ހުޅުމާލޭ ދެވަނަ ފިޔަވަހީގައި އިމާރާތްކޮށްފައިވާ އަމާން އުދަރެސްގެ ޓަވަރަކުން ކުއްޖަކު ވެއްޓިގެން ފުލުހުން ހަރަކާތްތެރިވާން ފަށައިފި އެވެ.
މީޑިއާތަކަށް ފޮނުވި މެސެޖެއްގައި ފުލުހުން ބުނި ގޮތުގައި ކުއްޖާ ވެއްޓިފައިވަނީ އަމާން އުދަރެސް ދެވަނަ ޓަވަރުގެ ތިންވަނަ ފަންގިފިލާއިންނެވެ. އެ މައްސަލަ ފުލުހުންނަށް ރިޕޯޓުކުރީ މިއަދު މެންދުރު 11:35 ހާއިރު އެވެ.
ފުލުހުން ބުނެފައިވާ ގޮތުގައި ވެއްޓިފައިވަނީ އުމުރުން 16 އަހަރުގެ ދިވެހި އަންހެން ކުއްޖެކެވެ. އެ ކުއްޖާއަށް މިހާރު އަންނަނީ ހޮސްޕިޓަލުގައި ފަރުވާ ދެމުންނެވެ.
މި މައްސަލަ ތަހުގީގު ކުރަމުން އަންނަ ކަމަށް ފުލުހުން ބުނެފައިވެ އެވެ.
