ސޮފްވާން ފްރޭމްކޮށްފައެއް ނުވާނެ، ފިޔަވަޅު އެޅީ އުސޫލާ އެއްގޮތަށް: ވޮލީބޯލް އެސޯސިއޭޝަން

Oct 7, 2026, 2:46 PM
ވީއޭއެމްގެ ރައީސް މުހައްމަދު ލަތީފް، އެ އެސޯސިއޭޝަންގެ ކޮންގްރެސްއެއްގެ ތެރެއިން.--- ފޮޓޯ: އަދަދު ސްޕޯޓްސް

ވީއޭއެމްގެ ރައީސް މުހައްމަދު ލަތީފް، އެ އެސޯސިއޭޝަންގެ ކޮންގްރެސްއެއްގެ ތެރެއިން.--- ފޮޓޯ: އަދަދު ސްޕޯޓްސް

ވޮލީބޯލް އެސޯސިއޭޝަން އޮފް މޯލްޑިވްސް (ވީއޭއެމް) ހިންގާ ކޮމިޓީގެ މަގާމުން ވަކިކޮށް، މުޅި އުމުރަށް ސަސްޕެންޑްކޮށްފައި ހުރި ވޮލީބޯޅަ ކޯޗު، ސޮފްވާން އަހުމަދުގެ މައްސަލައިގައި، އޭނާ ކުރާ ތުހުމަތުތައް އިންކާރުކޮށް، ވީއޭއެމް އިން ބަޔާނެއް ނެރެފި އެވެ. 

ޖުމްލަ ގޮތެއްގައި، އެ ބަޔާނުގައި ވީއޭއެމް އިން ފާހަގަކޮށްފައިވާ ގޮތުގައި، އެސޯސިއޭޝަނުން ސޮފްވާންއާ މެދު ފިޔަވަޅު އެޅިއިރު، އޭނާ ފްރޭމް ކުރުމަށްޓަކައި އެއްވެސް ކަމެއް ކޮށްފައިނުވާ ކަމަށް އެސޯސިއޭޝަނުން ވަނީ ތަކުރާރުކޮށް ފާހަގަކޮށްފަ އެވެ. އަދި، ދިމާވި މައްސަލަަތަކަށް ބަލައި، ސޮފްވާން އަށް ފިޔަވަޅު އެޅުމަށްޓަކައި، ވީއޭއެމް އިން އަމަލުކޮށްފައިވަނީ ހެދިފައި އޮތް އުސޫލުތަކާ އެއްގޮތަށް ކަމަށް ވެސް ވީއޭއެމް އިން ނެރުނު، ފަސް ސޮފްހާގެ ބަޔާނުގައިވެ އެވެ. 

ޖިންސީ ގޯނާ ކުރުމުގެ ތުހުމަތުތަކެއް އަމާޒުވެފައިވާ ސޮފްވާން، ވީއޭއެމްގެ ހިންގާ ކޮމިޓީގެ މެމްބަރު ކަމުން ވަކިކޮށް، އޭނާގެ މައްޗަށް ގިނަ ފިޔަވަޅުތަކެއް އެޅި އެވެ.

ފުރަތަމަ ފަސް އަހަރަށް ދިން ސަސްޕެންޝަން ބޮޑުކުރަން ނިންމައި އެކަން، ވީއޭއެމްގެ އަހަރީ އާންމު ޖަލްސާގައި ވަނީ ފާސްކޮށްފަ އެވެ. އެއީ، އުމުރަށް ސަސްޕެންޑްކުރުމުގެ އިތުރުން ވީއޭއެމްގެ ބައިވެރިވުން އޮންނަ ހުރިހާ މުބާރާތެއްގައި ސޮފްވާނަށް ބައިވެރިނުވެވޭ ގޮތަށް ދިން ސަސްޕެންޝަނެކެވެ. 

މިދިޔަ އަހަރުގެ ނޮވެމްބަރު 19 ވަނަ ދުވަހު ފުލުހަށް ހުށަހެޅި ސޮފްވާންގެ މައްސަލަ، ޖިނާއީ ދައުވާއެއް ކުރެވޭ ވަރަށް ހެކި ނެތުމުން މި މަހުގެ 17 ވަނަ ދުވަހު ވަނީ ފައިލްކޮށްފަ އެވެ. އޭގެ ފަހުން ސޮފްވާން ވަނީ، އަމިއްލަ ދިފާއުގައި ސޯޝަލް މީޑިއާގައި ވެސް ގިނަ ޕޯސްޓްތަކެއް ކުރުމުގެ އިތުރުން، މީޑިއާ އަށް ވެސް ބަޔާނެއް ދީފަ އެވެ. 

އުމުރަށް ސަސްޕެންޑްކޮށްފައި ހުރި ސޮފްވާންގެ ބޮޑެތި ތުހުމަތުތަކެއް ވޮލީބޯލް އެސޯސިއޭޝަނަށް

ޖިންސީ ގޯނާގެ ތުހުމަތުގައި ވީއޭއެމުން އުމުރަށް ސަސްޕެންޑްކުރި ސޮފްވާން އަހުމަދުގެ މައްސަލަ ފުލުހުން ފައިލްކުރުމާ ގުޅިގެން، އޭނާ ވަނީ އެ އެސޯސިއޭޝަނަށް ބޮޑެތި ތުހުމަތުތަކެއް ކޮށްފައި. ސޮފްވާން ބުނާގޮތުގައި އޭނާ ސަސްޕެންޑްކުރީ ޒާތީ ހަސަދަވެރިކަމެއްގައި ގަވާއިދާ ހިލާފަށް އުފެއްދި ކޮމިޓީއަކުން، ޖަވާބުދާރީވާން ފުރުސަތު ނުދީ އޭނާ "ފްރޭމް" ކުރުމަށް ފަހު،

ވީއޭއެމް އިން މިއަދު ބަޔާނެއް ނެރުމަށް ދިމާވި އެންމެ ބޮޑު ސަބަބަކީ، ސޮފްވާން ދައްކަމުން އަންނަ ހަގީގަތާ ހިލާފު ވާހަކަތަކުގެ ސަބަބުން ރާއްޖޭގެ ވޮލީބޯޅައިގެ މަސްލަހަތު ގެއްލޭ ގިނަ ކަންތައްތަކެއް ކުރިމަތިވަމުން އަންނާތީވެ، ކަން ހިނގައިދިޔަ ގޮތް ތަފްސީލީ ގޮތެއްގައި ކިޔައިދިނުމަށްޓަކަ އެވެ. 

އެ ގޮތުން، ވީއޭއެމް އިން ވަނީ، ވޮލީބޯލް އެސޯސިއޭޝަންގެ އެއްވެސް މެމްބަރެއްގެ ނުފޫޒު އޮވެގެން ސޮފްވާނަށް ފިޔަވަޅެއް އެޅި ކަމުގެ ތުހުމަތުތަކަށާއި ފްރޭމްކުރި ކަމަށް ބުނާ ކަންކަން ދޮގުކޮށްފަ އެވެ. 

ވީއޭއެމް އިން ކަންތައްތަކެއްކޮށް، ސޮފްވާން "ފްރޭމް" ކޮށްފައިވާކަމަށް ތަކުރާރުކޮށް އޭނާ ބުނަމުންގެންދާތީ، ހައްގު ގެއްލިފައިވާ ފަރާތެއްގެ ހައިސިއްޔަތުން، އެ މައްސަލަ ދައުލަތުގެ ކަމާބެހޭ ފަރާތަކަށް ހުށަހެޅުމަށް، މި ވީއޭއެމް އިން މަރުހަބާ ކިޔާ ކަމަށް އެ އެސޯސިއޭޝަނުން ވަނީ ބުނެފަ އެވެ. 

"ޞަފްވާން އަޙްމަދުގެ މައްޗަށް ތުހުމަތު ކުރެވުނު ޖިންސީ އަނިޔާގެ މައްސަލަ ނިންމައި، އޭނާގެ މައްޗަށް އިދާރީ ފިޔަވަޅު އެޅިތާ ގާތްގަނޑަކަށް އެއް އަހަރުވުމަށް ގާތްވެފައިވާއިރު، އޭނާ "ފްރޭމް" ކުރި މައްސަލައެއް ދައުލަތުގެ ކަމާބެހޭ ފަރާތަކަށް ޞަފްވާން އަޙްމަދު ހުށަހަޅާފައިނުވަނީ، ޞަފްވާން އަޙްމަދުގެ މައްޗަށް ތުހުމަތު ކުރެވުނު މައްސަލަ، މި އެސޯސިއޭޝަނުން އިދާރީގޮތުން ބަލައި، އަޅާފައިވާ އިދާރީ ފިޔަވަޅަކީ އިންސާފުވެރި ފިޔަވަޅެއްކަން، ޞަފްވާން އަޙްމަދު ވެސް ޤަބޫލުކުރާތީ ކަމަށް މި އެސޯސިއޭޝަނުން ދެކެމެވެ،" ވީއޭއެމްގެ ބަޔާނުގައިވެ އެވެ. 

ވީއޭއެމް އިން ބުނީ، ސޮފްވާންގެ އެކިއެކި މައްސަލަތައް މީގެ ކުރިން ވެސް އޮންނަ ކަމާއި ޖިންސީ އަނިޔާގެ މައްސަލަތައް މީގެ ކުރިން ބެލެވިފައި ނެތް ކަމުގައި ވިޔަސް ކުޅުންތެރިންގެ މި ފަދަ މައްސަލަތައް އެކި ކޯޗުންނަށް އެނގޭ ކަމަށެވެ. އަދި، ކުޅުންތެރިންގެ ފޮޓޯ ގެންގުޅޭ ކަމަށާއި، އެ ފަދަ ފޮޓޯ ގެންގުޅެނީ ބްލެކްމެއިލް ކުރަން ކަން ވެސް ވީއޭއެމްގެ ކޮންގްރެސްގައި ބައިވެރިވި މެމްބަރުން ފާހަގަކުރި ކަމަށް އެސޯސިއޭޝަންގެ ބަޔާނުގައިވެ އެވެ.

ރާއްޖޭގެ ވޮލީބޯޅަ ކުރިއަރުވައި ތަރައްގީ ކުރުމަށްޓަކައި، ވީއޭއެމް އިން ކުރާ މަސައްކަތްތަކާ ގުޅިގެން ސައްހަ ނޫން މައުލޫމާތު ފަތުރައި ކުޅުންތެރިންނާއި މެމްބަރުންނާއި މި އެސޯސިއޭޝަނާ ދެމެދު އޮތް ގުޅުމަށް ބުރޫއަރާ ގޮތަށް ހަގީގަތާ ހިލާފު ވާހަކަ ދެއްކުން ބަަލައިނުގަނެވޭ ކަމަށް ވީއޭއެމް އިން ވަނީ ބުނެފަ އެވެ. 

"މި އެސޯސިއޭޝަންގެ ތަސައްވުރު ކިލަނބު ކުރުމަށް އެއްވެސް ފަރާތަކުން މަސައްކަތްކުރާނަމަ، އެ ފަރާތެއްގެ މައްސަލަ، ދައުލަތުގެ ކަމާބެހޭ ފަރާތްތަކަށް ހުށަހަޅައި، އަޅަން ޖެހޭ އެންމެ ހަރުކަށި ފިޔަވަޅު އެޅުމަށް ގަސްދުކުރާ ވާހަކަ ވެސް މި ފުރުސަތުގައި ދެންނެވީމެވެ،" ވީއޭއެމްގެ ބަޔާން ނިންމާލަމުން ބުނެފައިވެ އެވެ. 

މީގެ ދެ އަހަރު ކުރިން، 2024 ވަނަ އަހަރުގެ އޮކްޓޫބަރު މަހު، ބޭއްވި އެކްސްޓްރާ އޯޑިނަރީ ކޮންގްރެސްއެއްގައި ވަނީ، ވީއޭއެމް އާއި އެ ތަނުގެ ވެރިންނާ މެދު ނަފްރަތު އުފައްދާ ފަރާތްތަކާ މެދު ފިޔަވަޅު އަޅާގޮތަށް ގަވާއިދެއް ފާސްކޮށްފަ އެވެ.

އެ ގޮތުން، އެކްސްޓްރާ އޯޑިނަރީ ކޮންގްރެސްގެ މައުލޫމާތު މީޑިއާ އަށް ހިއްސާކުރަން ނެރުނު ބަޔާނެއްގައި ބުނެފައިވަނީ، އެ ކޮންގްރެސްގެ އެޖެންޑާގެ "އެހެން ކަންތައްތައް" ބައިގެ ދަށުން ކްލަބް ވޮލީބޯލް އިން ވަނީ ހުށަހެޅުމެއް ހުށަހަޅާފައި ކަމަށެވެ. އެއީ، ވޮލީބޯލް އެސޯސިއޭޝަނާއި އެ އެސޯސިއޭޝަނުގެ ހިންގާ ކޮމިޓީގެ މެމްބަރުންނަށް އަމާޒުކޮށް ހަގީގަތާ ހިލާފު އަދި ބޭ އަދަބީ، މުޖުތަމައު ބަލައިނުގަންނަ ބަހުރުވަ ބޭނުންކޮށް ތަފާތު ވާހަކަތަކާއި އިލްޒާމްތައް އަޅުވައި، ފޮޓޯ، ސޯޝަލް މީޑިއާގައި ދައުރުކުރާ ފަރާތްތަކުގެ މައްސަލަ ބަލައި، އެފަރާތްތަކަށް ފިޔަވަޅު އެޅުމަށެވެ.

ވޮލީބޯލް އެސޯސިއޭޝަނާއި އެ ތަނުގެ ވެރިންނާ މެދު ނަފްރަތު އުފައްދާ ފަރާތްތަކާ މެދު ފިޔަވަޅު އަޅަން ނިންމައިފި

ވޮލީބޯލް އެސޯސިއޭޝަން އޮފް މޯލްޑިވްސް (ވީއޭއެމް) އާއި އެ ތަނުގެ ވެރިންނާ މެދު ނަފްރަތު އުފައްދާ ފަރާތްތަކާ މެދު ފިޔަވަޅު އަޅާގޮތަށް ގަވާއިދެއް ވަނީ ފާސްކޮށްފައި.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox