ދެ އަހަރު ފަހުން އަކުރަމް ކުޅެން ނުކުންނަން ތައްޔާރުވަނީ

ވިކްޓަރީ ސްޕޯޓްސް ކްލަބްގެ އަކޫ: ދެ މަހެއްހާ ދުވަސް ތެރޭ ކުޅުމަށް އެނބުރި އަންނާނެ.--- ފޮޓޯ: އަދަދު ސްޕޯޓްސް ފައިލް ފޮޓޯ

ވިކްޓަރީ ސްޕޯޓްސް ކްލަބްގެ އަކޫ: ދެ މަހެއްހާ ދުވަސް ތެރޭ ކުޅުމަށް އެނބުރި އަންނާނެ.--- ފޮޓޯ: އަދަދު ސްޕޯޓްސް ފައިލް ފޮޓޯ

ވިކްޓަރީ ސްޕޯޯޓްސް ކްލަބްގެ ކޮންޓްރެކްޓްގައި ހުރި ގައުމީ ފުޓްބޯޅަ ޓީމުގެ ކުރީގެ ކެޕްޓަން، އަކުރަމް އަބްދުލް ގަނީ (އަކޫ)، ދެ އަހަރަށް ފަހު އަލުން ކުޅުމަށް އެނބުރި އަންނަން ތައްޔާރުވެއްޖެ އެވެ. 

އަަކޫ، 39، އެންމެ ފަހުން ކުޅުނު މެޗަކީ، 2024 ވަނަ އަހަރުގެ ފެބްރުއަރީ މަހު ކުުޅުނު ދެ ވަނަ ޑިވިޝަން ފުޓްބޯޅަ މުބާރާތުގެ ފައިނަލް މެޗުގަ އެވެ. އޮޑި ސްޕޯޓްސް ކްލަބް އަތުން ވިކްޓަރީ ބަލިވި އެ ފައިނަލުގައި އަކޫ ވަނީ ގޯލު ވެސް ޖަހައިފަ އެވެ. މިދިޔަ ސީޒަނުގައި ވެސް ވިކްޓަރީ ސްކޮޑުގައި ހިމެނުނު ނަމަވެސް، އަކޫ ފެނިގެންދިޔައީ ކޯޗިން ސްޓާފުންގެ ތެރޭގައި ހަރަކާތްތެރިވަމުންދިޔަ ތަނެެވެ. 

ވިކްޓަރީން މި ސީޒަނަށް ޕްރީ ސީޒަން ޕްރެކްޓިސް ފެށިއިރު، އަކޫ ބައިވެރިވި އެވެ. އަކޫ، ޓީމަށް އެނބުރި އައުމާ ބެހޭގޮތުން، ވިކްޓަރީގެ ކޯޗު މުހައްމަދު ޝިޔާޒް (މޯހަން) ވަނީ، ދިވެހި ޕްރިމިއާ ލީގުގެ ކުރިން ބޭއްވި ނޫސްވެރިންގެ ބައްދަލުވުމުގައި މައުލޫމާތު ދީފަ އެވެ. 

އެ ގޮތުން، މޯހަން ބުނީ، އެންމެ ރަނގަޅު ލެވަލްގައި ފިޓްވެގެން އައިސް އަކޫ މެޗުތަކުގައި ކުޅެން އަދި ވަރަށް ދުވަސް ނަގާނެ ކަމަށެވެ. 

"އަކްރަމް ދަނީ، ވަރަށް ބޮޑަށް މަސައްކަތް ކުރަމުން، ޕްރީ ސީޒަން ފައްޓާފައި އަނެއްކާ ވެސް އިންޖަރީ ވެގެން، 10، 12 ވަރަކަށް ދުވަސް ގޮސްފައި ފަށާފައިވަނީ. ފިޓްނަސް އެންމެ އެންމެ އެއް ނޫން. ބައިވަރު ކަންތައް އެބަހުރި އަކްރަމް ރަނގަޅު ކުރަން ޖެހޭ. އަދި، ވަރަށް ދުވަސް ނަގާނެ، ދޮޅު މަހެއް، ދެ މަހެއް ވަރު އެންމެ ކުޑަވެގެން ނަގާނެ ހަމަ ޔަގީނުން ވެސް، އެ ހިސާބަށް އަންނަން،" މޯހަން ބުންޏެވެ. 

ވިކްޓަރީ އަށް 2012 ވަނަ އަހަރު ކުޅުނު އަކޫ އެ ޓީމަށް ދެ ވަނަ ފަހަރަށް ބަދަލުވީ 2023 ވަނަ އަހަރުގެ ފެބްރުއަރީ މަހުގަ އެވެ. އޭގެ ފަހުން ވިކްޓަރީގައި މަސައްކަތް ކުރަމުން އަންނަ އަކުރަމް ބުނީ، ދެ ވަނަ ޑިވިޝަނުގައި 2023/24 ސީޒަނުގައި ކުޅުމަށް ފަހު، އެ އަހަރުގެ ރޯދަ މަހު ކުޅެނިކޮށް ލިބުނު އަނިޔާއަކާ ގުޅިގެން އޮޕަރޭޝަން ކުރަން ޖެހުނު ކަމަށެވެ. 

"އޭސީއެލް އާއި މެނިސްކަން އޮޕަރޭޝަނެއް ހަަމަ އަލުން ކުރީ. (ފިޓްވާން ކުރަމުން އަންނަ މަސައްކަތަށް ބަލާއިރު) މަސް ދުވަސް ތެރޭ، އިރާދަކުރެއްވިއްޔާ ރެޑީ ވެވޭނެ. މިހާރު ވާ ގޮތަކީ، މީހާ މާ ބޮޑަށް ސްލޯ އީ. ދެން، ވަރަށް އަންފިޓް ވެސް ވާނެތާ އެހެން ޕްރެކްޓިސް ނުކޮށް ހުންނަންޖެހުނީމަ،" 2022 ވަނަ އަހަރު އޮކްޓޫބަރު މަހު ވެސް ކަކުލުގެ އޮޕަރޭޝަނެއް ކުރަން ޖެހުނު، އަކޫ، "އަދަދު ސްޕޯޓްސް" އަށް ބުންޏެވެ.  

އަކޫ: އަންނަނީ މޯލްޑިވްސް ސޮކަ މޭޓްސް (އެމްއެސް މޭޓްސް)ގައި ކޯޗިންގެ މަސައްކަތް ވެސް ކުރަމުން،--- ފޮޓޯ: އަދަދު ސްޕޯޓްސް
އަކޫ: އަންނަނީ މޯލްޑިވްސް ސޮކަ މޭޓްސް (އެމްއެސް މޭޓްސް)ގައި ކޯޗިންގެ މަސައްކަތް ވެސް ކުރަމުން،--- ފޮޓޯ: އަދަދު ސްޕޯޓްސް

އަކޫ ބުނީ، ޕްރީ ސީޒަން ޕްރެކްޓިސް ފެށުމަށް ފަހު، ވިކްޓަރީން އެންމެ ރަނގަޅަށް ޓްރެއިނިން ކުރިއަށްގެންދިޔައިރު ހުންނަން ޖެހުނީ ބޭރުގައި ކަމަށެެވެ. އެހެން ނަމަވެސް، މަޑުމަޑުން ފިޓްނަސް ރަނގަޅު ކުރަމުން އަންނަ ކަމަށް އަކޫ ވަނީ ބުނެފަ އެވެ. 

"އަދިކިރިޔާ އެ ދިޔައީ މަސް ގަނޑަށް ވެފައި އިން އެ ތަދުތައް. ދެން، ރަނގަޅަށް ޓްރެއިނިން ހަދާލެވޭނެ، ސްޕީޑާ އެއްޗެހި ހަދާފައި ތައްޔާރުވެލަން އަދި ނަގާނެ ދޮޅު މަހެއް ވަރު ތެރޭގައި ހަމަ ރަނގަޅު މެޗެއް ކުޅެލެވޭ ވަރުވާނީ، އަދި، ކުޅޭއިރު ވެސް މަދުމަދުން ކުޅެމުން އައިސް އެއްކޮށް ފިޓްވެވޭނީ،" އަކޫ ބުންޏެވެ. 

ވިކްޓަރީން ވަނީ މި ފަހަރު، ދިވެހި ޕްރިމިއާ ލީގުގައި ކުޅުނު ފުރަތަމަ މެޗުން، ޓީސީ ސްޕޯޓްސް ކްލަބް އަތުން 5-1 އިން ވަނީ މޮޅުވެފަ އެވެ. 

ރާއްޖޭން 2018 ވަނަ އަހަރު ސާފް ޗެމްޕިއަންޝިޕް ކާމިޔާބުކުރި ޓީމުގެ ކެޕްޓަން، އަކޫ، ކެރިއަރު ފެށީ 2006 ވަނަ އަހަރު ވެލެންސިއާ އިންނެވެ. އޭގެ ފަހުން 2007 އިން 2009 އަށް އަކޫ ފެނުނީ ނިއު ރޭޑިއަންޓުންނެވެ. ނިއު ދޫކޮށް 2010 ވަނަ އަހަރު ވީބީ އައްޑޫ އެފްސީ އަށް ކުޅުމަށް ފަހު 2011 ވަނަ އަހަރު ހޭދަކުރީ މާޒިޔާގަ އެވެ. އަދި 2012 ވަނަ އަހަރު ވިކްޓްރީ އަށް ކުޅުނެވެ.

އަކޫ، ދެ ވަނަ ފަހަރަށް ވެލެންސިއާ އަށް ބަދަލުވީ 2013 ވަނަ އަހަރު އެވެ. އޭގެ ފަހުން ނިއު އަށް އަނެއްކާ ވެސް ބަދަލުވި އެވެ. ނިއު އަށް 2014 ވަނަ އަހަރުގެ ސީޒަންގެ ނިޔަލަށް ކުޅެ، 2015 އާއި 2016 ކުޅުނީ އަނެއްކާ ވެސް ވެލެންސިއާ ޖޯޒީގަ އެވެ. ވެލެންސިއާ ދޫކޮށް 2017 ގައި ނިއު އަށް ބަދަލުވެ، އެ ޓީމަށް ކުޅުނެވެ. އޭގެ ފަހުން 2018 ވަނަ އަހަރު ޓީސީ ސްޕޯޓްސް ކްލަބަށް ވެސް ވަނީ ކުޅެފަ އެވެ. ޓީސީ ދޫކޮށް 2019 ވަނަ އަހަރު ވެލެންސިއާ އަށް ކެރިއަރުގެ ހަތަރު ވަނަ ފަހަރަށް ބަދަލުވި އެވެ.

އޭގެ ފަހުން، 2020 ވަނަ އަހަރުގެ އޮގަސްޓް މަހު ކްލަބް އީގަލްސް އިން އޭއެފްސީ ކަޕްގެ ޕްލޭއޮފްގައި ބެންގަލޫރާ ދެކޮޅަށް ކުޅުނު މެޗުގައި އަކޫ ވަނީ އީގަލްސް އަށް ކުޅެފަ އެވެ. އަދި، އޭގެ ފަހުން، މާޒިޔާ އަށް ކުޅުމަށް ފަހު އަލުން ވިކްޓަރީ އަށް ބަދަލުވީ އެވެ. 

ކޮމެންޓް

ފަހުގެ ޚަބަރު

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

އެފްއޭއެމްގެ އޮފިޝަލެއް ނެތް، ޓްރޮފީއާ ހަވާލުވީ ނޫސްވެރިއެއް!

ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ފެއާ ޕްލޭ ޓްރޮފީ ރާއްޖެއަށް ލިބުނުއިރު، އެފްއޭއެމްގެ އޮފިޝަލަކު ނެތުމުން އެއާ ހަވާލުވީ ދިވެހި ނޫސްވެރިއެއް. އެފްއޭއެމް އިން ބުނި ގޮތުގައި ޓްރޮފީ ލިބޭކަން ސާފް އިން އެންގީ ވަރަށް ކުޑަ ވަގުތުކޮޅެއް އޮއްވާ ކަމަށާއި، ނޫސްވެރިއަކު ސްޓޭޖަށް އެރީ ސާފްގެ އޮފިޝަލުން އެދިގެން

އިންފަންޓީނޯގެ ޝަރުތު ހަމަވޭތޯ ގާނޫނީ ގޮތުން ބެލި

ފީފާގެ ރައީސްކަމަށް ހަތަރުވަނަ ދައުރަކަށް ކުރިމަތިލައްވާފައިވާ ޖިއާނީ އިންފަންޓީނޯގެ ޝަރުތު ހަމަވޭތޯ އިނގިރޭސި އެފްއޭއިން ގާނޫނީ ގޮތުން ބަލައިފި. ފީފާ ކައުންސިލުން ނިންމާފައިވަނީ އިންފަންޓީނޯގެ ފުރަތަމަ ދައުރަކީ ބާކީ އޮތް މުއްދަތެއް ފުރިހަމަކުރުން ކަމަށްވާތީ، އޭނާއަށް އިތުރު ދައުރަކަށް ކުރިމަތިލެވޭނެ ކަމަށް

އުމުރުން 38 އަހަރުގައި މަޓާ ފުޓްބޯޅަ ކުޅުން ހުއްޓާލައިފި

ސްޕެއިނާއެކު ވޯލްޑް ކަޕާއި ޔޫރޯ ކާމިޔާބުކޮށް، ޗެލްސީ އާއި މެންޗެސްޓާ ޔުނައިޓެޑް ފަދަ ބޮޑެތި ކްލަބްތަކަށް ކުޅުނު ހުއާން މަޓާ އުމުރުން 38 އަހަރުގައި ފުޓްބޯޅަ ކުޅުން ހުއްޓާލައިފިއެވެ. ކުޅުމުން ރިޓަޔާކުރި ނަމަވެސް، ކުރިއަށް އޮތް ތަނުގައިވެސް ފުޓްބޯޅައިގެ ދާއިރާއިން ފެންނާނެ ކަމަށް އޭނާ ވަނީ ބުނެފައެވެ.

ޕާކިސްތާން ފުޓްބޯޅަ ކުރިއަރާނީ ޕްރޮފެޝަނަލް ލީގެއް އޮވެގެން

ޕާކިސްތާން ފުޓްބޯޅަ ކުރިއެރުވުމަށްޓަކައި އެ ގައުމުގައި ވަރުގަދަ ޕްރޮފެޝަނަލް ލީގެއް އޮތުން މުހިންމު ކަމަށް ގައުމީ ކޯޗު ނޮލްބާޓޯ ސޮލާނޯ ބުނެފި. އޭނާ ފާހަގަކުރި ގޮތުގައި ހަމައެކަނި ބޭރުގައި ކުޅޭ ކުޅުންތެރިންނަށް ބަރޯސާވުމުގެ ބަދަލުގައި، ލޯކަލް ކުޅުންތެރިން ކުރިއެރުވޭނީ ގަވާއިދުން ކުޅޭނެ ލީގެއް އޮވެގެން

Newsletter

Get the latest news delivered straight to your inbox