ހުރިހާ ރިސޯޓަކުން 40 ޕަސަންޓު މާރުކުރުމާ ދެކޮޅު ހަދަން ޔާމީން ގޮވާލައްވައިފި

ކުރީގެ ރައީސް އަބްދުﷲ ޔާމީން: 40 ޕަސަންޓު މާރުކުރުމާ ރިސޯޓުތަކުން ދެކޮޅު ހެދުމަށް އެމަނިކުފާނު ގޮވާލެއްވި -- ފޮޓޯ: އަދަދު

ކުރީގެ ރައީސް އަބްދުﷲ ޔާމީން: 40 ޕަސަންޓު މާރުކުރުމާ ރިސޯޓުތަކުން ދެކޮޅު ހެދުމަށް އެމަނިކުފާނު ގޮވާލެއްވި -- ފޮޓޯ: އަދަދު

ރިސޯޓުތަކަށް ލިބޭ އާމްދަނީގެ 40 ޕަސަންޓު މާރުކުރުމަށް މަޖުބޫރުކުރާ ގޮތަށް ގާނޫނަށް ގެނެސްފައިވާ ބަދަލާ ދެކޮޅު ހެދުމަށް ކުރީގެ ރައީސް އަބްދުﷲ ޔާމީން ރިސޯޓުތަކަށް ރޭ ގޮވާލައްވައިފި އެވެ. 

ފުވައްމުލަކުގައި ބޭއްވި ޕީއެންއެފްގެ ޖަލްސާގައި ޔާމީން ވިދާޅުވީ ރިސޯޓުތަކަށް ލިބޭ އާމްދަނީގެ 40 ޕަސަންޓު މާރުކުރުމާ ދެކޮޅު ހަދައި، އެއީ އުފުލޭނެ ތަކުލީފެއް ނޫންކަން ހާމަކުރަމުންދިޔުމަށް އެެދިވަޑައިގަންނަވާ ކަމަށެވެ. 

"ހަމަ ހުރިހާ ރިސޯޓުތަކުން. ހުރިހާ ރިސޯޓުތަކުން. މީގައި މަޓީއެއް ނޫން. މަޓީއެއް ނޫން މީގައި. ހަމަ ވަކިވަކި ރިސޯޓުތަކުން. ހަމަ ހުރިހާ ރިސޯޓުތަކުން ކެރެންވީ ބުނަން މިއީ ތިމަންނަމެން ގަބޫލުކުރާ އެއްޗެއް ނޫނޭ [ރިސޯޓުތަކަށް ލިބޭ އާމްދަނީގެ 40 ޕަސަންޓު މާރުކުރުން]. އަދި އަމުދުން ތިމަންނަމެންނަކަށް މި ތަކުލީފު ނުއުފުލޭނެއޭ،" ޔާމީން ވިދާޅުވި އެވެ. 

ގާނޫނަށް ބަދަލު ގެނެސްގެން ރިސޯޓުތަކަށް ލިބޭ އާމްދަނީގެ ބޮޑު ބައެއް މާރުކުރާ ގޮތަށް މަޖުބޫރުކުރުމަކީ ހުދުމުހުތާރު ކަމެއް ގޮތުގައި ޔާމީނު ސިފަކުރެއްވި އެވެ.

ޔާމީން ވިދާޅުވީ ރިސޯޓުތަކަށް ލިބޭ އާމްދަނީގެ 10 ޕަސަންޓަށްވުރެ އިތުރަށް މާރުކުރަން ޖެހޭނަމަ ދަތިވާނެ ކަމަށް ރިސޯޓުތަކުން ބުނެފައިވާ ކަމަށެވެ. ރިސޯޓުތައް ހަދަން ނެގި ލޯނުވެސް ޑޮލަރުން ދައްކަންޖެހޭއިރު، އާމްދަނީގެ ބޮޑުބައެއް މާރުކުރަން ޖެހުމަކީ އެ ރިސޯޓުތަކަށް ދަތިވާނެ ކަމެއް ކަމަށް އެމަނިކުފާނު ވިދާޅުވި އެވެ. 

"މުއިއްޒަށް އެނގިވަޑައިގަންނަވަންވާނެ. އެނގިވަޑައި ނުގަންނަވަންޏާ ހަމަ ގައިމުވެސް މިކަހަލަ މާލީ ކަންކަމުގައި އިސްކޮށް އުޅުއްވާ އެއް ބޭފުޅެއް އެމްއެމްއޭ ގަވަރުނަރު. އޭނައަކީ އަޅުގަނޑު ކައިރީގައިވެސް އުޅުއްވި ބޭފުޅެއް. އެހެންވީމަ އެމީހުންނަށް އެނގެންވާނެ މިކަހަލަ ކަންތައް ގާނޫނަކުން ފާސްކުރިޔަސް މިކުރެވެނީ ހަމަ ހުދުމުހުތާރު ސިފަ މިޔަށް ގެންނަން،" ޔާމީން ވިދާޅުވި އެވެ. 

"އެއީ މި މީހުންނާ މަޝްވަރާކޮށްގެން، ޓޫރިޒަމް އިންޑަސްޓްރީން ބުނެފައި އޮތީ 10 ޕަސަންޓަށްވުރެ ބޮޑު އަދަދެއް ތިބޭފުޅުން ވިދާޅުވެއްޖެއްޔާ ދަތިވާނެއޭ. ރިސޯޓުތަކަކީވެސް ބައިވަރު ޑޮލަރު ދީގެން އެމީހުން ކަންތައްތަކެއް ކުރާބައެއް ދެއްތޯ. އެމީހުން ރިސޯޓު ހަދަން ނެގި ލޯނު އަދައެއް ނުކުރެވޭނެ ދިވެހި ރުފިޔާއިން."

ނިމިދިޔަ ހަފްތާގައި މަޖިލީހުން ބޭރު ފައިސާއާ ބެހޭ ގާނޫނަށް ބަދަލު ގެނެސް ފާސްކުރީ މީލާދީ އަހަރެއްގެ ތެރޭގައި 25 މިލިއަން ޑޮލަރަށް ވުރެ ބޮޑު އާމްދަނީއެއް ލިބޭ ޓޫރިޒަމް ވިޔަފާރިތައް ނޫން އެހެން ވިޔަފާރިތަކަށް ލިބޭ އާމްދަނީގެ 40 ޕަސެންޓު މާރުކުރަން ޖެހޭ ގޮތަށެވެ. އެ ގާނޫނުގައި ބުނާ ކެޓެގަރީ-ސީ އަށް ގެނައި އެންމެ ބޮޑު ބަދަލަކީ، މާރުކުރަން ޝަރުތު ހަމަވާ އާމްދަނީގެ މިންވަރު އަހަރަކު 15 މިލިއަން ޑޮލަރުން 25 މިލިއަން ޑޮލަރަށް މަތިކުރުމެވެ. 

ސަރުކާރުން ބުނަނީ ބޭރު ފައިސާގެ ގާނޫނަށް ގެންނަ ބަދަލުތަކާއި ތަންފީޒީ ކަންކަން ހަރުކަށިކުރަން އަޅާ ފިޔަވަޅުތަކާއެކީ، ޑޮލަރުގެ ކަޅު ބާޒާރު ނައްތާލައި، މި ތާށިކަން ހަމައަކަށް އެޅުވޭނެ ކަމަށެވެ. ނަމަވެސް މި ކަމާ ދެކޮޅެ ހަދާ އިގުތިސޯދީ މާހިރުންނާއި އިދިކޮޅުން ބުނަނީ މި ފިޔަވަޅުތަކުގެ ސަބަބުން ޑޮލަރު މައްސަލަ އިތުރަށް ގޯސް ވެދާނެ ކަމަށެވެ. 

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox