ސްވިޒަލެންޑްގެ ކޯޗު ބުނީ އާޖެންޓީނާގެ ބަލިފައިތަކެއް ހުރި ކަމަށް

Jul 11, 2026, 8:29 AM
ސްވިޒަލެންޑުގެ ކޯޗު މުރާތު ޔަކީން: އޭނާ ވަނީ ވޯލްޑް ކަޕްގައި އާޖެންޓީނާއާ ކުޅެލަން ލިބުމަކީ ހަދިޔާއެއް ނޫން ކަމަށް ބުނެފައި.

ސްވިޒަލެންޑުގެ ކޯޗު މުރާތު ޔަކީން: އޭނާ ވަނީ ވޯލްޑް ކަޕްގައި އާޖެންޓީނާއާ ކުޅެލަން ލިބުމަކީ ހަދިޔާއެއް ނޫން ކަމަށް ބުނެފައި.

ކަންސަސް ސިޓީ، ޔުނައިޓެޑް ސްޓޭޓްސް (ޖުލައި 11) - ފީފާ ވޯލްޑް ކަޕް ފުޓްބޯޅަ މުބާރާތުގެ ކުއާޓާ ފައިނަލުގައި މިރޭ އިދިކޮޅަށް ނުކުންނަ އާޖެންޓީނާ ޓީމުގައި ބަލިފައިތަކެއް ހުރިކަން ފާހަަގަކުރެވިފައިވާ ކަމަށް ސްވިޒަލެންޑްގެ ކޯޗު، މުރާތު ޔަކިން ބުނެފި އެވެ. 

ސްވިޒަލެންޑުން 72 އަހަރު ތެރޭ ވޯލްޑް ކަޕްގެ ކުއާޓާ ފައިނަލެއްގައި ކުޅުމުގެ ފުރުސަތު ފުރަތަމަ ފަހަރަށް ހޯދީ، ގަދަ 16 ޓީމުގެ ބުރުގައި ޕެނަލްޓީ ޖަހައިގެން ކޮލަމްބިއާ ބަލިކުރުމަށް ފަހު އެވެ. 

އާޖެންޓީނާއާ ދެކޮޅަށް ކުޅޭ މެޗުގެ ކުރިން އޮތް ނޫސްވެރިންގެ ބައްދަލުވުމުގައި ވާހަކަ ދައްކަމުން ޔަކީން ބުނީ، އާޖެންޓީނާ އަކީ މި ވަގުތު ދުނިޔޭގެ އެންމެ ފަހުގެ ޗެމްޕިއަން ކަމަށާއި އެ ޓީމާ ދެކޮޅަށް ކުޅެން ޖެހޭއިރު ވިސްނަން ޖެހޭ ކަންކަމާއި ސަމާލުކަން ދޭންވީ ކަންކަން ވެސް ފާހަގަކުރެވިފައިވާ ކަމަށެވެ. 

"ތެދެއް، އަހަރެމެން މި ކުޅެން ޖެހެނީ އާޖެންޓީނާއާ. އެއީ ދުނިޔޭގެ ޗެމްޕިއަނުން. އެ މީހުންނާ ކުޅެން ޖެހުމަކީ ހަދިޔާއެކޭ ނުބުނެވޭނެ. އެކަމަކު، އަހަރެމެންނަށް ވެސް އެބަ ފެނޭ ކަންކަން. އެންމެ ފަހުން އާޖެންޓީނާ އިން ކުޅުނު ދެ މެޗަށް ބަލާއިރު، އާޖެންޓިނާގެ ވެސް އެބަހުރި ބަލިފައިތަކެއް،" ޔަކީން ބުންޏެވެ. 

މި ފަހަރުގެ ވޯލްޑް ކަޕްގެ ނޮކައުޓް ބުރުގައި އާޖެންޓީނާ އިން ކުޅުނު ދެ މެޗު ވެސް ދިޔައީ ޗެލެންޖު ބޮޑުކޮށެވެ. އެ ގޮތުން، ގަދަ 32 ޓީމުގެ ބުރުގައި އާޖެންޓީނާ އިން ކުޅުނީ މުޅިން އަަލަށް ވޯލްޑް ކަޕްގައި ކުޅުނު ކޭޕް ވާޑްއާ އެވެ. އެ ޓީމު އަތުން 120 މިނިޓް ކުޅެގެން އާޖެންޓީނާ މޮޅުވީ 3-2 އިންނެވެ. އެންމެ ފަހުން، ގަދަ 16 ޓީމުގެ ބުރުގައި، އާޖެންޓީނާ އިން ކުޅުނީ، ވޯލްޑް ކަޕް ނޮކައުޓްގައި މި ފަހަރު މުޅިން އަލަށް ފެނުނު މިސްރާ ދެކޮޅަށެވެ. އެ މެޗުގެ 80 މިނިޓާ ހަމައަށް މިސްރު ދެ ގޯލު ކުރީގައި އޮތްއިރު، އާޖެންޓީނާ މޮޅުވީ ފަހަތުން އަރައި 3-2 އިންނެވެ. 

ޔަކީން ބުނީ، ސްވިޒަލެންޑަކީ މިހާރު އިދިކޮޅަށް ކޮންމެ ޓީމެއް ނުކުތަސް އެ ޓީމެއްގެ އިތުބާރު ހޯދާފައިވާ ޓީމެއް ކަމަށެވެ. އަދި، އެ ގޮތުން، އާޖެންޓީނާ އިން ވެސް ސްވިޒަލެންޑާ މެދު ސަމާލުވާނެ ކަންތައްތަކެއް ހުންނާނެ ކަމަށް ޔަކީން ވަނީ ބުނެފަ އެވެ. 

"ޓެކްޓިކަލީ މިއީ ރަނގަޅު މެޗަކަށް ވާނެ. އަހަރެމެންގެ އެބަހުރި އާޖެންޓީނާއާ އަރާހަަމަކުރެވޭނެ ފެންވަރު މި މެޗަށް ބަލާއިރު. ސްވިޒަލެންޑް ކަހަލަ ގައުމަކަށް. ވޯލްޑް ކަޕެއްގެ ކުއާޓާ ފައިނަލުގައި އާޖެންޓީނާއާ ކުޅުމަކީ ބޮޑު ކަމެއް. އުންމީދުތައް ވެސް މަތީގައި ހުންނާކަން އެނގޭ،" ޔަކީން ބުންޏެވެ. 

ސްވިޒަލެންޑާއި އާޖެންޓީނާ ވަނީ 2014 ވަނަ އަހަރުގެ ވޯލްޑް ކަޕްގައި ބައްދަލުކޮށްފަ އެވެ. އެ މެޗުން ސްވިޒަލެންޑް ބަލިވީ 1-0 އިންނެވެ.

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox