ހޯމް މިނިސްޓްރީގެ ސްޓޭޓް މިނިސްޓަރު ޑރ. އަބްދުﷲ ފައިރޫޝް މިއަދު އިސްތިއުފާ ދެއްވައިފި އެވެ.
ފައިރޫޝް އެކްސް ގައި ވިދާޅުވީ ހޯމް މިނިސްޓްރީގެ ސްޓޭޓްގެ މަގާމުން އިސްތިއުފާ ދެއްވަން ނިންމެވީ އެކަމާމެދު ވިސްނުމަށްފަހު މިއީ އާންމު ހިދުމަތާ ވަކިވާން އެންމެ ރަނގަޅު ދަނޑިވަޅު ކަމަށް ފެނުމުން ކަމަށެވެ.
މި ސަރުކާރުގައި ފައިރޫޝް އެންމެ ފުރަތަމަ ހުންނެވީ ހަޔާ އެޑިއުކޭޝަން މިނިސްޓްރީގެ ސްޓޭޓް މިނިސްޓަރަކަށެވެ. އެއަށްފަހު ހޯމް މިނިސްޓްރީގެ ސްޓޭޓް މިނިސްޓަރަކަށް ފައިރޫޝް އައްޔަންކުރެއްވީ 2024 ވަނަ އަހަރުގެ އޮކްޓޯބަރު މަހުގެ ތެރޭގަ އެވެ.
ފުލުހުންގެ ހިދުމަތުގައި ފައިރޫޝް 20 އަހަރު އުޅުއްވުމަށް ފަހު ރިޓަޔާ ކުރެއްވީ ޖެނުއަރީ، 2021، ގަ އެވެ.
ފައިރޫޝް ފުލުހުންގެ ހިދުމަތުން ރިޓަޔާ ކުރެއްވީ ޖެނުއަރީ، 2021، ގަ އެވެ. ޝަރަފުވެރިކަމާއެކު އޭނާ ރިޓަޔާކުރެއްވީ ހިދުމަތަށް 20 އަހަރު ފުރުމުން އަމިއްލައަށް އެދިގެންނެވެ.
ނަމަވެސް އޭނާ ރިޓަޔާ ކުރުއިރު، އޭނާގެ މައްޗަށް ތުހުމަތު ކުރެވުނު ސީރިއަސް މައްސަލަތަކަކަށް ހޯމް މިނިސްޓްރީން ރިއާޔަތް ނުކުރާ ކަމަށް ރައްޔިތުންގެ މަޖިލީހުން ވަނީ ނިންމާފަ އެވެ. މަޖިލީހުން އެގޮތަށް ނިންމީ ފައިރޫޝް ރިޓަޔާ ކުރުމާއެކު އޭރު މަޖިލީހުގެ ރައީސްގެ މަގާމުގައި ހުންނެވި ކުރީގެ ރައީސް މުހައްމަދު ނަޝީދު ހުށަހެޅުއްވި މައްސަލައެއްގަ އެވެ.
