކި ރިދަމަކަށް ކިޔާ ދީނީ ޒިކުރުތައް އޮވެއެވެ. ރައިވަރާއި އިރުމަތީ އެފްރިކާގެ އައްސޭރިފަށުގެ މި ޒިކުރުތަކުގައި، ކަނޑުގެ ނުރައްކާތަކާއި، އެކަނިވެރިކަމާއި، ރައްކާތެރިކަމުގެ މައުޟޫޢުތަކަށް ނޭފަތުން އަޑުނެރެގެން ކިޔާ ވަކި ޚާއްޞަ ގޮތްތަކެއް ހުރެއެވެ.
4. އޮޑިދޯނިފަހަރު ބަނުމުގެ ހުނަރު
ވަދީބާ/ދިވެހިންނާއި ޕެމްބާގެ މީހުންގެ މެދުގައި އޮތް އެންމެ ބޮޑު އެއް ގުޅުމަކީ އޮޑިދޯނިފަހަރު ބަނުމުގެ ފަންނުވެރިކަމެވެ:
ކަނޑުގެ މަގުގެ ތަރިކަ
ޕެމްބާ އައިލެންޑާއި ދިވެހިރާއްޖެއާ ދެމެދު އޮތް ތާރީޚީ ގުޅުމުން އެނގިގެންދަނީ، ގަދީމީ އިންޑިއާ ކަނޑަކީ ގުޅުން ބުރޫއަރާފައިވާ ފުޅާ ސަރަހައްދެއް ނޫންކަމެވެ.
މޫސުމީ ވަޔާއެކު ދަތުރުކުރި ވަދީބާ މީހުން (ޒަންޖިބާރު ޒަމާނު ދިވެހިން) ފަދަ ކަނޑުދަތުރުވެރިންގެ ސަބަބުން، ދިރިއުޅުމުގެ ވަސީލަތްތަކާއި، އިމާރާތްކުރުމުގެ ހުނަރާއި، މަސައްކަތުގެ ސަގާފަތްތައް އެތައް ހާސް މޭލެއްގެ ދުރަށް ފެތުރިގެންދިޔައެވެ. މިއަދުވެސް ޕެމްބާއާއި ދިވެހިރާއްޖޭގެ ސަގާފަތުން ފެންނަން އެހުރީ، މި ކަނޑުގެ މަގުން ގުޅުވާލަދިން އިިންސާނީ ދިރިއުޅުމުގެ ވަރުގަދަ ނިޝާންތަކެވެ.
