މޯލްޑިވްސް އިސްލާމިކް ބޭންކް (އެމްއައިބީ) ގެ "ފައިސާރިމިޓް" މެދުވެރިކޮށް ރާއްޖެއިން ބޭރަށް ފައިސާ ފޮނުވާ ކަސްޓަމަރުންގެ ތެރެއިން ގުރުއަތުން ހޮވޭ ފަރާތްތަކަށް 10,000 ރުފިޔާގެ އިނާމެއް ލިބޭ "ފައިސާރިމިޓް ހޯމް ކެމްޕޭން" މިއަދު ފަށައިފި އެވެ.
މި ކޭމްޕޭން ކުރިއަށްދާނީ ނޮވެމްބަރު 22 ގެ ނިޔަލަށެވެ.
ފައިސާ ފޮނުވޭ ގައުމުތައް:
- ބަންގްލަދޭޝް، އިންޑިއާ، ސްރީލަންކާ، ނޭޕާލް އަދި ފިލިޕީންސް
މި ކޭމްޕޭން ނިމުމުން، ކަނޑައެޅިފައިވާ 5 ގައުމުގެ ތެރެއިން ކޮންމެ ގައުމަކަށް ފައިސާ ފޮނުވި ކަސްޓަމަރުންގެ ތެރެއިން ގުރުއަތުން އެއް ނަސީބުވެރިޔަކު ހޮވުމަށް ވަނީ ހަމަޖެހިފަ އެވެ. އެއާއެކު ޖުމްލަ 5 ފަރާތަކަށް، ކޮންމެ ފަރާތަކަށް 10,000ރ. އިނާމެއްގެ ގޮތުގައި ދޭނެ ކަމަށް އެމްއައިބީން ބުންޏެވެ.
ކޭމްޕޭން މުއްދަތުގައި އެކްޓިވް އެމްއައިބީ ދިވެހި ރުފިޔާ އެކައުންޓަކުން، ކަނޑައެޅިފައިވާ ގައުމަކަށް ފައިސާރިމިޓް މެދުވެރިކޮށް ޓްރާންސްފަރއެއް ކުރުމުން އޮޓޮމެޓިކުން ގުރުއަތުގައި ބައިވެރިވެވޭނެ އެވެ.
އެކި ގައުމުތަކަށް ފައިސާ ފޮނުވައިގެން ގިނަ ގައުމުތަކުގެ ގުރުއަތުގައި ބައިވެރިވެވުނު ކަމުގައިވިޔަސް، މުޅި ކޭމްޕޭންގައި އެކަކަށް ލިބޭނީ އެންމެ އިނާމެއް ކަމަށް އެމްއައިބީން ބުންޏެވެ.
ނަސީބުވެރިން ހޮވުމަށް ހަމަޖެހިފައިވަނީ ކެމްޕޭން ނިމުމުން ޝަރުތުހަމަވާ ކަސްޓަމަރުންގެ މެދުގައި ނަގާ ގުރުއަތަކުންނެވެ. ނަސީބުވެރިންނަށް ބޭންކުގައި ރަޖިސްޓްރީކޮށްފައިވާ މައުލޫމާތު މެދުވެރިކޮށް ގުޅައި، އިނާމު ހަވާލުކުރުމުގެ ކަންކަން ކުރިއަށްދާނެ ކަމަށް އެމްއައިބީން މައުލޫމާތުދެއެވެ.
