ހުޅުމާލޭ ސެންޓްރަލް ޕާކުގައި އިއްޔެ އިން ފެށިގެން ކުރިއަށްދާ "މޯލްޑިވްސް ލިވިން އެކްސްޕޯ 2026" ގައި ހުރި މޯލްޑިވްސް އިސްލާމިކް ބޭންކް (އެމްއައިބީ) ގެ ސްޓޯލަށް ޒިޔާރަތްކޮށްގެން 50،000ރ. ގެ އިނާމެއް ހޯދުމުގެ ފުރުސަތު އެބަ އޮތެވެ.
މި އިނާމު ހޯދުމުގެ ފުރުސަތު ލިބިގެންދާނީ އެކްސްޕޯގެ ތެރެއިން ކުރިއަށްދާ "އެމްއައިބީ ލިވިންގް އެކްސްޕޯ ކުއިޒް" ގައި ބައިވެރިވެގެންނެވެ.
ކުއިޒް ކުރިއަށްދާނެ ގަޑިތައް:
- ހަވީރު: 4:00 އިން 6:00 އަށް
- ރޭގަނޑު: 8:00 އިން 10:30 އަށް
މި ކުއިޒުގައި ބައިވެރިވުމަށްޓަކައި އެމްއައިބީ ސްޓޯލްގައި ބަހައްޓާފައިވާ ކިއުއާރް ކޯޑު ސްކޭންކުރުމަށްފަހު އޮންލައިން ފޯމު ފުރިހަމަކުރަންޖެހޭނެ އެވެ.
ކުއިޒް ފުރިހަމަކޮށް، ޝަރުތުތައް ހަމަވާ ބައިވެރިންގެ ތެރެއިން ގުރުއަތުން ހޮވޭ ނަސީބުވެރިއަކަށް 50,000ރ. ގެ ފައިސާގެ އިނާމު ލިބިގެންދާނެ އެވެ.
ހަތަރު ދުވަހުގެ މުއްދަތަށް ކުރިއަށްދާ މި އެކްސްޕޯއަށް ޒިޔާރަތްކޮށް، ބޭންކުގެ އެންމެ ފަހުގެ ހިދުމަތްތަކާ މައުލޫމާތު ހޯދުމާއެކު ކުއިޒުގައި ބައިވެރިވެ، މި ބޮޑު އިނާމު ހޯދުމުގެ ފުރުސަތުގެ ބޭނުން ހިފުމަށް އެންމެހައި އާންމުންނަށް އެމްއައިބީން ވަނީ ދައުވަތު އަރުވާފަ އެވެ.
