މޯލްޑިވްސް އިސްލާމިކް ބޭންކް (އެމްއައިބީ) އިން މާދަމާ މާލެ އާއި ހުޅުމާލޭގެ ބްރާންޗްތަކުން އެކައުންޓް ހުޅުވުމުގެ ހިދުމަތް ދޭނެ ކަމަށް އެ ބޭންކުން ބުނެފި އެވެ.
އެމްއައިބީން ބުނީ އެކައުންޓް ހުޅުވުމުގެ ހިދުމަތް ދޭނީ މާލޭ މެދުޒިޔާރަތް މަގުގައި ހުންނަ އެމްއައިބީ ހެޑް އޮފީހުންނާއި، އާޓިފިޝަލް ބީޗް ކުރިމަތީގައި ހުންނަ އެމްއައިބީގެ ރީޓެއިލް ބޭންކިން ބްރާންޗްގެ އިތުރުން އެމްއައިބީ ހުޅުމާލެ ބްރާންޗުންނެވެ.
އެ ބްރާންޗްތަކުން އެކައުންޓް ހުޅުވުމުގެ ހިދުމަތް ދޭނީ ހެނދުނު 10:00 އިން ފެށިގެން މެންދުރު 2:00 ޖެހުމާ ހަމައަށް ކަމަށް އެ ބޭންކުން ބުންޏެވެ. އެ ބޭންކުން ބަންދު ދުވަހެއްގައި އެކައުންޓް ހުޅުވުމުގެ ހިދުމަތް ދެނީ ކީއްވެގެން ކަމެއް ނުބުނެ އެވެ.
ނަމަވެސް އެމްއައިބީން ބަންދު ދުވަހެއްގައި އެކައުންޓް ހުޅުވުމުގެ ހިދުމަތް ދޭނެކަން އިއުލާންކޮށްފައި މިވަނީ އެ ބޭންކަށް ގިނަ ބަޔަކު ބަދަލުވުމަށް ޝައުގުވެރިކަން ފާޅުކުރަމުންދާ ދަނޑިވަޅެއްގަ އެވެ.
