އެމްޓީޑީސީގެ މެނޭޖުމަންޓުން އޮޅުވާލާ ކަމަށް ބުނެ ބޯޑުން އަސާމީ އިސްތިއުފާ ދީފި

Aug 23, 2026, 6:48 PM
އެމްޓީޑީސީގެ ބޯޑުން އިސްތިއުފާ ދެއްވި އަސާމީ: އޭނާ ވަނީ ކުންފުނީގެ މެނޭޖުމަންޓަށް ބޮޑެތި ތުހުަމަތުތަކެއް ކުރައްވާފައި --- ފޮޓޯ: އެމްޓީޑީސީ

އެމްޓީޑީސީގެ ބޯޑުން އިސްތިއުފާ ދެއްވި އަސާމީ: އޭނާ ވަނީ ކުންފުނީގެ މެނޭޖުމަންޓަށް ބޮޑެތި ތުހުަމަތުތަކެއް ކުރައްވާފައި --- ފޮޓޯ: އެމްޓީޑީސީ

މޯލްޑިވްސް ޓޫރިޒަމް ޑިވެލޮޕްމަންޓް ކޯޕަރޭޝަން (އެމްޓީޑީސީ) ގެ މެނޭޖުމަންޓުން ބޯޑުގެ ނިންމުންތަކާ އެއްގޮތަށް އަމަލުނުކޮށް، ކުންފުނީގެ ހިއްސާ އިތުރުކުރަން ބޯޑުން ރުހުން ދިން ކަމަށް މެނޭޖުމަންޓުން ދެއްކީ މުޅިން ތެދު ވާހަކަތަކެއް ނޫން ކަމަށް ވިދާޅުވުމަށް ފަހު އެ ކުންފުނީގެ ބޯޑު މެންބަރު އަސާމީ ރުޝްދީ މިއަދު އިސްތިއުފާ ދެއްވައިފި އެވެ. 

މި ނޫހަށް ލިބިފައިވާ އަސާމީގެ އިސްތިއުފާގެ ސިޓީގައި، އަސާމީ ވިދާޅުވެފައި ވަނީ އެ ނިންމުން ނިންމީ ކުންފުނީގެ އާންމު ހިއްސާދާރުންގެ މަސްލަހަތާ ދެކޮޅަށް ކުންފުނީގެ މެނޭޖުމަންޓުން ބައެއް ނިންމުންތައް ނިންމަމުންދާ ކަމަށެވެ. 

އެ ގޮތުން އަސާމީ ވަނީ އަޔާޑާ ރިސޯޓުގެ މައްސަލައިގައި ބޯޑުގެ ނިންމުމާ އެއް ގޮތަށް އަމަލުކުރަމުން ނުދާ ކަމަށް ވެސް ސިޓީގައި ބަޔާންކުރައްވާފަ އެވެ. އޭނާ ވިދާޅުވީ،  އެ މައްސަލައިގައި ބޯޑުގެ ނިންމުމާ އެއް ގޮތަށް އަމަލުނުކުރާ މައްސަލައިގައި އޭނާ ހިމެނޭހެން ބޯޑުގެ އެހެން ޑިރެކްޓަރުން ހުށަހަޅާފައިވާިއރު، އެކަމަށް ވެސް އެދެވޭ ޖަވާބެއް ލިބިފައި ނުވާ ކަަމަށެވެ.

މަގުއްދުވާ ވިއްކާލަން ނޫޅޭ ކަމަށް އެމްޓީޑީސީން ބުނެފި

އެމްޓީޑީސީގެ ދަށުގައިވާ ގދ. މަގުއްދުވާ ހިމެނޭހެން އެއްވެސް ރަށެއްގެ ހެޑްލީސް ވިއްކާލަން އުޅޭ ކަމަށް ދެކެވޭ ވާހަކަތައް އެ ކުންފުނިން ދޮގުކޮށްފިއެވެ. އެ ކުންފުނިން ބުނިގޮތުގައި ރަށެއް ވިއްކާލުމުގެ އެއްވެސް މަޝްވަރާއެއް ނުހިނގާ ކަމަށާއި، ކުންފުނީގެ މުއާމަލާތްތަކާ ގުޅޭ މައުލޫމާތު ހާމަކުރަމުންދާނީ ރަސްމީކޮށް ކަމަށެވެ.

އެމްޓީޑީސީގެ ބޯޑު މެންބަރަކު މިހެން ވިދާޅުވިއިރު، އަޔާޑާ ހިންގާ ގދ. މަގުއްދުވާގެ ހެޑްލީސް އެ ރިސޯޓު ތަރައްގީކުރި ތުރުކީ ކުންފުންޏަށް ވިއްކާލަން އުޅޭ ވާހަކަ އެމްޓީޑީސީން ވަނީ ދޮގުކޮށްފަ އެވެ. އަދި، އެ ރަށް ހިމެނޭހެން އެ ކުންފުނީގެ އެއްވެސް މުދަލެއް ވިއްކާލަން ނޫޅޭ ކަމަށް ބުނެ ބަޔާނެއް ނެރެފަ އެވެ. 

އަސާމީ ދެން ފާހަގަކުރެއްވި ރައިސްޓް އިޝޫ މައްސަލައިގައި، އޭނާ ވިދާޅުވީ، އެކަމާ ދެކޮޅު ހެދި ހަމައެކަނި ބޯޑު މެންބަރަކީ އޭނާ ކަމަށެވެ. ސަބަބެއް ކަމަށް އޭނާ ވިދާޅުވީ، އޭގެ ސަބަބުން އެމްޓީޑީސީގެ އާންމު ހިއްސާދާރުންގެ މަސްލަހަތަށް އުނިކަން އައުމާއި، ކުންފުނި އުފެއްދި އަސްލު މަގުސަދާ ހިލާފަށް، ހިއްސާދާރުންނަށް ލިބެން ޖެހޭ މަންފާ އާއި ކުރިއެރުން ގެއްލިގެން ދާނެ ފަދަ ނިންމުންތައް ނިންމާ ވަސީލަތަކަށް ކުންފުނިން ބަދަލުވެގެން ދިޔުމެވެ. 

އަޔާޑާ ނުއަގުގައި ވިއްކާލުމުގެ ޑީލަށް މަގުފަހި ކުރަން އެމްޓީޑީސީގެ އިތުރު ހިއްސާ ވިއްކަނީ

ސަރުކާރުގެ އަތުގައި އޮންނަނީ އެމްޓީޑީސީގެ 47 ޕަސެންޓު ހިއްސާ އެވެ. ބާކީ 53 ޕަސެންޓު ހިއްސާއަކީ އާންމުންނަށް ވިއްކާފައިވާ ހިއްސާ އެވެ. ރައިޓްސް އިޝޫއަކަށް ގޮސް އިތުރު ހިއްސާ ވިއްކުމުން ސަރުކާރަށް މެޖޯރިޓީ ހިއްސާ ގަތުމުގެ ފުރުސަތެއް އޮވެދާނެ އެވެ. އިތުރު ކުރާ ހިއްސާ މިހާރުގެ ހިއްސާދާރުން ނުގަނެފި ނަމަ އެ ފުރުސަތު ދެން ލިބޭނީ ސަރުކާރަށެވެ.

ރައިޓްސް އިޝޫއަކަށް ދާން ބޯޑުން ރުހުން ދިން ކަމަށް މެނޭޖުމަންޓުން ދެއްކި ވާހަކަތައް އަސާމީ ދޮގުކުރެއްވީ، ބޯޑުން ކުރި ޝަރުތުތަކުގެ އަޕްޑޭޓް ނުދީ، އެ ވާހަކަ މީޑިއާގައި އާންމުކުރުމުންނެވެ. އޭނާ ވިދާޅުވީ، މި އަޕްޑޭޓުތައް ނުދީ، ހިއްސާ ވިއްކަން ބޯޑުން ހުއްދަ ދިން ކަަމަށް އާންމުކުރުމަކީ ހިއްސާދާރުންނާއި އާންމު ރައްޔިތުން ބޯޑު މެންބަރުންނާ މެދު ގޯސް ތަސައްވުރެއް އުފެދޭނެ ކަމެއް ކަމަށެވެ. 

"ކުރިން މިދެންނެވި ނިންމުމާ މެދު އަޅުގަނޑުގެ އިއުތިރާޒު ރަސްމީކޮށް ރެކޯޑުކުރަމުން، މި ބޯޑުގައި އިތުރަށް ދެމިހުރުމަކީ އަޅުގަނޑު ގަބޫލުނުކުރާ މި ނިންމުންތަކަށް ދެވޭ ރުހުމެއްގެ ގޮތުގައި ބެލެވިދާނެތީ، އަޅުގަނޑު މަގާމުން އިސްތިއުފާދެމެވެ. މިއީ ހިއްސާދާރުންނަށާއި ކުންފުންޏަށް އެންމެ ރަނގަޅު ގޮތް ކަމުގައިވެސް އަޅުގަނޑު ދެކެން" އަސާމީގެ ސިޓީގައި ވިދާޅުވެފައިވެ އެވެ. 

އެމްޓީޑީސީން ވަނީ މި މަހުގެ ފަހުކޮޅަށް އެ ކުންފުނީގެ އަހަރީ އާންމު ޖަލްސާ ތާވަލުކޮށްފަ އެވެ. އެ ޖަލްސާގައި މި ރައިޓްސް އިޝޫއަށް ދިޔުމާ މެދު ވޯޓަށް އެހުމާއި އާ ޑިރެކްޓަރުން އައްޔަންކުރުން އޮންނާނެ އެވެ. 

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox