އެހެން ވިސާއެއްގައި އެތެރެވުމަށް ފަހު ވާކް ވިސާއަށް ބަދަލުނުކުރެވޭ ގޮތަށް ހަދައިފި

ތިލަމާލޭ ބްރިޖުގެ މަސައްކަތުގައި އުޅުނު ބިދޭސީ މަސައްކަތްތެރިންތަކެއް: ވޯކް ވިސާއާ ހިލާފަށް ބިޒްނަސް ވިސާ ލިބެނީ ކުރު މުއްދަތަކަށް --- ފޮޓޯ: އަދަދު

ތިލަމާލޭ ބްރިޖުގެ މަސައްކަތުގައި އުޅުނު ބިދޭސީ މަސައްކަތްތެރިންތަކެއް: ވޯކް ވިސާއާ ހިލާފަށް ބިޒްނަސް ވިސާ ލިބެނީ ކުރު މުއްދަތަކަށް --- ފޮޓޯ: އަދަދު

ވޯކް ޕާމިޓް ހޯދުން އަވަސް ކުރަން ބިޒްނަސް ވިސާގެ ބޭނުން ނަހަމަ ގޮތުގައި ހިފާ ކަމަށް ބުނެ، ހާއްސަ ވިސާތަކާއި ބިޒްނަސް ވިސާގައި ރާއްޖެ އެތެރެވުމަށް ފަހު ވާކް ވިސާއަށް ބަދަލު ނުކުރެވޭ ގޮތަށް ހޯމް މިނިސްޓްރީގެ އުސޫލު ބަދަލުކޮށްފި އެވެ. 

މި ބަދަލާ ބެހޭ ގޮތުން ހޯމް މިނިސްަޓްރީމް މިއަދު ކުރި އިއުލާނުގައި ބުނެފައި ވަނީ ބިޒްނަސް ވިސާ ދޫކުރަނީ ވިޔަފާރީގެ ކަންކަމަށް ބޭރުގެ ފަންނީ މީހުން ކުރު މުއްދަތަކަށް ގެންނަން ކަަމަށެވެ. ނަމަވެސް ބައެއް ވިޔަފާރިތަކުން ވޯކް ޕާމިޓް ހޯދުން އަވަސްކުރަން މި ވިސާތަކުގައި އެތެރެވުމަށް ފަހު، ވާކް ވިސާއަށް ބަދަލުކުރާ ކަމަށް އެ މިނިސްޓްރީން ބުންޏެވެ. 

މިކަން ހުއްޓުވަން ގެނައި ބަދަލުގެ ދަށުން، ބިޒްނަސް އަދި ސްޕެޝަން ވިސާގައި އެތެރެވެފައިވާ އެއްވެސް މީހަކަށް "އެކްސްޕެޓް ސިސްޓަމް" ގެ ތެރެއިން ވޯކް ވިސާއަށް ހުށަނޭޅޭނެ އެވެ. 

Advertisement

ހޯމް މިނިސްޓްރީން ވަނީ  އިތުރު މައުލޫމާތު ސާފުކުރަން 1485 އަށް ގުޅައި ނުވަތަ xpat@home.gov.mv އަށް އީމެއިލްކުރަން އެދިފަ އެވެ. 

ގަވާއިދާ ހިލާފަށް އުޅޭ ބިދޭސީންގެ މައްސަލަ އާއި ވިސާގެ ބޭނުން ނަހަމަ ގޮތުގައި ހިފާ މައްސަލަ ހައްލުކުރަން ސަރުކާރުން ވަނީ ރާއްޖޭގައި މަސައްކަތް ކުރާ ހުރިހާ ބިދޭސީންގެ ބަޔޯމެޓްރިކްސް މައުލޫމާތު އެއްކުރަން، "އޮޕަރޭޝަން ކުރަނގި" ނަމުގައި ބޮޑު އޮޕަރޭޝަނެއް ހިންގާފަ އެވެ. މި އޮޕަރޭޝަނުގެ ދަށުން ރާއްޖޭގައި ވަޒިފާ އަދާކުރާ ބިދޭސީންގެ 98 ޕަސެންޓު މީހުންގެ މައުލޫމާތު އެއްކުރި ކަމަށް ސަރުކާރުން ވަނީ ހާމަކޮށްފަ އެވެ.

އޭގެ އިތުރުން ސަރުކާރުން އަންނަނީ، ލިޔެކިޔުން ނެތި އުޅޭ ބިދޭސީންނާއި އިމިގްރޭޝަން އެއްބަސްވުމާ ހިލާފުވާ ބިދޭސީން ޑީޕޯޓު ވެސް ކުރަމުންނެވެ. މިހާރު ޖިނާއީ ކުށެއްގެ ތުހުމަތު ކުރެވޭ ހިސާބުން ވެސް އިމިގްރޭޝަނުން އަންނަނީ އެ ބަޔަކު ޑީޕޯޓުކުަރަމުންނެވެ. 

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox