ތައިލެންޑުގައި ބަޑި ގެންގުޅުމުގެ ހުއްދަ ދޫކުރުން މެދުކަނޑާލައިފި

Aug 12, 2026, 6:30 AM
ފޮޓޯ: ގެޓީ އިމޭޖަސް

ފޮޓޯ: ގެޓީ އިމޭޖަސް

މިދިޔަ ހަފުތާގައި 14 އަހަރުގެ ކުއްޖަކު ބަޑިޖަހައި އަށް މީހަކު މަރާލުމަށްފަހު އަމިއްލައަށް މަރުވި ހާދިސާއާ ގުޅިގެން، ތައިލެންޑް ސަރުކާރުން ބަޑި ގެންގުޅުމުގެ ހުއްދަ ދޫކުރުން ވަގުތީ ގޮތުން ހުއްޓާލަން ނިންމައިފި އެވެ.

މިހާރު ވެސް ބަޑި ގެންގުޅުމުގެ ހުއްދަ އޮންނަ ފަރާތްތަކުން، އާންމު ތަންތަނުގައި ހަތިޔާރު ހިފައިގެން އުޅުމަކީ ތައިލެންޑުގައި މަނާ ކަމެކެވެ.

ދެކުނު އިރުމަތީ އޭޝިއާގެ ގައުމުތަކުގެ ތެރެއިން އާންމުންގެ އަތުގައި އެންމެ ގިނައިން ބަޑި ހުންނަ އެއް ގައުމަކީ ތައިލެންޑެވެ. އެގޮތުން އެ ގައުމުގެ އާންމު ރައްޔިތުންގެ އަތުގައި ގާތްގަނޑަކަށް 10.3 މިލިއަން ބަޑި ހުރި އިރު، ބަޑި ބޭނުންކޮށްގެން ހިންގާ ކުށްތައް ވެސް އެ ގައުމުގައި އިންތިހާއަށް ގިނަ އެވެ.

Advertisement

ފަހަކަށް އައިސް ހިނގަމުންދާ ބަޑިޖެހުމުގެ ހާދިސާތަކާ ގުޅިގެން، ތައިލެންޑުގެ ބޮޑުވަޒީރު ވަނީ ބަޑި ކޮންޓްރޯލް ކުރުމަށް ހަރުކަށި އަދަބުތައް ހިމެނޭ އާ ގާނޫނުތަކެއް ތައާރަފު ކުރައްވާނެ ކަމަށް ވިދާޅުވެފަ އެވެ. އަދި އެ ގާނޫނުތައް ފާސްވަންދެން، އަލަށް ބަޑި ގެންގުޅުމުގެ ހުއްދަ ދޫކުރުން މިހާރު ވަނީ މެދުކަނޑާލާފަ އެވެ.

ކަމާބެހޭ އިދާރާތަކުން ބުނި ގޮތުގައި، ބެންކޮކްގެ ބޭރުގައި ހުންނަ "ޑެބްސިރިން ނޮންތަބޫރީ" ސްކޫލުގައި ކިޔަވާ ދަރިވަރަކު މިދިޔަ ހުކުރު ދުވަހު ވަނީ އޭނާގެ ކާފަގެ އަތުގައި އޮތް ފިސްތޯލައެއް ބޭނުންކޮށްގެން ކާފައަށާއި މާމައަށް ބަޑިން ހަމަލާދީފަ އެވެ. އޭގެ ފަހުން އެ ކުއްޖާ ވަނީ ސްކޫލަށް ގޮސް އެތަނުގެ މުދައްރިސުންނާއި ދަރިވަރުންނަށް އަމާޒުކޮށް ބަޑިޖަހާފަ އެވެ.

މި ހާދިސާގައި އެ ކުއްޖާގެ ކާފަ އާއި މާމަގެ އިތުރުން، ސްކޫލުގެ ފަސް މުވައްޒަފަކާއި 12 އަހަރުގެ އަންހެން ކުއްޖަކު ވަނީ މަރުވެފަ އެވެ.

ފުލުހުން ގަބޫލުކުރާ ގޮތުގައި، ބަޑިޖެހި ކުއްޖާ ބަޑި ބޭނުންކުރަން ދަސްކޮށްފައިވަނީ ސޯޝަލް މީޑިއާ މެދުވެރިކޮށް އަމިއްލައަށެވެ.

އެ ކުއްޖާ އިންޓަނެޓް މެދުވެރިކޮށް އަނިޔާވެރި މަންޒަރުތައް ހިމެނޭ ވީޑިއޯތައް ބަލާފައިވާ ކަމުގެ ހެކި ލިބިފައިވާ ކަމަށާއި، ބަޑި ގެންގުޅޭނެ ގޮތް ދަސްކުރުމަށް އެ ކުއްޖާގެ ބޮޑު ޝައުގުވެރިކަމެއް ހުރިކަން ފާހަގަކުރެވިފައިވާ ކަމަށް ވެސް ފުލުހުން ބުނެފައިވެ އެވެ.

ކޮމެންޓް

ފަހުގެ ޚަބަރު

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

Newsletter

Get the latest news delivered straight to your inbox