ވޯލްޑް ކަޕްގެ ފޯމު ރަނގަޅުވުމުން ފެރާން މަޑުކުރުވަން ބާސެލޯނާ އިން މަސައްކަތްކުރަނީ

Aug 4, 2026, 11:40 AM
ބާސެލޯނާ އަށް ލަނޑެއް ޖަހައިދިނުމަށް ފަހު ފެރާން އުފާފާޅުކުރަނީ.

ބާސެލޯނާ އަށް ލަނޑެއް ޖަހައިދިނުމަށް ފަހު ފެރާން އުފާފާޅުކުރަނީ.

ބާސެލޯނާ (އޮގަސްޓް 4) - އެމެރިކާ، މެކްސިކޯ އަދި ކެނަޑާގައި ކުރިއަށްދިޔަ ފީފާ ވޯލްޑް ކަޕް ފުޓްބޯޅަ މުބާރާތުގެ ޗެމްޕިއަންކަން ސްޕެއިނަށް ހޯދައިދިން ގޯލު ޖަހައިދިން ފޯވާޑް، ފެރާން ޓޮރޭސް، ބާސެލޯނާގައި މަޑުކުރުވުމަށްޓަކައި، އާ ކޮންޓްރެކްޓެއް ދޭން އެ ކްލަބުން މަސައްކަތް ފަށާފައިވާ ކަމަށް ރިޕޯޓްތައް ބުނެފި އެވެ. 

އުމުރުން 26 އަހަރުގެ ފެރާން މި ވަގުތު ބާސެލޯނާއާ އެކު ހަދާފައި އޮތް ކޮންޓްރެކްޓްގައި ބާކީ އޮތީ އެންމެ އަހަރެކެވެ. ފެރާންގެ ސޮއި ހޯދަން ޔޫރަޕްގެ ޗެމްޕިއަން، ޕީއެސްޖީން މަސައްކަތް ކުރަމުން އަންނައިރު، އިނގިރޭސި ޕްރިމިއާ ލީގާއި އިޓާލިއަން ލީގުގެ ބައެއް ކްލަބްތަކުން ވެސް އަންނަނީ ފެރާން އަށް ފާރަލަމުންނެވެ. 

މިދިޔަ ސީޒަނަށް ފަހު، ރޮބަޓް ލެވަންޑޯސްކީ، ބާސެލޯނާ ދޫކޮށްލުމުން، އެ ޓީމުގައި މި ވަގުތު ސީދާ ސްޓްރައިކަރަކަށް ބޭނުންކުރަން ތިބީ މަދު ކުޅުންތެރިންނެވެ.

ބާސެލޯނާ އިން މި ފަހަރުގެ ޓްރާންސްފާގައި އެންމެ ގެންނަން ބޭނުންވި އާޖެންޓީނާގެ ފޯވާޑް، ހޫލިއަން އަލްވަރޭޒް އެވެ. އެކަަމަކު، އަލްވަރޭޒް ދޫކުރަން، އޭނާގެ ކްލަބް، އެތުލެޓިކޯ މެޑްރިޑުން ވަނީ ދެކޮޅު ހަދައިފަ އެވެ. ބާސެލޯނާ އިން ވަނީ، ފެރާން ހިމެނޭ ޑީލެއްގައި އަލްވަރޭޒް ގެންނަން ވެސް މަސައްކަތްކޮށްފަ އެވެ. އެކަމަކު، އެ ޑީލުގައި ހިމެނެން ފެރާން ވެސް ދެކޮޅު ހެދި އެވެ. 

ވޯލްޑް ކަޕަށް ފަހު، ފެރާން، ބާސެލޯނާގެ ޕްރީ ސީޒަން ޕްރެކްޓިހާ ގުޅޭނީ، މި މަހު 10 ވަނަ ދުވަހު އެވެ. ރިޕޯޓްތައް ބުނާގޮތުން، ފެރާން، ޓީމުގެ ކޭމްޕަށް އައުމާ އެކު، އޭނާއާ އެކު، އާ ކޮންޓްރެކްޓެއް ހެދުމުގެ މަޝްވަރާތައް ފަށަން ބާސެލޯނާ އިން އަންނަނީ ތައްޔާރުވަމުންނެވެ. 

މިދިޔަ ސީޒަނުގެ ހުރިހާ މުބާރާތެއްގައި ބާސެލޯނާ އަށް ޖުމްލަ އެކު، 21 ގޯލު ޖަހައިދިން ފެރާން، އާ ކޮންޓްރެކްޓެއްގައި ސޮއިކުރުވަން މިހާރު އެންމެ ބާރު އަޅަނީ، ބާސެލޯނާގެ ކޯޗު ހަންސީ ފްލިކް އެވެ. 

ކުރިން މެންޗެސްޓާ ސިޓީ އާއި ވެލެންސިއާ އަށް ވެސް ކުޅުނު ފެރާން، ބާސެލޯނާގެ އެއްބަސްވުން އާ ކުރަން ނިންމި ނަމަވެސް، އޭނާ އަށް އެ ޓީމާ އެކު، އާ ކޮންޓްރެކްޓެއްގައި ސޮއިކުރެވޭނީ، މި މަސް ނިމުމުންނެވެ. އެއީ، މެންޗެސްޓާ ސިޓީން މީގެ ހަތަރު އަހަރު ކުރިން، ފެރާން، ބާސެލޯނާ އަށް ގެންނަން ކުރި ޓްރާންސްފާގެ ފަހު ޕޭމަންޓް ކަމަށްވާ 10 މިލިއަން ޑޮލަރު ދައްކައިފަ އެެވެ. 

ސިޓީން ބާސެލޯނާ އަށް ފެރާން ވިއްކާލީ، 2021 ވަނަ އަހަރުގެ ޑިސެމްބަރު މަހު އެއްބަސްވި ޑީލެއްގަ އެވެ. އެއީ، އެ ވަގުތު 60 މިލިއަން ޑޮލަރު ދެއްކުމަށް ފަހު، ފަހުން އިތުރު 10 މިލިއަން ޑޮލަރު ދޭ ގޮތަށެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox