ފައިނޭންޝަލް އެކްސްޕޯ: މާލީ މުއާމަލާތްތަކުގެ މުސްތަގުބަލާއި ޑިޖިޓަލް އީޖާދުތަކާ ބެހޭ ހާއްސަ ސެޝަނެއް ބާއްވަނީ

Jun 30, 2026, 8:59 PM
ފައިނޭންޝަލް އެކްސްޕޯ: މާލީ މުއާމަލާތްތަކުގެ މުސްތަގުބަލާއި ޑިޖިޓަލް އީޖާދުތަކާ ބެހޭ ހާއްސަ ސެޝަނެއް ބާއްވަނީ

މާލީ ދާއިރާގެ އައު އީޖާދުތަކާއި ޒަމާނީ ފައިސާގެ މުއާމަލާތްތަކާ ބެހޭ ގޮތުން މަޝްވަރާކުރުމަށް ބާއްވާ ހާއްސަ ސެޝަނެއް ފައިނޭންޝަލް އެކްސްޕޯ 2026 ގެ ތެރެއިން ކުރިއަށް ގެންދިއުމަށް ނިންމައިފި އެވެ.

މި ސެޝަން އަމާޒުކޮށްފައިވަނީ ފައިސާ ދެއްކުމުގެ ނިޒާމުތައް ހަލުވި، ރައްކާތެރި އަދި އެންމެންނަށް ބައިވެރިވެވޭ ފަދަ ގޮތަކަށް ބައްޓަންކުރުމުގެ މައްޗަށެވެ.

މި ހަރަކާތް އޮންނާނީ އަންނަ ބުރާސްފަތި ދުވަހު ހެނދުނު 11:30 ގަ އެވެ.  މި ސެޝަން ކުރިއަށް ދާނީ ފައިނޭންޝަލް އެކްސްޕޯގެ މައި މައުރަޒު ޓެންޓުގެ ފުރަތަމަ ސްޓޭޖުގަ އެވެ. މި ބައްދަލުވުމުގައި މާލީ ދާއިރާގެ އިސްވެރިންނާއި ތަޖުރިބާކާރުން ބައިވެރިވެ، ފައިސާގެ މުއާމަލާތްތަކަށް އަންނަމުންދާ ބޮޑެތި ބަދަލުތަކާ ގޮތުން ފުޅާ ދާއިރާއެއްގައި ވާހަކަދައްކަވާނެ އެވެ.

މި ސެޝަންގެ މައިގަނޑު ބޭނުމަކީ ވަގުތުން ވަގުތަށް ފައިސާ ފޮނުވޭ ނިޒާމުތަކާއި، އެކި ބޭންކުތަކާއި މާލީ އިދާރާތަކުގެ މެދުގައި ބޭނުންކުރެވޭ ކިއުއާރު ކޯޑުގެ ޒަރީއާއިން ފައިސާ ދެއްކުމާއި، ޑިޖިޓަލް ވޮލެޓުތަކުގެ ދައުރާ ބެހޭގޮތުން މައުލޫމާތު ހިއްސާކުރުމެވެ.

އޭގެ އިތުރުން އެއް ގައުމުން އަނެއް ގައުމަށް ފައިސާ ފޮނުވުމުގައި ހުރި ގޮންޖެހުންތައް ނައްތާލައި، ބައިނަލްއަގުވާމީ ފެންވަރުގައި ފައިސާގެ މުއާމަލާތްތައް ގުޅާލުމުން އާންމު ފަރުދުންނަށާއި، ވިޔަފާރިތަކަށް އަދި ސަރުކާރުތަކަށް ލިބޭނެ ފަސޭހަތަކަށް މި ބައްދަލުވުމުގައި އަލިއަޅުވާލާނެ އެވެ.

މި ސެޝަނުގައި ބައިވެރިވުމުގެ ފުރުސަތު މިހާރު ވަނީ އާންމުކޮށް ހުޅުވާލާފަ އެވެ. ބައިވެރިވާން ބޭނުންވާ ފަރާތްތަކުން ކަނޑައެޅިފައިވާ ކިއުއާރު ކޯޑު ސްކޭންކޮށްގެން ރަޖިސްޓަރީ ކުރެވޭނެ އެވެ. ނަމަވެސް މި ސެޝަނަށް ކަނޑައެޅިފައިވަނީ ވަކި އަދަދެއްގެ ޖާގަ ކަމަށްވާތީ، ވީހާވެސް އަވަހަކަށް ރަޖިސްޓަރީ ކުރުމަށް އިންތިޒާމުކުރާ ފަރާތުން އިލްތިމާސްކުރެ އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox