21 މަސް ދުވަސް ފަހުން މުޑްރިކް އަށް ފުޓްބޯޅަ ކުޅެން ފުރުސަތު

Aug 1, 2026, 11:01 AM
ޗެލްސީގެ ޔޫކްރެއިންގެ ތަރި މިހައިލޯ މުޑްރިކް.

ޗެލްސީގެ ޔޫކްރެއިންގެ ތަރި މިހައިލޯ މުޑްރިކް.

ލަންޑަން (އޮގަސްޓް 1) - މަނާބޭހުގެ މައްސަލައެއްގައި ތާށިވެފައި ހުރި ޗެލްސީގެ ޔޫކްރެއިންގެ ތަރި، މިހައިލޯ މުޑްރިކްގެ ސަސްޕެންޝަންގެ މައްސަލައިގައި ހައްލެއް ލިބި، 21 މަސް ދުވަސް ފަހުން، އަލުން ކުޅުމުގެ ތެރެއަށް އަންނަން ފުރުސަތު ފަހިވެއްޖެ އެެވެ. 

އުމުރުން 25 އަހަރުގެ މުޑްރިކް މަނާބޭހެއް ބޭނުންކުރި މައްސަލަ ދިގުލައިދާތީވެ، އޭނާ ވަނީ މި އަހަރު ކުރީކޮޅުގައި، އެކަމަށް ހައްލެއް ހޯދަން، ކުޅިވަރުގެ އެންމެ މަތީ ކޯޓު، ކޯޓް އޮފް އާބިޓްރޭޝަން ފޯ ސްޕޯޓްސް (ކާސް) އަށް ހުށަހަޅައިފަ އެވެ. 

މުޑްރިކްގެ ޔޫރިން ޓެސްޓަކުން މަނާބޭހަށް ޕޮޒިޓިވްވި މައްސަލައެއްގައި އޭނާ އަށް ވަގުތީ ސަސްޕެންޝަނެއް އައީ 2024 ވަނަ އަހަރުގެ ޑިސެމްބަރު މަހު އެވެ. އޭގެ ފަހުން، 2025 ވަނަ އަހަރުގެ ޖޫން މަހު، މުޑްރިކް އަށް އިނގިރޭސި އެފްއޭ އިން އައި ސަސްޕެންޝަނުގައި އޮތީ ހަތަރު އަހަރެވެ. އެކަމަކު، މުޑްރިކް އަށް ދީފައިވާ މި ސަސްޕެންޝަނުގެ ފުރިހަމަ މައުލޫމާތުތަކެއް އިނގިރޭސި އެފްއޭ އިން ހުށަހަޅާފައިނުވެ އެވެ. މި ކަހަލަ މައްސަލަތަކުގައި އަމަލުކުރަމުން އަންނަ ގޮތަށް ބަލާއިރު، މުޑްރިކް އަށް މި ސަސްޕެންޝަނުން ސަލާމަތްވެ، އެންމެ އަވަހަށް ކުޅުމަށް އެނބުރި އާދެވޭނީ، 2028 ވަނަ އަހަރުގެ ޑިސެމްބަރު މަހު އެވެ. އެކަމަކު، މުޑްރިކް މި ވަނީ، މި މައްސަލައިގައި ހަގީގަތް ސާފުކޮށް، އޭނާ އަށް ދިފާއީ ގޮތުން ވާހަކަ ދައްކަން ފުރުސަތު ހޯދުމުގެ ގޮތުން ކާސް އަށް މައްސަލަ ހުށަހަޅައިފަ އެވެ. 

Advertisement

ކާސް އިން ރަނގަޅަށް މައްސަލަ ނުފަށަނީސް، އިނގިރޭސި އެފްއޭ އިން ނިންމާފައިވަނީ، މުޑްރިކްގެ މައްސަަލަ މިހާރު ނިމިފައިވާ ކަމަށެވެ. އެއީ، މި މައްސަލައިގައި މުޑްރިކް އަށް އަންނަން ޖެހޭ ވަރުގެ އަދަބަކާ އެއްވަރުގެ މުއްދަތެއް ކުޅުމާ ދުރުގައި އޭނާ މިހާތަނަށް ވެސް ހުރެފައިވާތީ އެވެ. 

އާސެނަލްގެ ޑީލެއް، 2023 ވަނަ އަހަރު، ހައިޖެކްކުރުމަށް ފަހު، ޗެލްސީން މުޑްރިކްގެ ސޮއި ހޯދީ ޔޫކްރެއިންގެ ޝަހުތަރު ޑޮނެސްކަށް 100 މިލިއަން ޑޮލަރު ދައްކައިފަ އެވެ. ޗެލްސީ އަށް ކުޅުނު 73 މެޗުން މުޑްރިކަށް ޖެހުނީ އެންމެ 10 ގޯލެވެ. ސަސްޕެންޝަންގައި ހުރި ނަމަވެސް، ޗެލްސީން އަންނަނީ ބަރާބަރަށް މުޑްރިކްގެ މުސާރަ ދެމުންނެވެ.  އެއީ، އަހަރަކަށް ގާތްގަނޑަކަށް ހަތް މިލިއަން ޑޮލަރެވެ. 

އަލުން ކުޅުމުގެ ފުރުސަތު ލިބުމުން ވަރަށް ބޮޑަށް ހިތްހަމަޖެހިފައި ހުރި މުޑްރިކް ބުނީ، އޭނާގެ ކެރިއަރުގެ އެންމެ އުނދަގޫ ދުވަސްތައް ނިމުމަކަށް އަތުވެ، އަލުން ކުޅުމަށް އެނބުރި އާދެވުމަކީ ލިބުނު ބޮޑު ނަސީބެއް ކަމަށެވެ. 

ޗެލްސީން ބުނީ، މުޑްރިކްގެ ފިޓްނަސް ރަނގަޅު ކުރުމަށްޓަކައި މަސައްކަތް ފަށާފައިވާ ކަމަށާއި އެ ކްލަބްގެ ޕްރީ ސީޒަން ޓުއާގަައި ވަރަށް އަވަހަށް އޭނާ ބަައިވެރިވާނެ ކަމަށެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox