އަނިޔާވެރިކަމާއި ދިވެހި ރައްޔިތުންނާ ދެމެދު އޮތް އައްޑަނައަކީ އެމްޑީޕީ: ފައްޔާޒް

Oct 3, 2026, 11:44 PM
ފައްޔާޒް މިރޭގެ ޖަލްސާގައި ވާހަކަ ދައްކަވަނީ: ވިދާޅުވީ ހުދުމުހުތާރުވާން ޖާގަ ލިބެނީ ނިޒާމުގެ ސަބަބުން ކަމަށް -- ފޮޓޯ: އަދަދު

ފައްޔާޒް މިރޭގެ ޖަލްސާގައި ވާހަކަ ދައްކަވަނީ: ވިދާޅުވީ ހުދުމުހުތާރުވާން ޖާގަ ލިބެނީ ނިޒާމުގެ ސަބަބުން ކަމަށް -- ފޮޓޯ: އަދަދު

އަނިޔާވެރިކަމާއި ހުދުމުހުތާރުކަމާއި ދިވެހި ރައްޔިތުންނާ ދެމެދު އޮންނަ އައްޑަނައަކީ އަބަދުވެސް އިދިކޮޅު މޯލްޑިވިއަން ޑިމޮކްރެޓިކް ޕާޓީ ކަމަށް ފައްޔާޒް އިސްމާއިލް ވިދާޅުވެއްޖެ އެވެ. 

މި ސަރުކާރުން ތިން ބާރު މަސްހުނިކޮށް، ހުދުމުހުތާރުކަން އިސްކޮށްފައިވާ ކަމަށް އެމްޑީޕީގެ ފަސް ވަނަ ކޮންގްރެސް ނިންމުމަށް ބޭއްވި ރަސްމިއްޔާތުގައި ވާހަކަ ދައްކަވަމުން ކުރީގެ އިކޮނޮމިކް މިނިސްޓަރު އަދި އެމްޑީޕީގެ ރިޔާސީ ރޭހުގައި ވާދަ ކުރައްވަން ނިންމަވާފައިވާ ފައްޔާޒް ވިދާޅުވި އެވެ. 

"ތިން ބާރެއް ވަތްކެއް ނުވި، ތިން ބާރު އޮތީ ތަޅުލެވިފައި. އަޅުގަނޑުމެންގެ ހައްގުތައް މި ދަނީ ނިގުޅައިގަނެވެމުން. އަޅުގަނޑުމެން ކުރި އުއްމީދުގައި ޖެހެމުން އައި ކުލަ މި ދަނީ ފަނޑުވަމުން، ގެއްލެމުން. މިއަދު އަޅުގަނޑުމެން މި ތިބީ ވަރަށް ނާޒުކު ފައްތަރެއްގައި،" ފައްޔާޒް ވިދާޅުވި އެވެ. 

"މިއަދުގެ ހާލަކީ، އިސްރާފާއި ކޮރަޕްޝަނާއި ނޭއްގާނީކަން މިއޮތީ އިންތިހާއަށް ގޮސްފައި."

ފައްޔާޒް ވިދާޅުވީ، އެފަދަ އަނިޔާވެރިކަމާއި ރައްޔިތުންނާ ދެމެދު އޮންނަ އައްޑަނައަކީ އަބަދުވެސް އެމްޑީޕީ ކަމަށެވެ. އަދި ރައްޔިތުންގެ ހައްގުތައް ދިފާއު ކުރުމުގައި އެމްޑީޕީ އިން ފަހަތަށް ނުޖެހޭނެ ކަމުގެ ޔަގީންކަން ވެސް ފައްޔާޒް ދެއްވި އެވެ. 

"ހުދުމުހުތާރު ވެރިކަމާ އަނިޔާވެރިކަމާ ދިވެހި ރައްޔިތުންނާ ދެމެދުގައި އޮންނަ އައްޑަނައަކީ އަބަދުވެސް އެމްޑީޕީ. ދެން އޮންނާނީ ވެސް ހަމަ އެމްޑީޕީ ދިވެހި ރައްޔިތުން އެކަމުން ސަލާމަތް ކުރަން. އަޅުގަނޑުމެންނެއް ފަހަތަކަށް ނުޖެހޭނަން ދިވެހިރައްޔިތުންނަށް އެ އަނިޔާ ދޭއިރުގައި، މި ގައުމު ހަލާކު ކުރާއިރުގައި އަޅުގަނޑުމެން ފަހަތަކަށް ނުޖެހޭނަން،" އޭނާ ވިދާޅުވި އެވެ. 

މިރޭގެ ޖަލްސާގައި ވާހަކަ ދައްކަވަމުން ފައްޔާޒް ވިދާޅުވީ، ގައުމުގެ ކަންކަން މިހާ ބޮޑަށް ބޮއްސުންލައިގެން ދިޔުމުގައި ގައުމު ހިންގާ ގޮތުގެ ނިޒާމް ރޯލެއް އަދާ ކުރާ ކަމަށެވެ. 

"ޑޮލަރަށް ޖެހިއްޖެ، ކާޑަށް ޖެހިއްޖެ، ބޭހަށް ޖެހިއްޖެ، ނުޖެހޭ އެއްޗެއް ނެތް. މި ހާލަތަށް އަޅުގަނޑުމެން ވެއްޓުނީމާ އަޅުގަނޑުމެން އެބަ ވިސްނަންޖެހޭ ކިހިނެތްބާވައޭ މި ވަނީ. ނިޒާމުގެ މައްސަލައެއްބާވައޭ މިއީ ނޫނީ ވެރިޔާގެ މައްސަލައެއްބާވައޭ. އަޅުގަނޑު ދަންނަވާނީ ނިޒާމުގެ މައްސަލައެކޭ،" ފައްޔާޒް ވިދާޅުވި އެވެ. 

އެމްޑީޕީގެ ކޮންގްރެސްގައި މިއަދު ވަނީ ނިޒާމު ބަދަލު ކުރުމުގެ މަސައްކަތް ކުރަން ފާސްކޮށްފަ އެވެ. "ބޮޑު ބަދަލު" ގެ ނަމުގައި އެ ކަރުދާސް ހުށަހެޅުއްވީ ފައްޔާޒް އެވެ. 

އެ ކަރުދާހުގައި ހިމެނޭ އެންމެ ބޮޑު ބަދަލަކީ، ދައުލަތުގެ ވެރިޔަކާއި ސަރުކާރުގެ ވެރިޔަކު އިންތިހާބު ކުރުމެވެ. އެ ކަރުދާހުގައިވާ ގޮތުން، ސަރުކާރުގެ ވެރިޔާ އިންތިހާބު ކުރާނީ ރައްޔިތުންގެ ސީދާ ވޯޓަކުންނެވެ. އަދި ދައުލަތުގެ ވެރިޔާ އިންތިހާބު ކުރާނީ މަޖިލީހާއި ކައުންސިލްތަކުން ނަގާ ވޯޓަކުންނެވެ. 

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox