ޑޮލަރުގެ އަގުބޮޑުވަނީ މުއިއްޒުގެ ސަރުކާރުގެ ނާގާބިލު ސިޔާސަތުން: އަމީރު

އެމްޑީޕީން ބޭއްވި ޕެނަލް ޑިސްކަޝަންގެ ތެރެއިން: ޕެނަލް ޑިސްކަޝަންގައި އަމީރު ވިދާޅުވީ ޑޮލަރު އަގުބޮޑުވުމުގެ ސަބަބުން ރައްޔިތުންނާއި ވިޔަފާރިތަކަށް ބޮޑެތި ގެއްލުންތަކެއް ވަމުންދާ ކަމަށް -- ފޮޓޯ: އަދަދު

އެމްޑީޕީން ބޭއްވި ޕެނަލް ޑިސްކަޝަންގެ ތެރެއިން: ޕެނަލް ޑިސްކަޝަންގައި އަމީރު ވިދާޅުވީ ޑޮލަރު އަގުބޮޑުވުމުގެ ސަބަބުން ރައްޔިތުންނާއި ވިޔަފާރިތަކަށް ބޮޑެތި ގެއްލުންތަކެއް ވަމުންދާ ކަމަށް -- ފޮޓޯ: އަދަދު

ކަޅު ބާޒާރުގައި ޑޮލަރުގެ އަގު ބޮޑުވެގެން އުޅެނީ ރައީސް މުހައްމަދު މުއިއްޒުގެ ސަރުކާރުގެ ނާގާބިލު ސިޔާސަތުތަކުގެ ސަބަބުން ކަމަށް ކުރީގެ ފިނޭންސް މިނިސްޓަރު އިބްރާހިމް އަމީރު މިރޭ ވިދާޅުވެއްޖެ އެވެ. 

އެމްޑީޕީން ކުރިއަށްގެންދާ "ޑޮލަރެއް ނެތް" ޕެނަލް ޑިސްކަޝަންގައި އަމީރު ވިދާޅުވީ ޑޮލަރުގެ އަގު އުފުލޭ އެއް ސަބަބަކީ ދައުލަތުގެ ހަރަދު ކުޑަނުކުރެވި، ބަޖެޓް ފައިނޭންސްކުރަން ބޭނުންވާ ބޭރު ފައިސާ ހޯދުމަށް ވެސް އެއްކޮށްހެން ނުކުޅެދިފައިވުން ކަމަށެވެ. 

"ޑޮލަރުގެ އަގު މި ބޮޑުވެގެންދަނީ އަސްލު ރައީސް މުއިއްޒުގެ ސަރުކާރުގެ ނާގާބިލު ސިޔާސަތުގެ ސަބަބުން. އަޅުގަނޑުމެންނަށް މިހާރު ފެނިގެންދޭ ޗާޓުތަކުން ވެސް އަޅުގަނޑުމެންނަށް ފެނިގެންދާނެ ދައުލަތުގެ ހަރަދު ކުޑަނުކުރެވި އިސްރާފު އިތުރުވެގެންދާތަން. އަދި ބަޖެޓް ފައިނޭންސް ކުރުމަށް ބޭނުންވާ ބޭރު ފައިސާ ހޯދުމަށް ސަރުކާރު މިއޮތީ އެއްކޮށްހެން ނުކުޅެދިފައި،" އަމީރު ވިދާޅުވި އެވެ.  

އަމީރު ވިދާޅުވީ ސަރުކާރުން ޑޮލަރު ރޭޓު ދަށަށް ދާނެ ކަމަށް ބުންޏަސް އެއީ އިގްތިސޯދީ ހަމައަކުން ބަލާފައި ދައްކާ ވާހަކައެއް ނޫންކަން އެނގޭ ކަމަށެވެ. ސަރުކާރުގެ ސިޔާސަތުތަކުގެ ސަބަބުން ޑޮލަރު ރޭޓު މައްޗަށް ދާއިރު، އޭގެ ސަބަބުން ރާއްޖޭގެ ރައްޔިތުންނާއި ވިޔަފާރިތަކަށް ވެސް ބޮޑެތި ދަތިތަކާ ކުރިމަތިލާން ޖެހިފައިވާ ކަމަށް އޭނާ ވިދާޅުވި އެވެ. 

"ބެންކަށް (ބީއެމްއެލް) އަށް މާރުކޮށްގެން ޑޮލަރުގެ ކަޅު ބާޒާރުގެ ރޭޓު ދަށަށް ނުދާނެކަން އޭރުވެސް އަޅުގަނޑުމެން މި ކޮމިޓީގެ ފަރާތުން އެކި އެކި ޕްރެސް ކޮންފަރެންސްތަކުގައި ވާނީ ފާހަގަކޮށްފައި. އަޅުގަނޑުމެން އޭރުވެސް ފާހަގަކުރަމުން އައީ ސަރުކާރުގެ ޑޮލަރު ރޭޓު ދަށަށް ދާނެ ކަމަށް ވިދާޅުވި ނަމަވެސް، މިއީ އެއްވެސް އިގްތިސާދީ ހަމައަކަށް ބަލާފައި ދައްކާ ވާހަކައެއް ނޫންކަން،" އަމީރު ވިދާޅުވި އެވެ. 

"މި ސަރުކާރުގެ ސިޔާސަތުގެ ސަބަބުން އަޅުގަނޑުމެންނަށް މިހާރު ޑޮލަރުގެ ކަޅު ބާޒާރު ރޭޓު މައްޗަށް ދާކަން މިއޮތީ ވަރަށް ރަނގަޅަށް ފެންނަން، މީގެ ސަބަބުން އަސްލު ރާއްޖޭގެ ރައްޔިތު މީހާއަށްވެސް އަދި ވިޔަފާރިކުރާ ވިޔަފާރިތަކަށްވެސް ވަރަށް ބޮޑެތި ދަތިތަކާ އުނދަގޫތައް އެބަ ކުރިމަތިވޭ." 

އަމީރު ވިދާޅުވީ ޑޮލަރު ލިބުމުގައި ދަތިތައް ދިމާވުމުން ރައްޔިތުންނަށް ކާޑުން ކުރެވޭ މުއާމަލާތްތަކަށް ބުރޫއަރާފައިވާ ކަމަށެވެ. އެގޮތުން އީ-ކޮމާސް ސައިޓުތަކަށް 30 ޕަސަންޓުގެ ޗާޖެއް ނަގާއިރު، ލިމިޓެއްވެސް މިހާރު ކަނޑައަޅާފައިވާކަން އޭނާ ފާހަގަކުރެއްވި އެވެ. 

ވިޔަފާރިވެރިން ހަދާ ޓީޓީތަކަށް ޑޮލަރު ނުލިބޭކަން ފާހަގަކުރައްވާ އަމީރު ވިދާޅުވީ ވިޔަފާރިތަކުން ޑޮލަރު ގަންނަން ޖެހިފައިވަނީ ކަޅު ބާޒާރުގައި ކަމަށެވެ. އޭނާ ވިދާޅުވީ ވިޔަފާރިވެރިން ހަދާ ޓީޓީ ޕްރޮސެސްކޮށްފައި ބޭރަށް ފައިސާ ފޮނުވަން ދުވަސްތަކެއް ނަގާ ކަމަށާއި އޭގެ ސަބަބުން ޝިޕްމަންޓްތައް ޕްލޭން ނުކުރެވޭ ކަމަށެވެ. 

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox