މޯލްޑިވްސް އިސްލާމިކް ބޭންކް (އެމްއައިބީ) އިން މި އަހަރުގެ ދެވަނަ ކުއާޓަރުގައި ވެސް މާލީ ބޮޑެތި ކުރިއެރުންތަކެއް ހޯދައިފި އެވެ.
އެމްއައިބީގެ ތަފާސްހިސާބުތައް ދައްކާ ގޮތުގައި ދެވަނަ ކުއާޓަރު ނިމުނުއިރު އެ ބޭންކުގެ ޖުމްލަ އެސެޓް 19.31 ބިލިއަން ރުފިޔާއަށް އަރައި، ފުރަތަމަ ކުއާޓަރާ އަޅާބަލާއިރު 4.37 ޕަސަންޓުގެ ކުރިއެރުމެއް ވަނީ ހޯދާފަ އެވެ. އެއީ މިދިޔަ އަހަރުގެ މި މުއްދަތާ އަޅާބަލާއިރު 43.52 ޕަސަންޓުގެ ކުރިއެރުމެކެވެ.
ބޭންކުގެ ހިންގުމުގެ ފައިދާގެ ގޮތުގައި އެމްއައިބީއަށް 170 މިލިއަން ރުފިޔާ ލިބިފައިވާއިރު، އެއީ ކުރީ ކުއާޓަރަށްވުރެ 4.29 ޕަސަންޓުގެ ކުރިއެރުމެއް ކަމަށް އެމްއައިބީން ބުންޏެވެ. އޭގެއިތުރުން ބޭންކުގެ ސާފު ފައިދާ 111.42 މިލިއަން ރުފިޔާއަށް ވަނީ އަރާފައިވާއިރު، އެއީ 15.66 ޕަސަންޓުގެ ކުރިއެރުމެކެވެ.
ކަސްޓަމަރުންގެ ޑިޕޮޒިޓަށް ބަލާއިރު މި މުއްދަތުގައި ޑިޕޮސިޓް ކުރި އަދަދު ވަނީ 5.37 ޕަސަންޓު އިތުރުވެ 16.22 ބިލިއަން ރުފިޔާ އަށް އަރާފަ އެވެ. އެއީ އަހަރީ މުއްދަތަށް ބަލާއިރު 43.24 ޕަސަންޓުގެ ބޮޑު ކުރިއެރުމެކެވެ.
އާމްދަނީގެ ގޮތުގައި އެމްއައިބީއަށް 284.60 މިލިއަން ރުފިޔާ ލިބިފައިވާއިރު، އެއީ ފުރަތަމަ ކުއާޓަރަށްވުރެ 5.85 ޕަސަންޓު އަދި 2025 ގެ ދެވަނަ ކުއާޓަރާ އަޅާބަލާއިރު 32.07 ޕަސަންޓުގެ އިތުރުވުމެކެވެ.
އެމްއައިބީގެ އާމްދަނީގެ ގޮތުގައި ދެވަނަ ކުއާޓަރުގައި ބޭންކަށް 284.60 މިލިއަން ރުފިޔާ ލިބިފައިވާއިރު، މިއީ ކުރީ ކުއާޓަރަށްވުރެ 5.85 ޕަސަންޓު އަދި 2025 ގެ ދެވަނަ ކުއާޓަރާ އަޅާބަލާއިރު 32.07 ޕަސަންޓުގެ އިތުރުވުމެކެވެ.
ދެވަނަ ކުއާޓަރުގެ މާލީ ހިސާބުތަކުން އެ ބޭންކަށް ކަސްޓަމަރުން ކުރާ އިތުބާރު ބޮޑުވަމުންދާކަން ހާމާކަން އެމްއައިބީން ފާހަގަކުރި އެވެ.
