ޝަކާ ފޭކު ކޮވިޑް ސެޓިފިކެޓެއް ހުށަހެޅި މައްސަލައެއް ތަހުގީގުކުރަނީ

Sep 21, 2026, 8:10 PM
ސްވިޒަލެންޑްގެ ކެޕްޓަން، ގްރޭނިޓް ޝަކާ.

ސްވިޒަލެންޑްގެ ކެޕްޓަން، ގްރޭނިޓް ޝަކާ.

ޒިއުރިކް، ސްވިޒަލެންޑް (ސެޕްޓެމްބަރު 21) - ސަންޑަލެންޑަށް ކުޅެމުން އަންނަ ސްވިޒަލެންޑްގެ ގައުމީ ޓީމުގެ ކެޕްޓަން، ގްރޭނިޓް ޝަކާ، ކޮވިޑް ވެކްސިން ޖެހި ކަމުގެ ފޭކް ސެޓްފިކެޓެއް ހުށަހެޅި މައްސަލަ ސްވިޒަލެންޑްގެ ޕްރޮސެކިއުޓަރުން ތަހުގީގު ކުރަމުން އަންނަ ކަމަށް ބުނެފި އެވެ. 

ސްވިޒަލެންޑް ގައުމީ ޓީމުގެ ކުޅުންތެރިންނަށް އެންމެ ފުރަތަމަ 2021 ވަނަ އަހަރު ކޮވިޑް ވެކްސިން ޖެހުމަށް ލަފާ ދެމުންދިޔައިރު، ޝަކާ، ވެކްސިން ނުޖަހާ ކަމަށް އޭރު ސްވިޒަލެންޑްގެ ފުޓްބޯޅަ ފެޑެރޭޝަނުން ވެސް ވަނީ ބުނެފަ އެވެ.

ޝަކާ ކޮވިޑް ވެކްސިން ޖަހަން މޮރީނިއޯ އެދިއްޖެ

ްސްވިޒަލެންޑްގެ މިޑްފީލްޑަރު ޝާކާ ކޮވިޑް ވެކްސިން ޖަހަން ރޯމާގެ ކޯޗު ހޯސޭ މޮރީނިއޯ ވަނީ އެދިފައި. މި ވަގުތު ކޮވިޑަށް ޕޮޒިޓްވެފައި ހުރި ޝަކާ ހޯދަން ނިމިދިޔަ ޓްރާންސްފާ މާކެޓްގައި މޮރީނިއޯ ކޯޗުކޮށްދޭ ރޯމާ އިން ވަނީ މަސައްކަތްކޮށްފައި.

އުމުރުން 33 އަހަރުގެ ޝަކާ، ފޭކް ކޮވިޑް ސެޓްފިކެޓެއް ހަދަން މަޖުބޫރުވީ، 2022 ވަނަ އަަހަރުގެ ފަހުން ސްވިޒަލެންޑުގެ ރައްޔިތަކު އެހެން ގައުމަކަށް ދާނަމަ، ކޮވިޑް ވެކްސިން ޖެހިކަން ކަށަވަރުކުރެވޭ ސެޓްފިކެޓެއް އޮންނަން ޖެހޭ ގޮތަށް އުސޫލު ހެދުމުންނެވެ. 

Advertisement

ސްވިޒަލެންޑުގެ ޕަަބްލިކް ޕްރޮސެކިއުޓަރުން މިހާރު ބަލަމުން އަންނަ މައްސަލައިގައި ޝަކާގެ މައްޗަށް ޖިނާއީ ތަހުގީގެއް ފުރިހަމަ ކުރުމާ މެދު ވަރަށް އަަވަހަށް ގޮތެއް ނިންމާެނެ އެވެ. 

ޝަކާ، އެ ސެޓްފިކެޓް ގެންގުޅުނު ދުވަސްވަރު ކުޅެމުން އައީ އިނގިރޭސި ޕްރިމިއާ ލީގުގައި އާސެނަލް އަށެވެ. އޭގެ ފަހުން، ބަޔާ ލެވަކޫސަނަށް ބަދަލުވި ޝަކާ، އެ ޓީމުގައި ކާމިޔާބީތަކެއް ހޯދައި، މިދިޔަ ސީޒަނުގައި އަލުން ޕްރިމިއާ ލީގުގެ ސަންޑަލެންޑަށް ބަދަލުވި އެވެ. 

ސްވިޒަލެންޑްގެ ކެޕްޓަން، ގްރޭނިޓް ޝަކާ.
ސްވިޒަލެންޑްގެ ކެޕްޓަން، ގްރޭނިޓް ޝަކާ.

އިންސްޓަގްރާމްގައި ޝަކާ ލިޔެފައިވާ ގޮތުގައި، ކޮވިޑް ވެކްސިން ޖަހަން އޭރު ބޭނުމެއް ނުވީ އެކަމާ ގުޅޭ ގޮތުން ފުރިހަމަ ޔަގީންކަމެއް ނެތުމުން ކަމަށެވެ. އަދި، އެންމެ ފަސޭހަ ގޮތަކަށް ކޮވިޑް ވެކްސިން ސެޓްފިކެޓް ހޯދަން ޖެހުނު ކަމަށާއި އެކަން ކުރަން ޖެހުނީ އެންމެ ރަނގަޅަށް ނޫން ކަމަށް ވެސް ޝަކާ ވަނީ ގަބޫލުކޮށްފަ އެވެ. 

މި މައްސަލަ ބަލަމުން އަންނާތީވެ، ޝަކާ ވަނީ މި ފަހަރުގެ ގައުމީ ޓީމުގެ ކޭމްޕްގައި ބައިވެރިނުވާން ނިންމައިފަ އެވެ. ސްވިޒަލެންޑް ފުޓްބޯޅަ ފެޑެރޭޝަނުން ބުނީ، ގައުމީ ޓީމަށް 152 މެޗު ކުޅެދީފައިވާ ޝަކާ، ކުރިއަށް އޮތް ޔުއެފާ ނޭޝަންސް ލީގުގެ މެޗުތަކުަގައި ވާދަކުރާ ސްކޮޑުގައި ނުހިމެނުމަކީ އޭނާގެ އަމިއްލަ ނިންމުމެއް ކަމަށެވެ. 

ނޭޝަންސް ލީގުގައި މި ފަހަރުގެ ފީފާ ބްރޭކުގައި ސްވިޒަލެންޑުން ކުޅެން ހަަމަޖެހިފައިވަނީ، ނޯތު މެސެޑޯނިއާއާ ދެކޮޅަށް ދެ މެޗާއި ސްކޮޓްލެންޑާއި ސްލޮވީނިއާއާ ދެކޮޅަށް އެއް މެޗެވެ. 

ސަންޑަލެންޑްގެ ކޯޗު، ރެގިސް ލެ ބްރިސްއާ ވަނީ ޝަކާގެ މި ކަންކަމާ ގުޅޭ ގޮތުން މި ހަފްތާގައި އިނގިރޭސި ޕްރިމިއާ ލީގުގައި މެންޗެސްޓާ ސިޓީ އަތުން ސަންޑަލެންޑް ބަލިވި މެޗަށް ފަހު އަމާޒުވެފަ އެވެ. ލެ ބްރިސް ބުނީ، ކޮވިޑް ވެކްސިން ސެޓްފިކެޓަކީ އޭނާއާ ގުޅޭ ދާއިރާގެ ކަމެއް ނޫން ކަމަށާއި އޭނާ ބަލަން ޖެހޭ ފުޓްބޯޅައާ ގުޅޭ ކަންކަމާ ގުޅޭ ގޮތުން ޝަކާއާ މެދު ވަރަށް ހިތްހަމަޖެހޭ ކަމަށެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox