އެމްޑީޕީ ގައުމީ މަޖިލިސް އިންތިހާބު ކުރިއަށްދާނެ ގޮތުގެ ޓައިމްލައިން އާންމުކޮށްފި

އޮކްޓޯބަރު 3، 2026: އެމްޑީޕީގެ ފަސްވަނަ ކޮންގްރެސްގެ ތެރެއިން --- ފޮޓޯ: މުހައްމަދު ޝާބިން

އޮކްޓޯބަރު 3، 2026: އެމްޑީޕީގެ ފަސްވަނަ ކޮންގްރެސްގެ ތެރެއިން --- ފޮޓޯ: މުހައްމަދު ޝާބިން

އިދިކޮޅު އެމްޑީޕީން އަންނަ ނޮވެމްބަރު 27، ގައި ބާއްވާ އެ ޕާޓީގެ ގައުމީ މަޖިލިސް އިންތިހާބު ކުރިއަށްދާނެ ގޮތުގެ ޓައިމްލައިން މިއަދު އާންމުކޮށްފި އެވެ. 

ގައުމީ މަޖިލިސް އިންތިހާބުގެ ޓައިމްލައިނުގައިވާ ގޮތުން އިންތިހާބަށް ކުރިމަތިލުމުގެ ފުރުސަތު އޮކްޓޯބަރު 10، ގައި ހުޅުވާލާއިރު، އޭގެ ތިން ދުވަސް ފަހުން މާލޭގައި ވޯޓުލާ މަރުކަޒުގައި އޮފިޝަލުން ނަން ހުށަހެޅުމަށް ހުޅުވާލަ އެވެ. 

މި އިންތިހާބުގައި ވޯޓުލުމުގެ ހައްގު ލިބޭ ގޮތަށް ޕާޓީގެ މެންބަރަކަށްވުމުގެ ސުންގަޑިއަކަށް ކަނޑައަޅާފައިވަނީ އޮކްޓޯބަރު 20، ގެ 14:00 ޖަހަންދެންނެވެ. 

އެއަށްފަހު އޮކްޓޯބަރު 22، ގައި މެންބަރުންގެ ދަފްތަރު އާންމުކޮށް، އާންމުކުރެވުނު ދަފްތަރަށް ޝަކުވާ ހުށަހެޅުމަށް ހުޅުވާލަން ވަނީ ހަމަޖެހިފަ އެވެ. މެންބަރުންގެ ދަފްތަރަށް ޝަކުވާ ހުށަހެޅުމުގެ ސުންގަޑިއަކީ އޮކްޓޯބަރު 25، އެވެ. 

އިންތިހާބަށް ކުރިމަތިލުމަށް ނަން ހުށަހެޅުމުގެ ސުންގަޑިއަކަށް އޮކްޓޯބަރު 25، ގެ 14:00 އަށް ކަނޑާއަޅާފައިވާއިރު، މެންބަރުންގެ ދަފްތަރަށް ޝަކުވާ ހުށަހެޅުމުގެ ސުންގަޑިއަކީވެސް އެއީ އެވެ. އޭގެއިތުރުން ކުރިމަތިލި ކެންޑިޑޭޓުންގެ ލިސްޓު އާންމުކޮށް ޝަކުވާ ހުށަހަޅަން އެއް ދުވަހުގެ މުއްދަތެއް އޮކްޓޯބަރު 27، ގައި ދިނުމަށް ވަނީ ހަމަޖެހިފަ އެވެ.

އޮކްޓޯބަރު 27، ގައި ރީ-ރަޖިސްޓްރޭޝަނަށް ހުޅުވާލަން ވަނީ ހަމަޖެހިފަ އެވެ. އެ ފުރުސަތު ހަމަވާނެ ކަމަށް ކަނޑައަޅާފައިވަނީ ނޮވެމްބަރު 6، ގެ 14:00 ޖަހާއިރެވެ. އެއަށްފަހު ރ_ރަޖިސްޓްރޭޝަން ލިސްޓަށް ޝަކުވާ ހުށަހެޅުމުގެ ފުރުސަތުގެ ސުންގަޑިއަކަށް ކަނޑައެޅީ ނޮވެމްބަރު ނޮވެމްބަރު 12، އެވެ. 

ކެންޑިޑޭޓުންގެ މަންދޫބުންގެ ނަން ހުށަހެޅުމުގެ ފުރުސަތު އޮކްޓޯބަރު 29، ގައި ދީ، އެ ފުރުސަތު ނޮވެމްބަރު 8، ގެ 14:00 ޖަހާއިރު ބަންދުވެ އެވެ. ދާއިމީ ވޯޓާސް ލިސްޓު ނޮވެމްބަރު 14، ގައި ހާމަކޮށް، ވޯޓުފޮށި ބަހައްޓާނެ ތަންތަން ނޮވެމްބަރު 23، ގައި އާންމުކުރެ އެވެ. 

މީގެއިތުރުން ނޮވެމްބަރު 27، ގައި އިންތިހާބުގައި ވޯޓުލުން މެންދުރު 14:30 އިން ރޭގަނޑު 20:30 އަށް ކުރިއަށްގެންގޮސް ވަގުތީ ނަތީޖާ އިއުލާންކުރަން ވަނީ ރާވާފަ އެވެ. އެއަށްފަހު ނޮވެމްބަރު 30، ގައި އިންތިހާބުގެ ދާއިމީ ނަތީޖާ އިއުލާން ވަނީ ހަމަޖެހިފަ އެވެ. 

އެމްޑީޕީން ނޮވެމްބަރު 27، ގައި ބާއްވާ ގައުމީ މަޖިލިސް އިންތިހާބަކީ އެ ޕާޓީން އަސާސީ ގަވާއިދަށް ގެނައި ބޮޑެތި ބަދަލުތަކަށްފަހު ބާއްވާ ފުރަތަމަ އިންތިހާބެވެ. 

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox