ރަކީދޫ ކައުންސިލުގެ ވަގުތީ އެސްޖީ ދެ މުސާރަ ނެގި މައްސަލައެއް ފަޅާއަރައިފި

ރަކީދޫ ކައުންސިލުގެ ވަގުތީ އެސްޖީއަކަށް ހުރި ހުސައިން މުއާޒު: އޭނާއަކީ މިހާރު އެ ކައުންސިލުގައި ވަޒީފާ އަދާކުރާ މުވައްޒަފެއް ނޫން --- ފޮޓޯ: ރައީސް އޮފީސް

ރަކީދޫ ކައުންސިލުގެ ވަގުތީ އެސްޖީއަކަށް ހުރި ހުސައިން މުއާޒު: އޭނާއަކީ މިހާރު އެ ކައުންސިލުގައި ވަޒީފާ އަދާކުރާ މުވައްޒަފެއް ނޫން --- ފޮޓޯ: ރައީސް އޮފީސް

ވ. ރަކީދޫ ކައުންސިލުގެ އިދާރާގެ ވަގުތީ ސެކެޓްރީ ޖެނެރަލްގެ މަގާމުގައި ހުރި މުވައްޒަފަކު، އޭނާގެ އަސްލު މުސާރައިގެ އިތުރުން ގަވާއިދާ ހިލާފަށް އެހެން ނަމެއްގައި ގިނަ އަދަދެއްގެ ފައިސާ ނަގާފައިވާ މައްސަލައެއް އޮޑިޓް އޮފީހުން ފަޅާއަރުވާލައިފި އެވެ.

ރަކީދޫ ކައުންސިލުގެ 2024 ވަނަ އަހަރުގެ ކޮމްޕްލަޔަންސް އޮޑިޓުން ހާމަވެފައިވާ ގޮތުގައި، މި މުވައްޒަފު ވަނީ ފާއިތުވި ހަތަރު އަހަރު ދުވަހުގެ ތެރޭގައި އޭނާގެ ވަޒީފާގެ މުސާރައިގެ އިތުރުން މިސްކިތު ވޭޖު ގެ ނަމުގައި ތިންލައްކައަށް ވުރެ ގިނަ ރުފިޔާ ނަގައިފަ އެވެ.

އޮޑިޓު ރިޕޯޓުގައި ވަނީ، އެ މުވައްޒަފަށް ދެ މަގާމުގެ މުސާރަ ލިބޭ ގޮތަށް ފައިސާ ދޫކުރަމުން ދިޔަ ނަމަވެސް، އިތުރު މުސާރައެއް ނުވަތަ އުޖޫރައެއް ދޭންޖެހޭ ފަދަ އެއްވެސް މަސައްކަތެއް އޭނާއާ ހަވާލުކޮށްފައިވާކަން އެނގޭކަށް ނެތް ކަމަށެވެ. މިއީ ދައުލަތުގެ މާލިއްޔަތު ގަވާއިދާ ކަނޑައެޅިގެން ހިލާފަށް ކޮށްފައިވާ ކަމެއްގެ ގޮތުގައި އޮޑިޓް އޮފީހުން ބުންޏެވެ.

ރަކީދޫ ކައުންސިލުގެ ވަގުތީ އެސްޖީގެ "ދެ ވަނަ" ވަޒީފާގެ އާމްދަނީ

  • 2022 - 88،200ރ.
  • 2023 - 69،300ރ.
  • 2024 - 61،300ރ.
  • 2025 - 118،800ރ.
  • ހަތަރު އަހަރުގެ ޖުމްލަ - 337،600ރ.

މީގެ އިތުރުން، ކައުންސިލުން އެކި ފަރާތްތަކަށް ދައްކަންޖެހޭ ފައިސާގެ ތެރެއިން 79،771ރ. އެ މުވައްޒަފުގެ އަމިއްލަ ބޭންކު އެކައުންޓަށް ޖަމާކޮށްފައި ވާކަން ވެސް އޮޑިޓުން ވަނީ ހާމަވެފަ އެވެ. މި ފައިސާއަކީ އެ ކައުންސިލުން އެހެނިހެން ފަރާތްތަކަށް ދައްކަން ޖެހޭ ފައިސާ އެވެ. 

އޮޑިޓް އޮފީހުން ބުނި ގޮތުގައި، މި ބުނާ ފަރާތްތަކަށް ރައްދުކުރުމަށް އޭނާގެ އެކައުންޓަށް ޖަމާކުރި ފައިސާ ކަމަށް ބުނި ނަމަވެސް، އެ ފައިސާގެ ހައްގުވެރިންނަށް އެ ފައިސާ ލިބުނުކަން ކަށަވަރުކުރެވޭނެ އެއްވެސް ލިޔެކިޔުމެއް ކައުންސިލް އިދާރާގައި ބަލަހައްޓާފައެއް ނުވެ އެވެ.

މި މައްސަލައާ ގުޅިގެން އޮޑިޓް އޮފީހުން ވަނީ އޭނާގެ މައްސަލަ ބަލައި ފިޔަވަޅުތަކެއް އެޅުމަށް އަންގާފަ އެވެ.

އެ ގޮތުން، އެ މުވައްޒަފުގެ އަމިއްލަ އެކައުންޓަށް ޖަމާކުރި ފައިސާއަށް ވީގޮތެއް ބަލައި ކަށަވަރުކުރުމަށް ފަހު، އެ ފައިސާ އަނބުރާ ހޯދަން ވަނީ އަންގާފަ އެވެ.  އަދި ގަވާއިދާ ހިލާފަށް ދެ މުސާރަ ނެގި މައްސަލަ އެންޓި ކޮރަޕްޝަން ކޮމިޝަން (އޭސީސީ) އަށް ހުށަހަޅައިގެން ތަހުގީގުކުރުމަށާއި، ދައުލަތަށް ގެއްލުނު ފައިސާ އަނބުރާ ހޯދުމުގެ މަސައްކަތް ކުރުމަށް ވެސް އޮޑިޓް ރިޕޯޓުގައި ވަނީ ލަފާދީފަ އެވެ.

އޮޑިޓު ރިޕޯޓުގައި ނެތް ނަމަވެސް އަދަދު ނޫހަށް ކަށަވަރުވެފައިވާ ގޮތުގައި މި މުއްދަތުގެ ތެރޭގައި ރަކީދޫ ކައުންސިލުގެ ވަގުތީ އެސްޖީއަކަށް ހުރީ ހުސެއިން މުއާޒެވެ. އޭނާއަަކީ މިހާރު އެ ކައުންސިލުގައި ވަޒީފާ އަދާކުރާ މުވައްޒަފެއް ނޫން ކަން ވެސް ވަނީ ކަށަވަރުކުރެވިފަ އެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox