މި އުޅެނީ މުއިއްޒު ނޫން ގޮތެއް ހޯދާކަށް ނޫން، ހާސްކަމެއް ނެތް ދިރިއުޅުމެއް ހޯދަން: ފައްޔާޒް

އެމްޑީޕީގެ ކުރީގެ ޗެއާޕާސަން ފައްޔާޒް އިސްމާއިލް: އޭނާ ވިދާޅުވީ އެމްޑީޕީން ބޮޑުބަދަލުގައި ހުރި އިސްލާހުތައް ގެނެސް، ޒުވާނުންނަށް އަލުން އުންމީދު ގެނެސްދޭނެ ކަމަށް -- ފޮޓޯ: އެމްޑީޕީ

އެމްޑީޕީގެ ކުރީގެ ޗެއާޕާސަން ފައްޔާޒް އިސްމާއިލް: އޭނާ ވިދާޅުވީ އެމްޑީޕީން ބޮޑުބަދަލުގައި ހުރި އިސްލާހުތައް ގެނެސް، ޒުވާނުންނަށް އަލުން އުންމީދު ގެނެސްދޭނެ ކަމަށް -- ފޮޓޯ: އެމްޑީޕީ

ރައީސް މުހައްމަދު މުއިއްޒު ނޫން ގޮތެއް ހޯދުމުގެ ބަދަލުގައި ބޭނުންވަނީ ހާސްކަމެއް ނެތް ދިރިއުޅުމެއް ރައްޔިތުންނަށް ހޯދައިދޭން ކަމަށް އިދިކޮޅު އެމްޑީޕީގެ ކުރީގެ ޗެއާޕާސަން ފައްޔާޒް އިސްމާއިލް ރޭ ވިދާޅުވެއްޖެ އެވެ. 

އެމްޑީޕީގެ ކޮންގްރެސް ނިންމުމުގެ ޖަލްސާގައި ފައްޔާޒް ވިދާޅުވީ 2028 ވަނަ އަހަރުގެ ރިޔާސީ އިންތިހާބު އެމްޑީޕީން ކާމިޔާބުކޮށް ބޮޑު ބަދަލުގައި ހުރި ބަދަލުތައް ގެނެސް، ޒުވާނުންނަށް ގައުމާ ދޭތެރޭގައި އަލުން އުންމީދު އުފުލައިދޭނެ ކަމަށެވެ. 

"އަޅުގަނޑުމެން އިރާދަކުރެއްވިއްޔާ މިއުޅެނީ މުއިއްޒު ނޫން ގޮތެއް ހޯދާކަށްވެސް ނޫން. އެމްޑީޕީގެ ވެރިކަމެއް ގެންނާކަށްވެސް ނޫން. އަޅުގަނޑުމެން މިއުޅެނީ ދިވެހި ރައްޔިތުންނަށް ހައްގު، ދިވެހި ރައްޔިތުންނަށް އަދުލު އިންސާފު ލިބޭނެ، ދިވެހި ރައްޔިތުންނަށް ފިކުރު ވިސްނުމެއް، ސްޓްރެސްއެއް ނެތް ދިރިއުޅުމެއް ހޯދަން،" ފައްޔާޒް ވިދާޅުވި އެވެ. 

"އިރާދަފުޅުކުރެއްވިއްޔާ 2028 އަޅުގަނޑުމެން ކާމިޔާބުކުރާނަން. ބޮޑުބަދަލުގެ މިހިރަ ބަދަލުތައް ގެނެސް އަޅުގަނޑުމެންގެ ޒުވާނުންނަށް މި ގައުމާ ދޭތެރޭގައި އަލުން އުންމީދު އަޅުގަނޑުމެން އުފުލާނަން."

ފައްޔާޒް ވިދާޅުވީ ހުދުމުހުތާރު ވެރިކަމާއި އަނިޔާވެރިކަމާއި ދިވެހި ރައްޔިތުންނާ ދެމެދު އޮންނަ އައްޑަނައަކީ އަބަދުވެސް އެމްޑީޕީ ކަމަށާއި ދެން އޮންނާނީވެސް އެމްޑީޕީ ކަމަށެވެ. އޭނާ ވިދާޅުވީ ދިވެހި ރައްޔިތުންނަށް އަނިޔާދީ، ގައުމު ހަލާކުކޮށްލާއިރު އެމްޑީޕީ ފަހަތަށް ނުޖެހޭ ކަމަށެވެ. 

ރާއްޖޭގެ ވެރިކަމާ ހަވާލުވާން ޖެހޭނީ ރައްޔިތުންނަށް ހާދިމުކަން ކުރަންޖެހޭ މީހެއްކަން ފާހަގަކުރައްވާ ފައްޔާޒް ވިދާޅުވީ އަބަދުވެސް ހުރިހާ ކަމެއް ގޯސްވަނީ ވެރިމީހާއަށް ކުރުނީސްކޮށް އޭނާ މާ ބޮޑު މީހަކަށް ހަދާ ހިސާބުން ކަމަށެވެ. އެގޮތުން އެކަން ސިކުނޑިތަކުން ނައްތާލަން ޖެހޭ ކަމަށް އޭނާ ވިދާޅުވި އެވެ. 

އެމްޑީޕީގެ ކޮންގްރެސްގައި އިއްޔެ ވަނީ ނިޒާމު ބަދަލު ކުރުމުގެ މަސައްކަތް ކުރަން ފާސްކޮށްފަ އެވެ. "ބޮޑު ބަދަލު" ގެ ނަމުގައި އެ ކަރުދާސް ހުށަހެޅުއްވީ ފައްޔާޒް އެވެ. 

އެ ކަރުދާހުގައި ހިމެނޭ އެންމެ ބޮޑު ބަދަލަކީ، ދައުލަތުގެ ވެރިޔަކާއި ސަރުކާރުގެ ވެރިޔަކު އިންތިހާބު ކުރުމެވެ. އެ ކަރުދާހުގައިވާ ގޮތުން، ސަރުކާރުގެ ވެރިޔާ އިންތިހާބު ކުރާނީ ރައްޔިތުންގެ ސީދާ ވޯޓަކުންނެވެ. އަދި ދައުލަތުގެ ވެރިޔާ އިންތިހާބު ކުރާނީ މަޖިލީހާއި ކައުންސިލްތަކުން ނަގާ ވޯޓަކުންނެވެ. 

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox