ކޮލަމްބިއާ ކަޓުވާލައި ކުއާޓާގެ ފަހު ޖާގަ ސްވިޒަލެންޑަށް

Jul 8, 2026, 3:56 AM
ފީފާ ވޯލްޑް ކަޕްގެ ގަދަ 16 ބުރުގެ ފަހު މެޗުގައި ކޮލަމްބިއާ އާއި ސްވިޒަލެންޑް ބައްދަލުކުރި މެޗުގެ ތެެރެއިން.

ފީފާ ވޯލްޑް ކަޕްގެ ގަދަ 16 ބުރުގެ ފަހު މެޗުގައި ކޮލަމްބިއާ އާއި ސްވިޒަލެންޑް ބައްދަލުކުރި މެޗުގެ ތެެރެއިން.

ވެންކޫވާ، ކެނަޑާ (ޖުލައި 8) - ޕެނަލްޓީ ޖަހައިގެން 4-3 އިން ކޮލަމްބިއާ ބަލިކޮށް އެ ޓީމު ކަޓުވާލުމަށް ފަހު ސްވިޒަލެންޑުން ފީފާ ވޯލްޑް ކަޕްގެ ކުއާޓާ ފައިނަލުން ޖާގަ ހޯދައިފި އެވެ. 

މެޗުގެ ފުރިހަމަ ވަގުުތާއި އިތުރު ވަގުތުގެ ދެ ހާފު ނިމުނީ ލަނޑެއް ނުޖެހި އެއްވަރުވެގެންނެވެ. 

ކުއާޓާ ފައިނަލުގައި އާޖެންޓީނާއާ ދެކޮޅަށް ސްވިޒަލެންޑުން ކުޅެން ޖެހޭއިރު، މިއީ، 1954 ވަނަ އަހަރަށް ފަހު ސްވިޒަލެންޑުން ވޯލްޑް ކަޕްގެ ގަދަ އަށެއްގައި ވާދަކުރާނެ ފުރަތަމަ ފަަހަރެެވެ، 

މެޗުގެ ފުރަަތަމަ ހަމަލާ ފެނިގެންދިޔައީ 22 ވަނަ މިނިޓްގަ އެވެ. އެ ގޮތުން، އޭރިއާ ރޮނގުކައިރިން، ގުސްޓާވޯ ޕުއޭޓާ ޖެހި ޝޮޓް ސްވިޒަލެންޑް ކީޕަރު، ގްރެގަރީ ކޮބެލް ވަނީ މަތަކޮށްފަ އެވެ. މެޗުގެ 31 ވަނަ މިނިޓްގައި ސްވިޒަލެންޑްގެ ފުރަތަމަ ނުރައްކާތެރި ހަމަލާ ފެނުނެވެ. ސްވިޒަލެންްޑްގެ ފަބިއަން ރައިޑާ ތިރިތިރިން ފޮނުވާލި ޝޮޓް ކޮލަމްބިއާގެ ކީޕަރު، ކަމީލޯ ވާގާސް ވަނީ މަތަކޮށްފަ އެވެ. 

ދެ ވަނަ ހާފުގައި ކުޅެން އެރި ގޮތަށް ސްވިޒަލެންޑުގެ ޖިބްރީލް ސޯ އަށް ރަނގަޅު ފުރުސަތެއް ލިބުނެވެ. އެ ގޮތުން، ސްވިޒަލެންޑުގެ ޑެން އެންޑޯއީއާ ގުޅިގެން ކުރި އެޓޭކެއްގައި ކުޅުން އެރިތާ ކުޑައިރުކޮޅެއްގެ ތެރޭގައި ސޯ ޖެހި ބޯޅަ ދިޔައި ހުރަސްދަނޑިމަތިންނެވެ. 

ކޮލަމްބިއާގެ ފޯވާޑް، ލުއިސް ސުއަރޭޒް، ސްވިޒަލެންޑުގެ އޭރިއާބޭރުން ޖެހި ބޯޅަ ދިޔައީ ގޯލާސީދާނުވެ އެވެ. އަދި، މެޗުގެ އިތުރު ވަގުތުގެ ތެރޭގައި، ސްވިޒަލެންޑްގެ ފޯވާޑް، ޑޭން އެންޑޯއި ތިރިތިރިން ފޮނުވާލި ބޯޅަ ދިޔައީ ގޯލު ކުރިމަތިން ހުރަސްވެގެންނެވެ. 

ނަތީޖާ ނެރެން އިތުރު ވަގުތުގެ ދެ ހާފު ކުޅުނުއިރު، ފުރަތަމަ ހާފުގެ ތެރޭގައި ކޮލަމްބިއާ އިން ރަނގަޅު ދެ ހަމަލާއެއް ފޮނުވާލި އެވެ. އެ ގޮތުން، ކޯނަރެއްގައި ހުރަސްވި ބޯޅައަކުން ޖޯން ލުކޫމީ ބޮލުން ޖެހި ބޯޅަ އަމާޒުވީ ހުރަސްދަނޑިއަށެވެ. އަދި، އޭރިއާބޭރުން، ޖަމިންޓަން ކަމްޕާޒް ފޮނުވާލި ބޯޅަ ބޭރުވީ ކީޕަރު ކޮބެލް އަތުުގައި ޖެހިފައި ކޯނަރަކަށެވެ.

އިތުރު ވަގުތުގެ ފުރަތަމަ ހާފުގައި ބަދަަލަކަށް ކުޅެން އެރި، ސްވިޒަލެންޑްގެ ޒަކީ އަމްދޫނީ ކުޅެން އެރި ގޮތަށް ފުރަތަމަ ލިބުނު ފުރުސަތުގައި ޖެހި ޝޮޓް ކީޕަރު ވާގާސް ވަނީ މަތަކޮށްފަ އެވެ. ދެ ވަނަ ހާފުގައި ހުސްކޮށް އަރައި ކަމްޕާޒް ފޮނުވާލި ބޯޅަ ދިޔައީ ހުރަސްދަނޑިމަތިންނެވެ. 

ނަތީޖާ ނެރެން ޕެނަލްޓީ ޖަހަން ޖެހުނުއިރު، ކޮލަމްބިއާގެ ޖުއާން ކިންޓޭރޯ ވަނީ ގޯލަށް ވައްދާލައިފަ އެވެ. ސްވިޒަލެންޑުގެ ފުރަތަމަ ޕެނަލްޓީ ގްރަނިޓް ޝަކާ ވަނީ ކީޕަރު ވާގާސް އަތުގައި ޖެހިފަ އެވެ. ކޮލަމްބިއާގެ ދެ ވަނަ ޕެނަލްޓީ، ޑަވިންސަން ސަންޗޭޒް ފޮނުވާލިއިރު، ހުރަސްދަނޑީގައި ޖެހިފައި ދިޔައީ ބޭރަށެވެ. ލީޑުނަގަން ދިޔަ ސްވިޒަލެންޑްގެ ދެ ވަނަ ޕެނަލްޓީ ފޮނުވާލި އަމްދޫނީ ވަނީ ގޯލަށް ވައްދާލައިފަ އެވެ. ކޮލަމްބިއާގެ ތިން ވަނަ ޕެނަލްޓީ ޖެހި ކަމްޕާޒް ވަނީ ގޯލަށް ބޯޅަ ވައްދާލައިފަ އެވެ. ސްވިޒަލެންޑްގެ ތިން ވަނަ ޕެނަލްޓީ މެނުއަލް އަކަންޖީ ފޮނުވާލިއިރު، ދިޔައީ ހުރަސްދަނޑިމަތިންްނެވެ. އެއާ އެކު، ޕެނަލްޓީގައި ވެސް ދެ ޓީމު ފުރަތަމަ ތިން ޕެނަލްޓީ އަށް ފަހު އެއްވަރުވި އެވެ.  

ކޮލަމްބިއާގެ ހަތަރު ވަނަ ޕެނަލްޓީ ކޫޗޯ ހެނާންޑޭޒް ފޮނުވާލިއިރު، ސްވިޒަލެންޑްގެ ކީޕަރު ކޫބެލް ވަނީ މަތަކޮށްފަ އެވެ. ސްވިޒަލެންޑުގެ ހަތަރު ވަނަ ޕެނަލްޓީ ސެޑްރިކް އިޓެން ވަނީ ކާމިޔާބުކޮށްފަ އެވެ. ކޮލަމްބިއާގެ ފަސް ވަނަ ޕެނަލްޓީ ލުއިސް ޑިއާޒް ވަނީ ގޯލަށް ވައްދާލައިފަ އެވެ. ސްވިޒަލެންޑުން ފަސް ވަނަ ޕެނަލްޓީ ޖަހަންދިޔަ، ރުބެން ވާގާސް ވަނީ ޕެނަލްޓީ ވައްދާލައި ސްވިޒަލެންޑް މޮޅުކޮށްދީފަ އެވެ. 

ފީފާ ވޯލްޑް ކަޕް 2026 ގެ ކުއާޓާ ފައިނަލް މެޗުތައް

ފްރާންސް - މޮރޮކޯ

ސްޕެއިން - ބެލްޖިއަމް

ނޯވޭ - އިންގްލެންޑް

އާޖެންޓީނާ - ސްވިޒަލެންޑް 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox