ގެސްޓް ހައުސް ސިންޕޯސިއަމްގެ "ގެސްޓް ހައުސް ޗެމްޕިއަން" ރަށަށް 5 ލައްކަ ރުފިޔާގެ ޕްރޮޖެކްޓެއް ހިންގުމުގެ ފުރުސަތު ދިނުމަށް އެ ބޭންކުން ނިންމައިފި އެވެ.
އެމްއައިބީން އިސްނަގައިގެން ކުރިއަށް ގެންދާ ގެސްޓް ހައުސް ސިންޕޯސިއަމް އަދި އެވޯޑު ހަފުލާ އޮންނާނީ އޮކްޓޯބަރު މަހުގެ 15 ވަނަ ދުވަހު މާލޭގަ އެވެ. މި އިނާމު ލިބޭ ރަށް އިއުލާންކުރާނީ މި ހަފުލާގެ ތެރެއިންނެވެ.
މި އެވޯޑަށް ކުރިމަތިލުމުގެ ފުރުސަތު ހަމަވިއިރު، އެކަމަށް ބޮޑު ތަރުހީބެއް ލިބިގެން ގޮސްފައިވެ އެވެ. މި އެވޯޑު ލިބޭ ރަށަކަށް، އެ ރަށުގެ ރައްޔިތުންނަށާއި ޒިޔާރަތްކުރާ މެހެމާނުންނަށް ފައިދާވާނެ ޕްރޮޖެކްޓަކަށް ޕްރޮޕޯސަލް ހުށަހެޅުމުގެ ފުރުސަތު ލިބިގެންދާނެ އެވެ.
ޖުމްލަ 5 ލައްކަ ރުފިޔާއާ ހަމައަށް މި ފުރުސަތުގެ ދަށުން ހަރަދުކުރެވޭއިރު، މިކަމުގެ ސަބަބުން ރަށުގެ ރައްޔިތުންނާއި މެހެމާނުންނަށް އިތުރު ލުއިފަސޭހަކަމާއި ހިތްފަސޭހަކަން ލިބިގެންދާނެ ކަމަށް އެ ބޭންކުން އުންމީދުކުރެއެވެ.
