ނިއުކާސަލްގެ ގޯޑަން ގަންނަން ބާސެލޯނާ އިން އެއްބަސްވުމަކަށް

May 28, 2026, 1:10 AM
ނިއުކާސަލް އަށް ކުޅެމުން އަންނަ އިނގިރޭސި ފޯވާޑް، އެންތަނީ ގޯޑަން، އަންނަ ސީޒަނުގައި ފެންނާނީ ބާސެލޯނާ އިން ކަމަށް ރިޕޯޓްތައް ބުނޭ

ނިއުކާސަލް އަށް ކުޅެމުން އަންނަ އިނގިރޭސި ފޯވާޑް، އެންތަނީ ގޯޑަން، އަންނަ ސީޒަނުގައި ފެންނާނީ ބާސެލޯނާ އިން ކަމަށް ރިޕޯޓްތައް ބުނޭ

ލަންޑަން (މެއި 28) - ނިއުކާސަލް ޔުނައިޓެޑަށް ކުޅެމުން އަންނަ  އިނގިރޭސި ގައުމީ ޓީމުގެ، އެންތަނީ ގޯޑަން ގަންނަން ބާސެލޯނާ އިން އެއްބަސްވުމަކަށް އަތުވެފައިވާ ކަމަށް މީޑިއާ ރިޕޯޓްތައް ބުނެފި އެވެ. 

ބަޔާން މިއުނިކުން ވެސް ހޯދަން ޝައުގުވެރިކަން ފާޅުކޮށްފައިވާ، އުމުރުން 25 އަހަރުގެ ގޯޑަންގެ ޑީލް ބާސެލޯނާ އިން ނިންމާނީ ޖުމްލަ އެކު، 80 މިލިއަން ޑޮލަރު ދައްކާ ގޮތަށް ކަމަށް ރިޕޯޓްތައް ބުނެ އެވެ. އެ ގޮތުން، ބާސެލޯނާ އިން ފުރަތަމަ ދައްކާނީ 68 މިލިއަން ޑޮލަރެވެ. ބާކީ، 12 މިލިއަން ޑޮލަރު ދޭނީ ބާސެލޯނާގައި ގޯޑަން ދައްކާ ކުޅުމުގެ ތެރެއިން ވަކި ކަންކަން ހާސިލްވެއްޖެނަމަ އެވެ. 

ސްޕެއިނުގެ މީޑިއާ ރިޕޯޓްތައް ބުނާގޮތުގައި، ބާސެލޯނާ އިން ކުރިއަށް އޮތް ދުވަސްތަކުގެ ތެރޭގައި، ގޯޑަންއާ އެކު ކޮންޓްރެކްޓްގައި ސޮއިކޮށް، ފީފާ ވޯލްޑް ކަޕްގެ ކުރިން މި ޑީލް ނިންމާނެ އެވެ. ގޯޑަންގެ ސޮއި ހޯދުމުގެ ރޭހުގައި ބަޔާނުން ވެސް ވާދަކުރި ނަމަވެސް، ނިއުކާސަލް އިން ކިޔާ އަގުދޭން ބަޔާނުން ބޭނުމެއް ނުވެ އެވެ. 

Advertisement

އެކަމަކު، ބާސެލޯނާ އިން ގޯޑަންއާ އެކު މަޝްވަރާތައް ފަށައި، މިހާރު މި ވަނީ ކޮންޓްރެކްޓްގައި ސޮއިކުރުމާ ހަމައަށް ގޮސްފަ އެވެ. ގޯޑަން، ނިއުކާސަލްގެ ކޮންޓްރެކްޓްގައި ހުރީ، 2030 ވަނަ އަހަރުގެ ނިޔަލަށެވެ. އެހެން ނަމަވެސް ބާސެލޯނާގެ އޮފާ ލިބުމާ އެކު، ގޯޑަން ނިންމީ އެ ޓީމާ ގުޅޭށެވެ.

މީގެ ދެ އަހަރު ކުރިން، ގޯޑަން، އެވަޓަން ދޫކޮށް ނިއުކާސަލް އަށް ބަދަލުވީ، 50 މިލިއަން ޑޮލަރުގެ ޑީލެއްގެ ދަށުންނެވެ. އޭގެ ފަހުން، ގޯޑަން ވަނީ ޗެމްޕިއަންސް ލީގުގައި ނިއުކާސަލާއި ބާސެލޯނާ ބައްދަލުކުރި މެޗުތަކުގައި ވެސް ކުޅެފަ އެވެ. 

މިދިޔަ ސީޒަނުގައި ބާސެލޯނާ އަށް ލޯން އެއްބަސްވުމެއްގެ ދަށުން ކުޅުނު އިނގިރޭސި ފޯވާޑް، މާކަސް ރެޝްފޯޑް ވެސް އަންނަނީ އެ ކްލަބާ އެކު ހަދާފައިވާ އެއްބަސްވުން ދާއިމީ ކުރަން މަސައްކަތް ކުރަމުންނެވެ. ރިޕޯޓްތައް ބުނާގޮތުން، ގޯޑަން، ބާސެލޯނާ އަށް ގެންދަން ރެޝްފޯޑް އަންނަނީ ބާރު އަޅަމުންނެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox