މުޒާހަރާއަކަށް ވަޑައިގަންނަވާ ނަމަ ކުރީގެ ރައީސުންނަށް ސެކިއުރިޓީ ނުދޭން ނިންމީ ސިފައިންނާ މަޝްވަރާނުކޮށް

Jun 30, 2026, 6:15 PM
އެމްޑީޕީގެ ފަރާތުން އެންމެ ފަހުން ބޭއްވި މުޒާހަރާގައި ކުރީގެ ރައީސް ނަޝީދު ބައިވެރިވެވަޑައިގަންނަވަނީ: ސަރުކާރުގެ ބޭނުމަކީ ނަޝީދު ހުއްޓުވުން ކަމަށް މަސްދަރުތަކުން ބުނޭ -- ފޮޓޯ: އިމްތިޔާޒް މޫސާ / އަދަދު

އެމްޑީޕީގެ ފަރާތުން އެންމެ ފަހުން ބޭއްވި މުޒާހަރާގައި ކުރީގެ ރައީސް ނަޝީދު ބައިވެރިވެވަޑައިގަންނަވަނީ: ސަރުކާރުގެ ބޭނުމަކީ ނަޝީދު ހުއްޓުވުން ކަމަށް މަސްދަރުތަކުން ބުނޭ -- ފޮޓޯ: އިމްތިޔާޒް މޫސާ / އަދަދު

ރައީސުލްޖުމްހޫރިއްޔާގެ މަގާމު އަދާކުރައްވާފައިވާ ބޭފުޅަކު މުޒާހަރާއަކަށް ވަޑައިގަންނަވާ ނަމަ އެވަގުތަކަށް ސެކިއުރިޓީ މެދުކަނޑާލަން ރައްޔިތުންގެ މަޖިލީހު ސަލާމަތާ ބެހޭ ކޮމިޓީ އިން ނިންމީ ސިފައިންނާ ވެސް މަޝްވަރާނުކޮށް ކަން އަދަދު އަށް އެނގިއްޖެ އެވެ. 

ކުރީގެ ރައީސުންނަށް ސެކިއުރިޓީ ދެނީ ސިފައިން ހަދާފައިވާ ގަވާއިދެއްގެ ދަށުންނެވެ. އެހެންވެ، ގަވާއިދަށް އެފަދަ މުހިންމު އިސްލާހެއް ގެނައުމުގެ ކުރިން ސިފައިންނާ މަޝްވަރާ ކުރަން އިއްޔެ ބައެއް މެންބަރުން ހުށަހެޅުއްވި އެވެ. ނަމަވެސް ވެރިކަން ހިންގާ ޕީއެންސީ އިން ނިންމީ އެއްވެސް ބަޔަކާ މަޝްވަރާ ނުކޮށް ގަވާއިދު އިސްލާހު ކުރުމަށެވެ. 

"ކުރީގެ ރައީސުންގެ ސެކިއުރިޓީއަށް ޒިންމާވާންޖެހޭ ބޭފުޅުންނަކީ ސިފައިން. އެބޭފުޅުންގެ އެއްވެސް މަޝްވަރާއެއް ނެތި ގަވާއިދު އިސްލާހު މި ކުރަނީ ރައީސުލްޖުމްހޫރިއްޔާގެ އޮފީހުން ބުނީމާ ބުނި ގޮތަކަށް،" ކޮމިޓީގައި ބައިވެރިވި މެންބަރަކު ނޫހުގައި ނަން ނުޖެހުމަށް އެދި ވިދާޅުވި އެވެ. 

ކުރީގެ ރައީސުން މުޒާހަރާއަކަށް ވަޑައިގަންނަވާ ނަމަ ސެކިއުރިޓީ ކަނޑާލަން 241 ކޮމިޓީ އިން ނިންމީ، މުޒާހަރާ ކުރުން ފަދަ އަސާސީ ހައްގަކަށް ހުރަސް އެޅޭ ގޮތަށް އެކަން ނުކުރަން ކޮމިޓީގައި ބައެއް މެންބަރުން އިލްތިމާސްކުރަމުން ދަނިކޮށް ކަމަށެވެ. 

މި ނޫހާ ވާހަކަ ދެއްކި މަސްދަރުތަކުން ބުނީ ކޮމިޓީގެ މަގްސަދަކީ ކުރީ ކުރީގެ ރައީސް މުހައްމަދު ނަޝީދު މުޒާހަރާއަށް ވަޑައިގަތުން ހުއްޓުވުން ކަމަށެވެ. 

ކުރީގެ ރައީސުން މުޒާހަރާއަކަށް ވަޑައިގަންނަވާ ނަމަ ސެކިއުރިޓީ ކަނޑާލަން ހުށަހެޅުއްވީ ވެރިކަން ހިންގާ ޕީޕަލްސް ނެޝަނަލް ކޮންގްރެސްއަށް ނިސްބަތްވާ ކެލާ ދާއިރާގެ މެންބަރު އަބްދުﷲ ޝަރީފެވެ. 

އެ އިސްލާހަށް ތާއީދު ނުކުރެއްވީ ތިން މެންބަރެކެވެ. އެއީ އިދިކޮޅު މޯލްޑިވިއަން ޑިމޮކްރެޓިކް ޕާޓީގެ އަބްދުލްޣަފޫރު މޫސާ އާއި މޯލްޑިވްސް ނެޝަނަލް ޕާޓީގެ މުހައްމަދު ނާޒިމް އާއި ތުޅާދޫ ދާއިރާގެ މެންބަރު އަބްދުލްހަންނާނު އަބޫބަކުރެވެ. 

މި ނޫހުގެ ދެ ނޫސްވެރިޔަކު ޖަލަށްލި މައްސަލައިގައި ކުރީގެ ރައީސް ނަޝީދު ވަނީ މާލޭގައި ކުރި ދެ މުޒާހަރާއެއްގައި ބައިވެރިވެވަޑައިގެންފަ އެވެ. އަދި ނަޝީދާއި ކުރީގެ ރައީސް އަބްދުﷲ ޔާމީން އާއި ކުރީގެ ރައީސް އިބްރާހިމް މުހައްމަދު ސޯލިހުގެ ބައްދަލުވުމަކަށްފަހު، ހިންގަވާފައި ވަޑައިގަންނަވަން މަސައްކަތް ކުރެއްވި އެވެ. 

ނޫސްވެރިކަމާއި ހިޔާލުފާޅު ކުރުމާ ދެކޮޅަށް މި ސަރުކާރުން ކުރަމުން އަންނަ ކަންކަމާ ދެކޮޅަށް ތެދުވެވަޑައިގަތުމަށް ކުރީގެ ރައީސުން ވަނީ ނިންމަވައިފަ އެވެ. އެކަން އިއުލާނު ކުރެއްވި ދުވަހު ޔާމީން ވިދާޅުވީ އެ ތިން ބޭފުޅުން އެކުގައި މުޒާހަރާއަކުން ފެނުން އެކަށީގެންވާ ކަމަށެވެ. 

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox