ދެވަނަ ޓިކްޓޮކް ހަދައިގެންވެސް ފާޑުކިޔުންތަކުން ސައީދު ސަލާމަތެއް ނުވި

އިކޮނޮމިކް މިނިސްޓަރު މުހައްމަދު ސައީދު: ތަކެތީގެ އަގުބޮޑުވުން ދިފާއުކުރައްވާ މިނިސްޓަރު ސައީދު ދެވަނަ ވީޑިއޯ ހައްދަވައިގެން ވެސް އާންމުންގެ ފާޑުކިޔުންތަކުން ސަލާމަތެއް ނުވި -- ފޮޓޯ: ރައީސް އޮފީސް

އިކޮނޮމިކް މިނިސްޓަރު މުހައްމަދު ސައީދު: ތަކެތީގެ އަގުބޮޑުވުން ދިފާއުކުރައްވާ މިނިސްޓަރު ސައީދު ދެވަނަ ވީޑިއޯ ހައްދަވައިގެން ވެސް އާންމުންގެ ފާޑުކިޔުންތަކުން ސަލާމަތެއް ނުވި -- ފޮޓޯ: ރައީސް އޮފީސް

ތަކެތީގެ އަގުބޮޑުވުން ދިފާއުކުރަން އިކޮނޮމިކް މިނިސްޓަރު މުހައްމަދު ސައީދު ދެވަނަ ވީޑިއޯއެއް ސޯޝަލް މީޑިއާގައި އާންމުކުރެއްވުމުން ވެސް ރައްޔިތުންގެ ފާޑުކިޔުންތަ އަމާޒުވެއްޖެ އެވެ. 

ތަކެތީގެ އަގުބޮޑުވުން ދިފާއުކުރައްވާ ސައީދު ދެ ވީޑިއޯއެއް ސޯޝަލް މީޑިއާގައި އާންމުކުރެއްވީ ތަކެތީގެ އަގު އުފުލެމުންދާ ކަމަށް ބުނެ އިދިކޮޅު މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) އިން އަޑުއުފުލުމަށް މުޒާހަރާއަކަށް ތައްޔާރުވަމުން އަންނާތީ އެ ވާހަކަތަކަށް ރައްދު ދެއްވުމަށެވެ. 

ސައީދުގެ ދެވަނަ ވީޑިއޯގައި ކުރީ ސަރުކާރުގައި ތަކެތީގެ އަގުބޮޑުވުމާ ގުޅޭގޮތުން ވާހަކަދައްކައި އެކަމާ ގުޅޭ ބައެއް ހަބަރުތަކުގެ ސުރުހީތައް ދައްކާފައިވެ އެވެ. އޭނާގެ ފުރަތަމަ ވީޑިއޯގައި މަސައްކަތްކުރީ ބައެއް ގައުމުތަކަށްވުރެ ރާއްޖޭގައި ތަކެތީގެ އަގުހެޔޮކަމަށް ދައްކަންށެވެ. 

Advertisement

ނަމަވެސް ސައީދު އާންމުކުރެއްވި ވީޑިއޯތަކަށް ރައްދުދީ އާންމުން ބުނަމުންދަނީ ތަކެތީގެ އަގުބޮޑުކަން އެ ރައްޔިތުންނަށް އިހުސާސްވަމުންދާ ކަމަށާއި ދޮގު ހަދައިގެން ސަލާމަތް ނުވާނެ ކަމަށެވެ. 

މީގެއިތުރުން ތަކެތީގެ އަގުބޮޑުވުމާ ގުޅިގެން ކުރީ ސަރުކާރުގެ މައްސަލައެއް ކަމަށް ބުނެ ބަހަނާ ނުދައްކައި، މި ސަރުކާރަށް ކަންކަން ހައްލުކުރުމުގެ ގާބިލު ނެތްކަމަށް އެއްބަސްވިޔަސް މާ ރަނގަޅުވާނެ ކަމަށް ބައެއް މީހުން ބުންޏެވެ. 

ސައީދުގެ ދެވަނަ ވީޑިއޯ އާންމުން ދިން ބައެއް ރައްދުތައް:

"މިއީ ދެން ތަންކޮޅެއް ބޮޑުވަރު. އެއްޗެހި ގަނެގެން ކަނީ އަހަރުމެންނޭ. އަގުބޮޑޭ މިކިޔަނީ ބޮޑުވީމަ. ދޮގު ހަދައިގެން ނަރަކައިން ސަލާމަތެއް ނުވާނެ،" ސައީދުގެ ޕޯސްޓަށް ކޮމެންޓުކުރި މީހަކު ބުންޏެވެ. 

"ހަމައެކަނި ލެކްޓޯޖެން ނުލިބި އެތައް މަސްތަކެއް ވާކަށް އެއީ ދިވެހި އެންމެހައި ކަންމަތީ ވިޔަފާރިތައް ހެކިވާނެ ކަމެއް. މިހާ ދަތިކޮށް ރައްޔިތުންގެ އާންމުކޮށް ބޭނުންވާ ތަކެތި ލިބުން ދަތި ދުވަސްވަރެއް ނާދޭ،"

"އިކޮނޮމިސްޓުންނަކީ ވަރަށް ސްމާޓް ތިންކިން ގެންގުޅޭ ބައެއް. ބޭފުޅާ ތިޔަ އުޅުވަނީ އާދައިގެ އެކްޓިވިސްޓަކު އުޅޭހެން. އަބަދު އެމްޑީޕީއަކުން ނުނެއްޓި މުޅި ހަޔާތް،"

"އުޑުގައި ޖެހިފައި ބިމުގައި ޖެހުނަސް ތަކެތީގެ އަގު އިންތިހާއަށް ބޮޑުވެއްޖެ. އެމްޑީޕީ ބަވާ. ދިވެހި ރައްޔިތުން އެދަނީ ބޮޑު ތަދު އަމިއްލައަށް ތަހަންމަލު ކުރަމުން. ކައޭ ތި ބުނަނީ ދިވެހި ރައްޔިތުން ހަދަނީ ދޮގޭ،"

"ބައްލަވާ މޮޔަވީތޯ. ދަރަންޏާ ފައިސާ ޗާޕްކޮށްގެން ފުޑިފަ އޮތީމާތޯ 700 މިލިޔަން ޑޮލަރު ރަސްމާލެއަށް ތަޅާލާ ޑްރޯނާ ހަތިޔާރު ގަންނަން 300 މިލިޔަން ތަޅާލީ. އެނޫންވެސް އެތައް މިލިއަނެއް ދެބިލިއަނާ ގާތަށް އިސްރާފުކޮށް މިހާރު ތި ދައްކަނީ ހޮޅި ވާހަކަ،"

"މީނަ ފޮނުވަންވެއްޖެ ކަންމަތީ ފިހާރައަކަށް 500ރ. ދީފައި ގެއަށް ބޭނުންވާ އެއްޗިސް ގަންނަން. އޭރުން އެނގޭނެ ހަރަދުވާވަރު،"

"ކަލެއަކަށް ތަކެތީގެ އަގެއް ބޮޑެއް ނުވާނެނު މާދަންވެސް ލައްކައެކޭ ބުނެފިއްޔާ ކަލެއަށް ޖަމާވާނީ ލައްކައެއް، އެކަމަކު އާންމު ރައްޔިތުންނަކަށް ކެތެއް ނުވާނެ. ކަލޭ ހީކުރީ ރައްޔިތުން ތިބީ ބުއްދިފިލާ ލޮލަށް މިރުސްފެން އެޅިފައި ކަމަށްތަ، ތަކެތީގެ އަގުބޮޑުވެއްޖެ އިންތިހާއަށް،"

"މިނިސްޓަރު ކިހިނެއް ތިއުޅެނީ ސަރުކާރު ޕްރޮމޯޓް ކުރަން އުޅުން ބޮޓުން ކަމުދާވަރަށް މަސައްކަތް ނުކުރެވުނީތޯ. މިނިސްޓަރު ބާޒާރު މައްޗަށް ނިކުމެ ރައްޔިތުން ގާތު ސުވާލުކޮށްލަބަލަ ތިހާ އަސްލު ގެނެސްދޭން ބޭނުންވަންޏާ. ވެރިމީހާ މަޖުބޫރުކޮށްގެން ތިއުޅެނީ،"

ސައީދު ޕޯސްޓުކުރެއްވި ފުރަތަމަ ވީޑިއޯއަށްވެސް ގިނަބައެއްގެ ފާޑުކިޔުން އަމާޒުވި އެވެ. ރައްޔިތުން ބުނަމުންދަނީ ވީޑިއޯތައް ހަދައިގެން ދޮގުހެދިޔަސް ހަގީގަތް ބަދަލު ނުވާނެ ކަމަށެވެ. 

އާދީއްތަ ދުވަހުގެ ރޭ ބޭއްވި އެމްޑީޕީގެ ގައުމީ މަޖިލީހުގެ ޖަލްސާގައި ވަނީ ތަކެތީގެ އަގު އުފުލެމުން އަންނާތީ "ދަތިވެއްޖެ" ނަމުގައި އޮގަސްޓު 12، ގައި ވެރި ރަށް މާލޭގައި މުޒާހަރާ ކުރުމަށް ނިންމާފަ އެވެ. އެ މުޒާހަރާ އިއުލާން ކުރުމަށް ފަހު އެމްޑީޕީން އަންނަނީ ތަކެތީގެ އަގުތައް އުފުލިފައިވާ މިންވަރު ދައްކުވައިދިނުމަށް ސޯޝަލް މީޑިއާއަށް ޕޯސްޓުތަކެއް ދޫކުރަމުންނެވެ. 

 މުހައްމަދު މުއިއްޒުގެ ވެރިކަމުގައި ތަކެތީގެ އަގު ވަނީ ވަރަށް ބޮޑަށް އުފުލިފަ އެވެ. ސަރުކާރުން އާންމު ތަފާސްހިސާބުތަކަށް ބަލާއިރު، އަހަރެއްގެ ތެރޭގައި އަސާސީ ކާބޯތަކެތީގެ އަގު ވަނީ އަށް ޕަސެންޓު އުފުލިފަ އެވެ. 

ސްޓެޓިސްޓިކްސް ބިއުރޯއިން ނެރޭ އެސެންޝަން ކޮމޮޑިޓީސް ޕްރައިސް އިންޑެކްސް އިން ދައްކާ ގޮތުގައި އަހަރެއްގެ ތެރޭގައި އެންމެ ބޮޑުވީ ގޭހާއި ތެލުންނެވެ. ކާބޯތަކެއްޗާއި ބެވެރޭޖާސް އާއި ރީތިވާ ސާމާނުގެ އަގުތައް ވެސް ވަނީ އުފުލިފަ އެވެ.

އިންފްލޭޝަން މަތިވެ، އަސާސީ ތަކެތީގެ އަގު އުފުލެމުންދާއިރު ދިވެހި އިގްތިސާދު އޮތީ ވަރަށް ބަލިކަށިކޮށެވެ. ރުފިޔާގެ އަގު ވެއްޓި މިއަދު ޑޮލަރެއް ގަންނަން ލިބެނީ 21.75ރ. އަށެވެ. މިއީ ދިވެހި ތާރީހުގައި ވެސް ރުފިޔާގެ އަގު މިހާ ބޮޑަށް ވެއްޓުނު ފުރަތަމަ ފަހަރެވެ. 

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox