މޯލްޑިވްސް ލިވިންގ އެކްސްޕޯ 2026 ގައި މޯލްޑިވްސް އިސްލާމިކް ބޭންކް (އެމްއައިބީ) އިން ކުރިއަށްގެންދިޔަ 50,000ރ.ގެ ފައިސާގެ އިނާމު ލިބޭ "އެމްއައިބީ ލިވިންގ އެކްސްޕޯ ކުއިޒު"ގެ ނަސީބުވެރިޔާ ހޮވައި، އިނާމު ހަވާލުކޮށްފި އެވެ.
މި ކުއިޒުގެ ނަސީބުވެރިޔަކަށް ހޮވިފައިވަނީ ހުސައިން އަލީމް އަލީ ރަޝީދު އެވެ.
ކެމްޕޭނުގެ ޝަރުތުތައް ހަމަވި ބައިވެރިންގެ ތެރެއިން ގުރުއަތުން ހޮވުނު އަލީމްއަށް މިހާރު ވަނީ 50,000ރ. މިހާރު ހަވާލުކޮށްފައިވާ ކަމަށް އެމްއައިބީން ބުނެ އެވެ.
މި ކުއިޒުގައި ބައިވެރިވުމުގެ ފުރުސަތު ހުޅުވާލާފައިވަނީ އެކްސްޕޯގެ ތެރެއިން އެމްއައިބީ ސްޓޯލަށް ޒިޔާރަތްކޮށް، އެ ތަނުގައި ބަހައްޓާފައިވާ ކިއުއާރް ކޯޑު ސްކޭންކުރުމަށްފަހު އޮންލައިން ފޯމެއް ފުރިހަމަކުރި ފަރާތްތަކަށެވެ.
މި އޯގަސްޓު މަހުގެ 6 އިން 9 އަށް ހުޅުމާލޭ ސެންޓްރަލް ޕާކުގައި ކުރިއަށްދިޔަ އެކްސްޕޯގެ ތެރެއިން އެމްއައިބީ ސްޓޯލަށް ޒިޔާރަތްކޮށް، ކުއިޒުގައި ބައިވެރިވި އެންމެހާ ފަރާތްތަކަށް އެ ބޭންކުން ވަނީ ޝުކުރެއް އަދާކޮށްފަ އެވެ.
