ސްކޫލް ޗުއްޓީއާ ދިމާކޮށް، ކ. ތުލުސްދޫގައި ހުންނަ މަޝްހޫރު ހޮޓާ "ސީޒަން ޕެރަޑައިސް" އިން ދިވެހިންނާއި ވޯކް ޕާމިޓް އޮންނަ ބިދޭސީންނަށް ހާއްސަ ޕެކޭޖުތަކެއް ތައާރަފުކޮށްފިއެވެ. މިއީ ޗުއްޓީގައި އާއިލާ އާއި ރައްޓެހިންނާއެކު ހިތްގައިމު ދަތުރެއް ރާވާލަން ބޭނުންވާ ފަރާތްތަކަށް ލިބިގެންދާނެ ރަނގަޅު ފުރުސަތެކެވެ.
މި ޕެކޭޖުތަކުގެ ދަށުން ފުލް ބޯޑު އުސޫލުން ދެ މީހުންނަށް އެއް ކޮޓަރި ލިބޭނެއެވެ. މީގެ އިތުރުން ދަތުރުފަތުރުގެ ހިދުމަތްވެސް ހިމެނެނީ މުޅި ޕެކޭޖުގެ އަގުގެ ތެރޭގަ އެވެ. މާލެއިން ތުލުސްދޫއަށް ލޯންޗުގައި ކުރާ މި ދަތުރަށް ހޭދަވާނީ އެންމެ 25 މިނެޓާއި 30 މިނެޓާ ދެމެދުގެ ވަގުތެކެވެ.
ޕެކޭޖުގެ މުހިންމު ތަފްސީލުތައް:
- މުއްދަތު: 2 ދުވަހުގެ އަދި 3 ދުވަހުގެ ޕެކޭޖުތައް ލިބޭނެ
- ގްރޫޕް ޑިސްކައުންޓް: ގިނަ މީހުން ހިމެނޭ ގްރޫޕް ބުކިންތަކަށް އިތުރު ޑިސްކައުންޓާއެކު އަގުތައް އިތުރަށް ހެޔޮވެގެންދާނެ
- އިތުރު ހިދުމަތްތައް: ޕެކޭޖުގެ ތެރެއިން ސީޒަން ޕެރަޑައިސްގެ ސްވިމިންގް ޕޫލާއި ޖިމް ބޭނުންކުރުމުގެ ފުރުސަތު ހިލޭ ލިބޭނެ
- ޑޭ ވިޒިޓް: ރަށުގައި ރޭކުރުމުގެ ބަދަލުގައި ރަށަށް ޒިޔާރަތްކޮށްލަން ބޭނުންވާ ފަރާތްތަކަށް ހާއްސަ "ޑޭ ވިޒިޓް" ޕެކޭޖުތައްވެސް ވަނީ ތައާރަފުކޮށްފަ
ސީޒަން ޕެރަޑައިސްގައި އަލަށް ހުޅުވި "ދަ ގާޑަން ރެސްޓޯރަންޓް" އިން ސީފުޑް، ތައި، މެކްސިކަން އަދި އިޓަލީގެ މީރު ރަހަތައް ހިމެނޭ ގިނަ ބާވަތްތަކެއްގެ ކެއުންތައް ލިބެން ހުންނާނެ އެވެ. މީގެ އިތުރުން، މި ރެސްޓޯރަންޓުން ކ. ތުލުސްދޫގެ ކޮންމެ ސަރަހައްދަކަށްވެސް ކާބޯތަކެތި ޑެލިވަރީ ކޮށްދިނުމުގެ ހިދުމަތް ފޯރުކޮށްދެއެވެ.
ބުކިން ހެއްދެވުމަށާއި އިތުރު މައުލޫމާތު ހޯއްދެވުމަށް 9607791388+ އަށް ގުޅުމުން ރިޒަވޭޝަން ހެެއްދެވޭނެ އެވެ. އިތުރު ތަފްސީލު ސީޒަން ޕެރަޑައިސްގެ ވެބްސައިޓް އިން ލިބެން ހުންނާނެއެވެ.
