މި ސަރަހައްދުގެ ޑޭޓާ އަދި ކަނެކްޓިވިޓީ ހަބަކަށް ވުމަށް ރާއްޖެއަށް އޮތް ފުރުސަތު މި ސަރުކާރުން ގެއްލުވާލައިފި: ފައްޔާޒު

ފައްޔާޒް އިސްމާއިލް: ސަބްމެރިން ކޭބަލް އޮޕަރޭޝަނަލައިޒް ކުރާނެ ފައިސާ ހަމަޖައްސައިނުދީ ރަސްމާލެ ހިއްކުމަށް ބޮޑެތި އަދަދުން ފައިސާ ހަރަދުކުރާތީ އޭނާ ވަނީ ފާޑުވިދާޅުވެފައި -- ފޮޓޯ: އަދަދު

ފައްޔާޒް އިސްމާއިލް: ސަބްމެރިން ކޭބަލް އޮޕަރޭޝަނަލައިޒް ކުރާނެ ފައިސާ ހަމަޖައްސައިނުދީ ރަސްމާލެ ހިއްކުމަށް ބޮޑެތި އަދަދުން ފައިސާ ހަރަދުކުރާތީ އޭނާ ވަނީ ފާޑުވިދާޅުވެފައި -- ފޮޓޯ: އަދަދު

މި ސަރަހައްދުގެ ޑޭޓާ އަދި ކަނެކްޓިވިޓީ ހަބަކަށްވުމަށް ރާއްޖެއަށް އޮތް ފުރުސަތު މި ސަރުކާރުން ގެއްލުވާލައިފައިވާ ކަމަށް ކުރީގެ އިކޮނޮމިކް މިނިސްޓަރު، ފައްޔާޒު އިސްމާއިލް ވިދާޅުވެއްޖެ އެވެ.

ފައްޔާޒް އެހެން ވިދާޅުވީ އިންޓަނެޓުގެ އަގު ހެޔޮކުރާށާއި ޑިޖިޓަލް ވިޔަފާރިތައް ކުރިއަރުވަން ވެގެން ކުރީ ސަރުކާރުން ފެށި ސަބްމެރިން ކޭބަލް ޕްރޮޖެކްޓުގެ ދަށުން 15 މިލިއަން ޑޮލަރު ހަރަދުކޮށްގެން ގެނައި ކޭބަލް އޮޕަރޭޝަނަލައިޒް ކުރާނެ ފައިސާ މި ސަރުކާރަށް ހަމަޖައްސައިނުދެވިގެން، އެ ޕްރޮޖެކްޓު އެއްކޮށް ހުއްޓޭ ހިސާބަށް ގޮސްފައި ވާތީ އެވެ.

އެކްސްގައި ފައްޔާޒް ކުރެއްވި ޕޯސްޓެއްގައި ވިދާޅުވީ ޑިޖިޓަލް ދުނިޔެއެއްގައި ވާދަކުރުމަށް ދައުލަތުގެ އަމިއްލަ ބާރު ހިނގާ ސަބްމެރިން ކޭބަލެއް އޮންނަންޖެހޭކަން ނުވިސްނޭ ބަޔަކު މިނިވަންކަމުގެ ވާހަކަ ދެއްކުމުގެ ބޭނުމެއް ނެތް ކަމަށެވެ.

"ތިންވަނަ ފަރާތެއް މެދުވެރިކޮށް ހުރިހާ އިންޓަނެޓް ޓްރެފިކެއް ފޮނުވުމަކީ އަގުބޮޑުކަމެއް، މި ކޭބަލް ހުޓުވައިލުމަކީ އިންޓަނެޓުގެ އަގު އިތުރަށް ހެޔޮކުރަން އޮތް ދޮރު ބަންދުވާނެ ކަމެއް. މި ސަރަހައްދުގެ ޑޭޓާ އަދި ކަނެކްޓިވިޓީ ހަބަކަށްވުމަށް ރާއްޖެއަށް އޮތް ފުރުސަތު މި ސަރުކާރުން މި ވަނީ ގެއްލުވާލައިފައި،" ފައްޔާޒް ކުރެއްވި ޕޯސްޓުގައި ލިޔުއްވާފައިވެ އެވެ.

ސަރުކާރުގެ އިހުމާލުން 15 މިލިއަން ޑޮލަރުގެ ސަބްމެރިން ކޭބަލް ބޭކާރު

ފައިސާގެ ދަތިކަމާއި ސަރުކާރުގެ އިހުމާލުން އޯޝަން ކަނެކްޓް ސަބްމެރިން ކޭބަލް މަޝްރޫއު ހުއްޓި، މިހާތަނަށް ހޭދަކުރި 236 މިލިއަނަށް ވުރެ ގިނަ ރުފިޔާ ބޭކާރުވުމުގެ ބިރު ވަނީ ހީވެފަ. މި މަޝްރޫއު ހިންގާ އެމްއެފްއެމްސީ ކުންފުންޏަށް ބޮޑެތި މާލީ ގެއްލުންތަކެއް ވަމުންދާއިރު، ކޮންޓްރެކްޓަރުންނަށް ދައްކަންޖެހޭ ގިނަ އަދަދެއްގެ ފައިސާ ވެސް ނުދައްކާ އެބައޮތް.

"އޯސީއެމް-އައިއޭއެކްސް" ނަމުން ނަން ދެވިފައިވާ މި ސަބްމެރިން ކޭބަލްއަކީ މޯލްޑިވްސް ފަންޑް މެނޭޖްމަންޓު ކޯޕަރޭޝަން (އެމްއެފްއެމްސީ) އިން، އެ ކުންފުނީގެ ސަބްސިޑަރީ އޯޝަން ކަނެކްޓް މޯލްޑިވްސް (އޯސީއެމް) އާ ހަވާލުކޮށްގެން ހިންގި މަޝްރޫއެކެވެ.

މި މަޝްރޫއުގެ ދަށުން އޯސީއެމްއިން ވަނީ އިންޑިއާގެ ރިލަޔަންސް ޖިއޯ އިންފޯކޮމްގެ ބައިނަލްއަގުވާމީ ސަބްމެރިން ކޭބަލް ނިޒާމު "އައިއޭއެކްސް" ގެ ކޭބަލް މީގެ ތިން އަހަރު ކުރިން އެއްގަންކޮށްފަ އެވެ.

އޭރު ރާވާފައި އޮތީ ޖެހިގެން އަންނަ އަހަރު އެއީ 2024 ގައި، މި ކޭބަލް އޮޕަރޭޝަނަލައިޒް ކުރާ ގޮތަށެވެ.  ނަމަވެސް މިއަދާ ހަމައަށް އައި އިރުވެސް އެ ކޭބަލް ބޭނުންކުރަން ނުފެށި، އިންވެސްޓުކުރި ފައިސާ އަނބުރާ ލިބޭނެ މަގެއް ވެސް ވެސް ނުފެނެ އެވެ. 

އެމްއެފްއެމްސީގެ 2023 ވަނަ އަހަރުގެ އޮޑިޓު ރިޕޯޓުން ހާމަވާ ގޮތުގައި މި މަޝްރޫއު އެއްކޮށް ހުއްޓުމަކަށް އައިސްފައި ވަނީ  ބޭނުންވާ ފައިސާ ހަމަނުޖެހުމުގެ ސަބަބުންނެވެ. އަދި، މާލީ ދަތިތަކާ ހުރެ މި މަޝްރޫއުގެ ހުރިހާ މަސައްކަތެއް ވަނީ މެދުކަނޑައިލައިފަ އެވެ.

އެ މަޝްރޫއުއަކީ ކުރު މުއްދަތެއްގެ ތެރޭގައި ރާއްޖޭގެ އިގުތިސާދަށް އިންގިލާބީ ބަދަލެއް ގެންނާނެ މަޝްރޫއުއެއްކަން ފާހަގަކުރައްވައި ފައްޔާޒް ވަނީ ސަރުކާރުން ކުރާ ބޭކާރު ހަރަދުތަކަށް ފާޑުވިދާޅުވެފަ އެވެ.

"ރަސްމާލެ ހިއްކަން ބިލިއަން ޑޮލަރު ހޭދަކުރަމުންދާއިރު، ކުރު މުއްދަތެއްގެ ތެރޭގައި އިގުތިސާދަށް އިންގިލާބީ ބަދަލެއް ގެންނާނެ މި ކޭބަލަށް ދޭނެ 20 މިލިއަން ޑޮލަރެއް ނެތް،" ފައްޔާޒް ކުރެއްވި ޕޯސްޓުގައި ލިޔުއްވާފައިވެ އެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox