ޕީއެންސީގެ ސެނެޓަށް އިއްޔެ އިންތިހާބުވި ނަމްޒާ އެ މަގާމުން މިއަދު އިސްތިއުފާދީފި

އާމިނަތު ނަމްޒާ: ޕީއެސްއެމްގެ ޗެއާޕާސަންގެ މަގާމަށް އޭނާ އައްޔަނުކުރީ  ޑިސެމްބަރު 2024 ގައި -- ފޮޓޯ: އެޑިއުކޭޝަން މިނިސްޓްރީ

އާމިނަތު ނަމްޒާ: ޕީއެސްއެމްގެ ޗެއާޕާސަންގެ މަގާމަށް އޭނާ އައްޔަނުކުރީ ޑިސެމްބަރު 2024 ގައި -- ފޮޓޯ: އެޑިއުކޭޝަން މިނިސްޓްރީ

ވެރިކަން ކުރާ ޕީޕަލްސް ނޭޝަނަލް ކޮންގްރެސް (ޕީއެންސީ) ގެ ސެނެޓަށް އިއްޔެ އިންތިހާބުވެވަޑައިގެންނެވި، އައިމިނަތު ނަމްޒާ މިއަދު އެ މަގާމުން އިސްތިއުފާދެއްވައިފި އެވެ.

އާންމު ހިދުމަތުގެ މީޑިއާ، ޕީއެސްއެމްގެ ޗެއާޕާސަންގެ މަގާމުގައި ހުންނެވި ނަމްޒާ ޕީއެންސީގެ ސެނެޓުން އިސްތިއުފާދެއްވާފައި މި ވަނީ ޕީއެސްއެމްގެ ޑިރެކްޓަރުންގެ ބޯޑު މެންބަރުކަމުގެ ޝަރުތެއް އޭނާގެ ކިބައިން އުނިވުމާއެކު އެވެ.

މިހާރު ކުރިއަށްދާ ޕީއެންސީގެ ކޮންގްރެސްގައި ނަމްޒާ ވަނީ އެ ޕާޓީގެ ސެނެޓުން އަންހެނުންނަށް ހާއްސަކޮށްފައިވާ 10 ގޮނޑީގެ ތެރެއިން ގޮނޑިއެއް ކާމިޔާބުކުރައްވާފަ އެވެ. 

ނަމްޒާ ޕީއެންސީގެ ސެނެޓަށް، ޕީއެސްއެމްގެ ބޯޑުގައި އިނުމުގެ ޝަރުތެއް އުނިވެއްޖެ

ޕީއެސްއެމްގެ ޗެއާޕާސަން އައިމިނަތު ނަމްޒާ ޕީއެންސީގެ ސެނެޓަށް އިންތިޚާބުވުމާ ގުޅިގެން، ސިޔާސީ ޕާޓީއެއްގެ މަގާމެއްގައި ނުހުރުމަށް ޕީއެސްއެމްގެ ގާނޫނުގައި ބުނާ ޝަރުތު އޭނާގެ ކިބައިން ވަނީ އުނިވެފަ. މިކަމާ ގުޅިގެން ޕީސީބީ އާއި ނަމްޒާގެ ބަހެއް ހޯދުމަށް ކުރި މަސައްކަތް އަދި ކާމިޔާބުވެފައެއް ނުވޭ.

 ޕީއެސްއެމް ގާނޫނުގައި ބުނަނީ އެ ކުންފުނީގެ ޑިރެކްޓަރުންގެ ބޯޑުގެ މެންބަރުން ކިބައިގައި ތިން ޝަރުތެއް ހަމަ ވާން ޖެހޭނެ ކަމަށެވެ. އޭގެ ތެރޭގައި ސިޔާސީ ޕާޓީއެއްގެ މަގާމުގައި ހުރި މީހަކަށް ނުވުން ހިމެނެ އެވެ.   

ޕީއެންސީގެ ސެނެޓު މެންބަރުކަން ސިޔާސީ ޕާޓީއެއްގެ މަގާމަކަށެވެ. މިހެންކަމުން ސިޔާސީ ޕާޓީއެއްގެ މަގާމެއްގައި ހުރި މީހަކަށް ނުވުމުގެ ޝަރުތު ނަމްޒާގެ ކިބައިން ވަނީ އުނިވެފަ އެވެ. 

ޕީއެސްއެމްގެ ޑިރެކްޓަރުންގެ ބޯޑުގެ މެންބަރުންގެ ޝަރުތުތައް

  •  އުމުރުން 18 އަހަރު ފުރިފައިވުން
  • ސިޔާސީ ޕާޓީއެއްގެ މަގާމެއްގައި ނުވަތަ މުވައްޒަފެއްގެ ގޮތުގައި ހުރި މީހަކަށް ނުވުން
  • މަކަރާއި ހީލަތުގެ ކުށެއް، ނުވަތަ ކޮރަޕްޝަނުގެ ކުށެއް، ނުވަތަ މާރާމާރީގެ ކުށެއް، ނުވަތަ ވައްކަމުގެ ކުށެއް ޝަރީއަތަށް ސާބިތުވެ، އެ ކުށުގެ އަދަބު ތަންފީޒުކޮށް ނިމުނުތާ ނުވަތަ އަދަބަށް މައާފު ލިބުނުތާ ފަސް އަހަރު ހަމަނުވާ މީހަކު ކަމުގައި ނުވުން.

ނަމްޒާއަކީ އަހަރުތަކެއް ވަންދެން ޓެލެވިޒަން މޯލްޑިވްސް (ޓީވީއެމް) ގައި ޕްރެސެންޓަރެއްގެ ގޮތުގައި ހަރަކާތްތެރިވި އެވެ. އޭނާ ވަނީ ކުރީގެ ރައީސް މައުމޫނާއި ޔާމީންގެ ސަރުކާރުގައި ސަރުކާރު ވަޒީފާތައް އަދާކުރައްވާފަ އެވެ.

މި ސަރުކާރުގައި ނަމްޒާ އެންމެ ފުރަތަމަ ހުރީ ޖެންޑާ މިނިސްޓްރީގެ ޑެޕިއުޓީ މިނިސްޓަރަކަށެވެ. ފަހުން އޭނާ ވަނީ ލޯކަލް ގަވަމަންޓް މިނިސްޓްރީއަށް ބަދަލުކޮށްފަ އެވެ. ލޯކަލް ކައުންސިލް އިންތިހާބުގެ ބައްޔާ ގުޅިގެން އެ މިނިސްޓްރީ އުވާލި ފަހުން ނަމްޒާ މިހާރު ކުރި މަގާމެއް ނޭނގެ އެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox