އެމެރިކާގެ މަޝްހޫރު ޓީވީ ޝޯ "އެމެރިކާސް ގޮޓް ޓެލެންޓް" ގެ 21 ވަނަ ސީޒަން، އުމުރުން 16 އަހަރުގެ ތައިލެންޑުގެ ރޮކް ލަވަކިޔުންތެރިޔާ ނޭނީ ރޯޔަލް ކާމިޔާބުކޮށްފި އެވެ. މިއީ މި ޝޯގެ ތާރީހުގައި ތައިލެންޑުގެ ފަންނާނަކު މި މުބާރާތް ކާމިޔާބުކުރި ފުރަތަމަ ފަހަރެވެ.
އަސްލު ނަމުން ނަމަ ރައްޓިކާން އަމްލޮއި، ނުވަތަ ނިނީ ރޯޔަލް މުބާރާތް ކާމިޔާބުކުރީ ކެލިފޯނިއާގައި އަންގާރަ ދުވަހު ބޭއްވި ފައިނަލް ބުރުގައި، އެމެރިކާގެ މަޝްހޫރު "ދަ ވައިޓް ސްޓްރައިޕްސް" ގެ މަޝްހޫރު ލަވަ "ސެވަން ނޭޝަން އާމީ" ގެ ހުށަހަޅައިދީގެންނެވެ.
ނޭނީ މި ތާރީހީ ކާމިޔާބީ ހޯދީ، ޖާދޫގަރުންނާއި، އެކި ހުނަރުތައް ދައްކާ ފަރާތްތަކާއި އަދި ރޮބޮޓް ޑާންސް ގްރޫޕެއް ހިމެނޭ ގޮތަށް ވާދަކުރި ނުވަ ފައިނަލިސްޓުން ފަހަތަށް ޖައްސާލުމަށްފަހު އެވެ.
މުބާރާތުގެ ނަތީޖާ ފާޅުކުރުމުގެ ކުރިން، ބުދަ ދުވަހުގެ ރޭ ނިނީ ވަނީ މަޝްހޫރު ރޮކް ބޭންޑް "ލިންކިން ޕާކް" އާ އެކު އެ ބޭންޑުގެ 2024 ވަނަ އަހަރުގެ ލަވައެއް ކަމަށްވާ "ދަ އެމްޕްޓްނެސް މެޝިން" ސްޓޭޖްމަތީގައި ހުށަހަޅައިދީފަ އެވެ.
މުބާރާތުގެ 21 ވަނަ ސީޒަން ކާމިޔާބުކުރުމާއެކު ނޭނީއަށް ވަނީ 1 މިލިއަން ޑޮލަރުގެ ފައިސާގެ އިނާމެއް ލިބިފަ އެވެ. ނަތީޖާ އިއުލާނުކުރުމާއެކު ސްޓޭޖް މައްޗަށް ތިރިވެ، އުފަލުން ރޮވިފައި އިން ނޭނީ އޭނާއަށް ތާއީދުކުރި އެންމެނަށް ޝުކުރު އަދާޚޮށް.
